Biblia Todo Logo
Bìoball air-loidhne

- Sanasan -




2 पतरस 2:1 - Walangi

1 त जीं तेन्हि इस्राएले मेह्‍णु बुछ केहि झूठे भविष्य वक्ता थिए, तीं तुसी बुछ बि गलत शिक्षा देणे बाड़े भुन्ते। से नियोक नियोक कइ नाश करणे बाड़ी कुबुद्धि देन्ते। से त तेस ताकतवर प्रभु बि इन्कार कते, जेन से अपु जानी कीमत दी कइ खरीदो असे। ईं कर कइ से अपु घेणे दन नीड़ीयेर आणते।

Faic an caibideil Dèan lethbhreac




2 पतरस 2:1
73 Iomraidhean Croise  

पर जे मोउं मेह्‍णु के सामणि न मनियाल तेस अउं बि अपु स्वर्गे बोउए सामणि न मानता।”


सुआ झूठे भविष्य वक्ते एन्ते त सुआ जेईं विश्वास केआं बेहकान्‍ते।


किस कि झूठे मसीह त झूठे भविष्य वक्ते एन्ते। से बोडे बोडे निशाणी त चमत्कार कते ताकि भोई सकियेल त चुणो तेन्हि बि विश्वास केआं उलाठ नी छते।


किस कि सुआ जेईं में नओं नी कइ एन्ते त बोते कि से ‘मसीह’ भिन्थ, होर सुआ जेईं विश्वास केआं उलाठ नी छते।


झूठे भविष्य वक्ती केआं दूर बिशे। से भोले-भाले ढडुड़ के वेश अन्तर तुं भेएड़ एन्ते, पर सच्चे बि से चीरणे बाड़े शेंखु भुन्ते।


किस कि तपल झूठे मसीह त भविष्य वक्ते एन्ते। से निशाण हराल कइ त सुआ चमत्कारे कम कर कइ, होर तेन्हि केआं भोई सकियेल त परमेश्वरे चुणो तेन्हि बि विश्वास केआं उलाठ नेणे कोशिश कते।


पर जे मेह्‍णु के सम्हाणि मोउं ना मनाल त तेसे अउं बि परमेश्वरे स्वर्गेदूती के सम्हाणि ना मानता।


तेन बोलु, “खबरदार बिशे कि तुसी कोई ना ठगयाल। किस कि में नओं नी कइ सुआ जेईं एन्ते त बोते, ‘अउं सेईंए भो’ त ईं बि बोते कि, ‘से टेम एई गो असा’। तुस तेन्के बोक ना माने।


“तुं खेया खाट भोई घेन्तु, जपल सोब मेह्‍णु तुसी जे खरु बोते, किस कि तेन्के बाव दादु बि झूठे भविष्य वक्ते जे तिरुह बोतेथ।”


किस कि ईं मेह्‍णु हें मसीहे ना, पर अपु पेटे सेवा कते। होर चिकनी चुपड़ी बोकी बइ सिधे साधे मने मेह्‍णु बेहकाइ छते।


वाह जी वाह! पंगे कते रेहिए। ना त कीं पता लगता की तुं बुछ कोउं कोउं खरे विश्वासी असे?


किस कि यीशु मसीहे अपु जाने कीमत दी कइ तुस खरीदो असे। तोउं त तुस अपु अपु जिसमे बेलि परमेश्वरे महिमा करे।


यीशु मसीहे तुस अपु जाने कीमत दी कइ खरीदो असे, त तस छड़ केस मनखे शिक्षा मान कइ तसे गुलाम ना बणे।


मसीहे हें सम्हाई शराप अपफ पुठ नी कइ, नियमे जे शक्ति असी पुठ थी, से नाकाम कर कइ अस अजाद कइ छड़े। किस कि धरमे कताब ईं बि बोती कि “जे कोउं बुटे पुठ ढनाई घेन्ता, तेस पुठ शराप असा।”


परमेश्वरे अगर धर्मी बणुण जे, जे तुसी मूसे दुतो सोबी नियम मनण जे शिचालते, से तुं मितर बणुण त चहन्ते, पर तेन्के मतलब कुछ होरा असा। से त मोउं त तुसी अलग करण चहन्ते ताकि तुस तेन्के मितर बणे।


से मुर्तिपुजा कता, त खेचरो-भुचरो कर कइ मेह्‍णु दुख देन्ता, मेह्‍णु जुए बैर रखता, त झगड़ीन्‍ता। से होरी कमाई हेर जड़ता। से घड़ी घड़ी लेहेर किढ़ता। से हर अब्बल कमे खिलाफ भुन्ता, त मेह्‍णु बुच अणबण करान्ता, त मतलबी भुन्ता।


तेन यीशु मसीहे जान देणे बेलि अस बचाए, मतलब कि तेन अपु बोडी दाह जुए हें पाप श्राप माफ कइ छड़े।


तोउं अस गभुर के ईं नदान ना रेहन्ते, जे हर किस्मे गलत शिक्षाई बेलि बेहक घेन्ते, त जेन्हि दुष्ट मेह्‍णु अपु अपु चलाकी जुए ठगते।


परमेश्वर तेन्हि सज्जा दी कइ मुकाई छता, किस कि से अपु जिसमे इच्छाई वश अन्तर असे। से सम्हाई बेशर्मी कमी पुठ रोभ किढ़ते। तेन्हि अपु अपु मन सद इस धरती चीजी पुठ लोओ असे।


त जे बि तुसी स्वर्गेदूती के पूजा करण जे या वेबझह अपफ जे कष्ट देण शिचालते, तेन्के बोक ना माने। अगर तुस तेन्के बोक मानियेल त अपु ईनाम गड़ाई छते। से दर्शण हेर कइ अपु पापी मने सोची बेलि झूठा रोभ किढ़ते।


समोझि बिशे कि कोई तुसी मेह्‍णु के शिक्षा पुठ त मतोके रीति रिवाजे शिक्षा पुठ विश्वास कराई कइ अपु सेवक ना बणाल, किस कि ए सोब मसीहे हिसाब जुए नेईं।


पर अगर कोई अपु खास कर अपु टब्बरे देखभाल ना कता त तेन अपु विश्वास छड़ दुतो असा, त से अविश्वासी केआं बि ज्यादा बुरा भोई गो असा।


किस कि ईं टेम बि एन्ता जपल मेह्‍णु खरी शिक्षा ना मानते, पर अपु अपु पापे गुणे खातिर सद तिहांणि शिक्षा शिचालणे बाड़ी कठेरते, जे से शुणुण पसंद कते।


तेन्हि चुप कराण जरूरी असु, किस कि ए अपु फायदा लिए जे शिक्षा गलत असी, तस शिचाल कइ सम्हाई के घर उजाड़ुण लगो असे।


अगर कोई मेह्‍णु बुच झगड़ा आणते, त तेन्हि यक दुई लिंग खबरदार कर; तढ़ेया पता तेन्हि जुए कुछ लेण देण ना कर।


त जे परमेश्वरे कोईये बेज्जती कते, तेन्हि कि घट सज्जा मेती ना? होर जे मसीहे तेस जुबाने लहु, जेसे बेलि से शुचा किओ असे, तेस कुछ ना समझते, तेन्हि पुठ कि परमेश्वरे घट कोप भुन्ता ना? अगर अस ईं कते, त अस दाह करणे बाड़ी तेस शुची आत्माई बेज्जती कते।


तुस यीशु जोई बजन हेरणे परेम कते। होर अब त तेस पुठ बजन हेरणे बि विश्वास कर कइ अत खुश असे कि तुं बुखि हसती त तुं खुशी कोई ठिकाणे नेईं।


से लालची भुन्ते त अपु फायदे लिए फेशि लाई कइ तुसी ठगान्ते। पर तेन्के सज्जा परमेश्वरे पेहलाई शुणाई छो असी। तेस एणे देर नेईं भो, त तेन्के खातमा नेईं टलो।


मेईं ए बोके तुसी जे तेन्के बारे लिखो असी, जे तुसी बेहकान्‍ते।


ए ट्यारेओ! हर यक जेईं पुठ विश्वास ना करे जे ईं बोते कि शुची आत्मा हें अन्तर असी। पर तेन्हि परखिण दिए कि से परमेश्वरे कनारा असे कि नेईं, किस कि मतोक अन्तर सुआ झूठे भविष्य वक्ता बणो असे।


से तुसी जे बोलिआ कतेथ, “अखिरि रोजी अन्तर ईं मेह्‍णु एणे बाड़े असे, जे परमेश्वरे लठ लिहाज ना रखते, बजन भक्ति अपु बुरी इच्छाई हेसाब जोई जीन्ते।”


किस कि ईं केहि मेह्‍णु मठे नियोक कइ तुसी बुच एई गो असे, जे परमेश्वरे भक्ति ना कते त हें परमेश्वरे कृपादृष्टि यक मखोल ईं समझ कइ लूचियाम कते। होर त होर, ए हें यके मालिक त प्रभु यीशु मसीह बि ना मानते। परमेश्वर एन्हि की सज्जा देन्ता तसे बारे सुआ टेम केआं पेहलाई धरमे कताब अन्तर लिख छो असु।


तेन्हि निशाणी के बझई जोई, जेन्हि तेस जानवरे सम्हाणि हरालणे हक थिआ, से धरती पुठ बिशणे बाड़ी भरमान्ता। होर तेन्हि जे बोता कि तेस जानवरे मुर्ति बणाए, जे तलवारे खतरनाक चोट लगण केआं पता बि बच गा।


अउं ई जाणता कि तुस तेस शेहर बिश्ते, जेठि शैताने सिंहासन असा। तोउं बि तुस में नओं हमेशा नेन्ते रेहन्ते। शैताने तेस जगाई अन्तर, तेन्हि दिनि बि तुस मोउं पुठ विश्वास करण केआं पतूं ना खिरके, जपल तठियाणि मेह्‍णु में यकीन लेएक उगाह अन्तिपास मार छड़ा।


अउं तुं दुख तकलीफ त गरीबी जाणता, पर आत्मा अन्तर तुस अमीर असे। होर जे मेह्‍णु अपफ जे यहूदी बोते, पर भिन्थ नउ, बल्कि से शैताने सतसंगे मेह्‍णु भो, तुं बारे तेन्के बुराई करण बि जाणता।


अउं तुं हर कम जाणता। हेर, मेईं तुं समाणि यक दुआर खोल रखो असु, जेस कोई बन्न ना कइ बटता। तुं ताकत बेशक धिखुभई असी, तोउं बि तुसी में शिच मनो असी त में नओं नेण केआं कदी ना नेईं किओ।


से यीशु गुणगान कते ईं नोउ घीत लाण लगे, “ई कताब नेणे, त एसे मुहर खोलणे लेएक असा तु प्रभुआ! किस कि तेईं मर कइ अपु लहुए बइ हर यक ऊड़ी, भाषा, जाति त देश अन्तरा परमेश्वरे लिए मेह्‍णु मुले खरीदो असे।


तेन्हि जोरी जोई छनेअरे कर कइ बोलु, “ए महान प्रभु, शुचा त सच्चा! तु न्याय करण जे हउ कतु चेरे लान्ता? धरती पुठ बिशणे बाड़ी केआं हें लहुए बदला कपल नेन्ता?”


Lean sinn:

Sanasan


Sanasan