2 पतरस 1:9 - Walangi

⁹ किस कि जे कोउं एन्हि बोकी अन्तर न बधता, से जीं काणा त अन्हा ईं असा। होर से बिसरी गो असा कि तसे पुराणे पाप सोब धुई गो असे।

2 पतरस 1:9 Iomraidhean Croise

मरकुस 10:21

इस बोकी पुठ यीशु से ट्यारा लगा त तसे धे हेर कइ बोलु, “तोउ अन्तर यक बोकी कमी असी। गा, जे किछ तोउ केईं असु तेस बेच कइ गरीब कें धे बांट छड़, त में पता आई, तोउं तोउ स्वर्ग अन्तर धन मेता”।

लूका 18:22

ईं शुण कइ यीशु तस जे बोलु, “तोउ अन्तर हउ बि यक चीजे कमी असी। अपु सोब कुछ बेच कइ गरीबी कें धे बांट छड़। तोउं, तोउ स्वर्ग अन्तर धन मेता; त में पता आई।”

रोमी 6:11

तोउं त, तुस बि अपु अपफ गलती त पाप करण जे मरोरे समझे, पर परमेश्वरे लिए मसीह यीशु अन्तर जीन्ते समझे।

गलाती 5:13

ए भाई त भेणिओं! परमेश्वरे तुस खुल कइ जीण जे भिहो असे। पर खबरदार बिशे कि जे छूट तुसी परमेश्वर केईं मेओ असी, तसे बेलि तुस अपु अपु जिसमे बुरी इच्छा पूरा ना करे, बल्कि परेम जुए यकी होरी सेवा करे।

गलाती 5:6

किस कि जपल कोई मसीह यीशु पुठ विश्वास कता त तस खतना भुणे या ना भुणे कोई मुल नेईं। सद विश्वासे मुल असा जे परेमे बेलि अपफ हरालता।

इफिसुस 5:26

त अपु वचने बेलि अस पाणि ईं धुई कइ साफ कर कइ शुचे किए।

तीतुस 2:14

तेन अपु जिन्‍दगी हें लिए भकत दिती, ताकि अस सम्हाई पाप केआं छुड़कियेल त शुचे भोई कइ तसे यक टज बणियेल जे खरे खरे कम करण जे तेयार असे।

इब्रानी 9:14

त जे मसीह अमर आत्माई बेलि, अपफ नरदोष रख कइ परमेश्वरे अगर अपु भकत दिती, तेस मसीहे लहु जरूर हें अन्तरात्माई सोबी बुरे कमी केआं साफ कतु। तोउं अस जीन्ते परमेश्वरे पूजा अराधना कइ बटते।

1 पतरस 3:21

से बाढ़े पाणि आजकण जमाने पाणि अन्तर चुसुणे यक निशाणी भो। ए हरालता कि परमेश्वर यीशु मसीह दुबारी जीआणे बेलि अब तुसी बचान्ता; ए चुसुण जिसमे मैल साफ करण जे नेईं, बल्कि साफ अन्तरात्मा मेण जे विनती करीण असी।

1 यूहन्ना 1:7

पर अगर जीं से टगड़ियार अन्तर असा, तिहांणि अस बि टगड़ियारे कम कइ जीएल त यक होरी जुए हें संग असा। त तसे कोईया यीशु लहु असी सोबी पापी केआं शुचु कतु।

प्र. बोके 3:17

तुस बोते कि ‘अस अमीर बण गो असे। हें हर किछ सुहलियत भोई गो असी, त असी केसे चीजी घटी नेईं।’ पर तुस ईं ना जाणते कि तुस कत नभागे, बिचारे, नगे-ढुके, अन्हे त कंगाल असे।