2 पतरस 1:8 - Walangi

⁸ किस कि अगर तुस ए सोब कते रिहेल, होर अगर ए सोब गुण तुं अन्तर बधते घियेल, त तुस ई हरालते कि हें प्रभु यीशु मसीहे पिछाणणे बेलि तुं अन्तर जब्बर खरे असर भो असा।

2 पतरस 1:8 Iomraidhean Croise

मत्ती 13:22

केहि जेईं परमेश्वरे वचन शुणते त जरूर, पर इस मतोके चिन्ता कर कइ त धन दौलते लालचे बेलि दबी घेन्ते त वचन मान कइ ना जीन्ते। से मेह्‍णु कांटियाली जिमि के ईं असे। तेन्हि केईआं कोई फल न मेता।

मत्ती 20:3

तोउं भ्यागे नौ बजे ईं से बाजार गा त तठि सुआ मेह्‍णु बेहले काए।

मत्ती 20:6

ब्यादि पंज बजे टेम फि तेन होरे मेह्‍णु बेहले काए त तेन्हि जे बोलु, ‘तुस किस इठि दन भइ बेहले बिशो असे?’

मत्ती 25:26

तसे मालिके तेस जे जवाब दिता, ‘ए दुष्ट त सुसत नौखरा! तु ई सोब जाणताथ कि अउं जेठि न बांता तठि लुणता, होर जेठि बिएजु न छिंगो भुन्तु, तठि बेह्ढ़ता।

यूहन्ना 15:2

में से सोब डा जे फल ना देन्ते, तस से काट छता त जे फल देन्ते, तेन्हि से छांटता ताकि तठि हउ बि सुआ फल लगियेल।

यूहन्ना 17:3

त अमर जीवन पाणे तरीका ई असा कि तेन्हि पक्का पता लगे कि तुस ईं यक सच्चा परमेश्वर भो त अउं जे यीशु भो, सेईंए मसीह भो जे तुसी लंघो असा।

यूहन्ना 5:42

पर मोउं तुं पता असा कि तुस परमेश्वर जुए परेम ना कते।

रोमी 12:11

कोशिश करण अन्तर सुस्त न बणे, अपु आत्मा जोश जुए रखे, होर प्रभु सेवा कते रिहे।

1 कुरिन्थ 15:58

तोउं त, ए में ट्यारेओ, मसीह पुठ विश्वास अन्तर मजबूत रेह त परमेश्वरे दुतो कम कते रिहे, किस कि तुसी पता असा कि प्रभु जे तुं कोई बि कम बेकार ना भुन्तु।

2 कुरिन्थ 13:5

तोउं त, अपफ परखी कइ पता लाए कि सच्चे बि तुस विश्वास अन्तर असे ना? तोउं तुसी पता लगता कि यीशु मसीह तुं अन्तर भुन्ता। पर अगर मसीह तुं अन्तर ना भुन्ता, त तुस अपु परखुण अन्तर नाकाम भोई गो असे।

2 कुरिन्थ 8:2

से तेन्के इम्तिहान अन्तर खुश रिहे त ती गरीबी त कष्ट अन्तर बि खुल कइ दान दिता।

2 कुरिन्थ 8:7

होर जीं कि तुस विश्वास अन्तर, वचन अन्तर, ज्ञान त सोबी किस्मे कम अन्तर त हें लिए परेम अन्तर बधो असे, तीं इस दाने कम अन्तर बि बधीण दिए।

2 कुरिन्थ 9:14

त जे खास कृपा परमेश्वरे तुसी पुठ किओ असी, तसे लिए से तुसी याद कते त बोडे चह जुए प्रार्थना कते।

फिलिप्पी 1:9

अउं परमेश्वर जे प्रार्थना कता कि से तुसी बुच भाईचारा बधाल त तुसी सुआ बुद्धि त अक्ल दिआल।

फिलिप्पी 2:5

यीशु मसीह अन्तर जीं गुण थिए, तुस बि तसे ईं गुण रखे।

फिलिप्पी 3:8

आं! में प्रभु यीशु मसीह जाणण अन्तर जे अनमोल अशुश असी, तस सामणि सद से सोब नेईं जे मेईं बोलो असु, बल्कि बाकी सोब किछ बेकार असु। मेईं त अपु सम्हाई किछ गन्‍द-फन्‍द समझ कइ मसीहे खातिर छड़ दुतो असु, ताकि अउं तस अपु बणेउ।

कुलोसी 1:10

ताकि तुस प्रभु खुश भुणे लेएक जीवन जी बटियेल, त हर यक अब्बल अब्बल कमी के फले बेलि परमेश्वर खुश कइ बटियेल त तसे ज्ञान अन्तर हउ बि बधियेल।

कुलोसी 2:7

त तस पुठ अपु विश्वास सीरी के ईं टडी कइ बस घिए त तसे ज्ञान अन्तर बधीण दिए। जीं तुसी शिचो असु तीं कते-कुते विश्वास अन्तर पक्के भोई घिए त परमेश्वरे जब्बर धन्यवाद दिए।

कुलोसी 3:16

मसीहे वचन हमेशा याद कते रिहे त सम्हाई बुद्धि जुए यक होरी शिचाले, त खबरदार करे। अपु अपु मन अन्तर परमेश्वरे भजन, शुची आत्माई दुतो छुआंरी, त घुरेई धन्यवाद देन्ते लाण दिए।

1 थेस्सलु 3:12

त प्रभु ईं कराल कि जीं अस तुसी जोई परेम कते, तीं तुस बि ना सद अपफ जुओई, बल्कि होरी जोई बि परेम करे त परेम अन्तर बधते घिए।

1 थेस्सलु 4:1

त ए भाई त भेणिओं! अस तुसी जे हथ जोड़ कइ प्रभु यीशु अन्तर समझाण लगो असे कि परमेश्वर खुश करण जे त तेस लेएक जीण जे जीं तुसी असी केआं शिचो असु, होर अभेईं करण लग गो असे, तेस हउ बि कते रिहे।

2 थेस्सलु 1:3

ए भाई त भेणिओं! असी हर वकत तुं लिए परमेश्वरे धन्यवाद करण चहिए, किस कि तुं विश्वास सुसुर बधण लगोरा असा त तुं सम्हाई के अपफ बीची परेम बि सुआ पक्का भुणे लगोरा असा। त असी परमेश्वरे धन्यवाद करण बणता।

1 तिमुथि 5:13

से दुआरोड़ी घेई घेई कइ आलसी बण घेन्ति। सद आलसी ना बल्कि से चथोकिरी बण कइ होरी के कम बगाड़ती। त जे तस बोलुण ना लौतु तस बोती।

तीतुस 3:14

हें विश्वासी मेह्‍णु बि होरी के जरूरते टेम मदत करणे खरा कम शिचो लौता। तोउं से बेकार ना भुन्ते।

फिलेमोन 1:6

त अउं ई प्रार्थना कता कि विश्वास अन्तर तें साथोठ चलोरी लौती रिहो। होर तोउ ई बुद्धि लौती अओ कि मसीह जे अस कोउं कोउं भले कम कइ बटते।

इब्रानी 6:12

होर तुस नकम्मे ना, बल्कि तेन्हि मेह्‍णु के ईं भुन्ते जे सुआ लाह रख कइ विश्वासे बेलि परमेश्वरे सोब जुबान पूरी भुन्ति हेरियेल।

2 पतरस 1:2

परमेश्वरे त हें प्रभु यीशु जाणणे बेलिए तुसी पुठ तीं कृपादृष्टि त सुआ शान्ति मेती रिहे। आमीन

2 पतरस 1:3

जीवन जीण जे त परमेश्वरे भक्ति करण जे जे कुछ बि असी लौतु, परमेश्वरे अपु शक्ति बेलि से सोब हें धे दुतो असु। परमेश्वर बोडा त सुआ खरा भुणे बझई जोई अस भिहो असे। असी तसे पता असा, तोउं त ई सोब असी मेई गो असु।

2 पतरस 2:20

से प्रभु त हें बचाणे बाड़ा यीशु मसीहे पिछाणणे बेलिए मतोके केहि किस्मी पापी केआं बच कइ बि, अगर दुबारी तेन्हि अन्तर फस कइ हार गो असे, त तेन्के दशा पेहलकण दशाई केईं बि ज्यादी बुरी भोई गो असी।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।