2 पतरस 1:5 - Walangi

⁵ एस बझई जोई तुस मसीह पुठ अपु विश्वासे हेसाब जुए अब्बल जीण दिए, त तेस अब्बल जीण अन्तर परमेश्वरे इच्छा जाणणे लिए जब्बर कोशिश करे।

2 पतरस 1:5 Iomraidhean Croise

लूका 16:26

इ सोब बोक छड़ दे, किस कि तें त हें बुच यक मोटी ढांक असी कि जे इठिआ पार तें भेएड़ घेण चहन्ता, से ना घेई सकता। ना कोई अठिआ हें भेएड़ एई सकता।’

लूका 24:21

अब कीं करुं, हें त उम्मीद थी कि शयद ए से भो जेसे बारे नियम त भविष्य वक्ते बोलो असे कि से इस्राएल बचान्ता। एसे बगैर बोक इ असी की तेस मरो आज टेका रोज अओ असा।

यूहन्ना 6:27

जे रौठि खराब भोई घेन्ति, तस लिए कष्ट ना करे, पर तेस रौठि लिए कष्ट करे, जे तुं धे अमर जीवन देन्ती। से रौठि सद मनखे कुआ तुं धे दी सकता, किस कि परमपिता मतलब परमेश्वरे तसे धे हक दुतो असा।”

1 कुरिन्थ 14:20

ए ट्यारेओ! तुस गभुर के गभुरयात छड़ दिए। बुराई अन्तर गभुरु ईं बणे, जे कोई भलु बुरु न सोचतु। पर तुस स्याणी के ईं समझदार बणे।

इफिसुस 5:17

तोउं त परमेश्वरे इच्छा की असी, तस सुसुर समझीण दिए ताकि मुर्ख ना बणियेल।

फिलिप्पी 1:9

अउं परमेश्वर जे प्रार्थना कता कि से तुसी बुच भाईचारा बधाल त तुसी सुआ बुद्धि त अक्ल दिआल।

फिलिप्पी 2:12

त ए ट्यारेओ! तुसी जुए बिशणे टेम जीं तुसी में हर यक निआंग मनो असी, तीं अभेईं में गैर हाजिर अन्तर बि तस केआं बि ज्यादा ध्यान दी कइ में बोक माने। परमेश्वरे जे तुस बचाओ असे, तस होरी हरालण जे कश कइ जीन्ते रिहे।

फिलिप्पी 4:8

त में ट्यारे भाई त भेणिओं! अउं चहन्ता कि जे कुछ बि सच्चाई असी, इज्जतदार असे, सही असे, शुचा त अब्बल असे, जे जे बि खरे असे त तारीफ लेएक असे, तुस तसे बारे सोचते रिहे।

कुलोसी 1:9

त जिखेईं केआं असी इ शुणो असु, तुसी जे प्रार्थना करण केआं अस नेईं रुको। अस विनती कते कि तुसी शुची आत्माई बेलि सम्हाई बुद्धि त ज्ञान जुए परमेश्वरे इच्छाई ठीक ठाक पता लगो लौता।

कुलोसी 2:3

किस कि मसीह अन्तर ईं सम्हाई बुद्धि त ज्ञाने भण्डार असा।

इब्रानी 11:6

किस कि विश्वास करण छड़ दी कइ कोई बि कदी परमेश्वर खुश कइ न बटता। जे कोउं परमेश्वरे भेएड़ एण चहन्ता, तस पेहलाई विश्वास करण कि परमेश्वर असा। होर से तेन्हि मेह्‍णु के भलाई कता, जेन्के ध्यान तस पुठ असा।

इब्रानी 12:15

चौकाने बिशे कि तुसी बुचा कोई बि परमेश्वरे छतरछाया केआं दूर ना भुओल। होर अपफ बुछ केसे बि नराज ना करे। तसे असर सोबी पुठ भुन्ता त तुस खराब भोई घेन्ते।

इब्रानी 6:11

त अस चहन्ते कि तुस सोब अखिर तकर बोडे जोश जुए तिहांणि कते रिहे, ताकि तुस जे उम्मीद करण लगो असे, से तुसी मेई घियेल।

1 पतरस 3:7

तिहांणि, ए मेह्‍णुओ! तुस बि अक्लदारी जुए अपु अपु जुएली जोई साते जिन्‍दगी बिताण दिए किस कि से तुं ई ताकतवर नेईं। होर तुस तेन्के इज्जत करे ताकि परमेश्वरे दाहे बेलि तेन्हि बि तुसी जोई साते अमर जीवने वरदान मेईंयेल। तोउं तुं हर यक प्रार्थनाई जवाब मेईंयाल।

2 पतरस 1:10

एस बझई जोई ए ट्यारेओ! परमेश्वरे तुसी भिआणे त चुणुणे सही साबित करणे लिए हर कोशिश कते रिहे। किस कि अगर ईं करियेल त तुस कदी बि विश्वास केईआं न भटकते।

2 पतरस 1:11

बल्कि एस बझई जोई तुस हें प्रभु त बचाणे बाड़ा यीशु मसीहे कदी न खतम भुणे बाड़े राज्य अन्तर इज्जत जुए घेन्ते।

2 पतरस 3:14

तोउं त, ए ट्यारेओ! किस कि तुस अन्हि बोकी के उम्मीद कते, त कोशिश करे कि तुस से बजन कोई कलंक त नरदोष, होर तेस जोई शान्ति जुए बिशो मेईंए।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।