2 पतरस 1:4 - Walangi

⁴ किस कि से परमेश्वर बोडा त खरा असा, तेन हेन्धे बेहिसाब त बोडी बोडी जुबान दुतो असी। एसे बेलि तुस मतोके तेस बुराई केआं छूट कइ जे बुरी इच्छाई बेलिए भुन्ति, परमेश्वरे गुणे हेस्सेदार बणियेल।

2 पतरस 1:4 Iomraidhean Croise

रोमी 9:4

किस कि में ईं से बि इस्राएली भो, त परमेश्वरे गभुर भुण जे तेन्हि पेहला हक मेआ। तेन्हि परमेश्वरे महिमा काई, होर तेन्हि जे परमेश्वरे अपु जुबान दुतो थी, होर अपु निआंग बि तेन्के धे दिती। तेन्हि केईं परमेश्वरे देहरे पूजा अराधना थी, होर तेन्के धे परमेश्वरे सुआ जुबान दुतो असी।

2 कुरिन्थ 1:20

त यीशु मसीहे बेलि ईं परमेश्वरे सम्हाई जुबान हमेशा पूरी भुन्ति। तोउं त, परमेश्वरे महिमा भुण जे अस यीशु मसीहे बेलि “आमीन” बोते।

2 कुरिन्थ 3:18

होर अस सम्हाई, जे बजन कोई परदे प्रभु रौनक पुठ ध्यान कते, अस मठे मठे शिशे अन्तरी तसे शक्ली ईं भुण लगो असे। होर अस तसे रौनकी बइ भरीण लगो असे, किस कि ए प्रभु केआं भुन्ति जे कि यक आत्मा असी।

2 कुरिन्थ 6:17

तोउं त, प्रभु बोता, “तेन्हि पापी मेह्‍णु बिचा तुस इएर आईए, तेन्हि केआं बखरी घिए! त कोई बि जुठी चीज ना छुए, तोउं अउं तुसी धरान्ता।”

गलाती 3:16

तिहांणि, परमेश्वरे अब्राहम त तसे गभुर कें धे जुबान दुतो थी। धरमे कताब ई ना बोती कि “तें सम्हाई गभुर जे” बल्कि ई बोती कि “तें यक गभुर जे”, जे कि मसीह भो।

गलाती 6:8

जे अपु जिसमे इच्छा पूरा करणे बिएजु बांता, से तसे फल कमजोरी त मरण कटता, त जे शुची आत्माई खुश करणे कमे बिएजु बांता, से तेस आत्माई बेलि अमर जीवन पान्ता।

इफिसुस 4:13

ई कम से तपल तकर कते जपल तकर विश्वास अन्तर त परमेश्वरे कोईये ज्ञान अन्तर हें मन यक ना भोई घेयाल, त अस यक सिद्ध मनख भोई कइ तसे ईं ना बणियेल।

कुलोसी 3:10

तुं धे परमेश्वर यक नोउआं गुण दुतो असा जे परमेश्वरे बुद्धि बेलि हर रोज अपु सृष्टिकर्ता ईं बणुण लगो असा।

इब्रानी 12:10

इस मतोके बोउ त हें किछ रोजे जिन्‍दगी लिए अपु समझ हेसाब जुए लोडीयान्‍ता, समझान्ता। पर परमेश्वर त हें अमर फायदे लिए कता, ताकि अस बि तसे ईं शुचे बण घियेल।

इब्रानी 9:15

इस बझई जुए मसीह नोई जुबानी पंच बणा, ताकि परमेश्वरे चुणो तेन्हि जे तसे जुबानी मुताविक अमर विरासत मेईंयेल, किस कि से तेन्हि पुराणि जुबानी गलती त पापी केआं बचाणे लिए मर गा।

याकूब 1:27

हें परमेश्वरे त बोउए औउजो शुचे धरमे कम ई असे कि तुस अनाथ त विधवाई के दुख तकलीफ अन्तर तेन्के ख्याल रखे, त अपु अपफ मतोके मोह माया केआं दूर बिशे।

2 पतरस 1:1

ए ट्यारे भाई त भेणिओं! जेन्हि हें ईं मसीह पुठ विश्वास करणे मौका मेओ असा, अउं शमौन पतरस, यीशु मसीहे नौखर त प्रतिनिधि, तुसी सोबी जे नमस्ते कता। हें परमेश्वरे त बचाणे बाड़ा यीशु मसीहे भलाई बेलि ईं असी ए कीमति विश्वास मेओ असा।

2 पतरस 3:13

पर परमेश्वरे हेन्धे यक नओएं अम्बर त नोई धरती जुबान दुतो असी, जेठि सद धरम रिहाल। अस तस हेरणे उम्मीद कते।

2 पतरस 3:9

त जीं केहि मेह्‍णु समझते कि प्रभु अपु जुबान पूरी करण चेरे लान्ता, से ठीक नेईं। से त तुं लिए लाह रखता। से न चहन्ता कि कोई खतम भो, पर ईं कि सोबी मन बदलणे मौका मेओ लौता।

1 यूहन्ना 2:25

होर जेस हेन्धे देण जे कोईये जुबान दुतो असी, से “अमर जीवन” भो।

1 यूहन्ना 3:2

ए ट्यारेओ! अब अस परमेश्वरे गभुर भिन्थ, होर अगर जे अस की भुन्ते, से पता नेईं। तोउं बि, अत त जाणते कि जपल मसीह एईयाल त अस तसे ईं बणते, किस कि अस तेस तिहांणि हेरते जीं से असा।