2 पतरस 1:3 - Walangi

³ जीवन जीण जे त परमेश्वरे भक्ति करण जे जे कुछ बि असी लौतु, परमेश्वरे अपु शक्ति बेलि से सोब हें धे दुतो असु। परमेश्वर बोडा त सुआ खरा भुणे बझई जोई अस भिहो असे। असी तसे पता असा, तोउं त ई सोब असी मेई गो असु।

2 पतरस 1:3 Iomraidhean Croise

मत्ती 28:18

यीशु तेन्के भेएड़ एई कइ बोलु, “स्वर्गे त धरती सोब हक मेन्धे दुतो असे।

रोमी 8:32

से जेन अपु सक्के कोईये मोह बि ना किआ, पर असी सम्हाई जे मरण जे दी छड़ा, से तेस जोई साते हेन्धे जरूर सोब कुछ देन्ता।

रोमी 9:24

तेन्हि दाहई भाणि अन्तर अस असे, जे तेन ना सद यहूदी मेह्‍णु बिचा भिहो असे, बल्कि गैर यहूदी मेह्‍णु बिचा बि भिहो असे।

1 कुरिन्थ 1:9

किस कि से परमेश्वर यकीन लेएक असा जेन तुस भिहो असे, ताकि तुस तसे कुआ हें प्रभु यीशु मसीहे साथी बणे।

2 कुरिन्थ 12:9

पर तेन बोलु “में कृपादृष्टि, तोउ साह्मती, किस कि जपल तु कमजोर भुन्ता, तपल में ताकत तोउ सुसुर केई घेन्ति।” तोउं त, अउं अपु कमजोरी पुठ हउ बि रोभ लान्ता ताकि मसीहे ताकत मोउं पुठ केईयेल।

इफिसुस 4:1

ए ट्यारे भाई त भेणिओं! ई सोब बोक नजर अन्तर रख कइ अउं, जे प्रभु कैदी असा, तुसी जे हथ जोड़ता कि जेस बझई जोई परमेश्वरे तुस भिहो असे, तसे हेसाब जुए तुस अपु जीवन जीण दिए।

इफिसुस 4:4

अस सोब विश्वासी मसीहे यक जिसम बणते। होर परमेश्वरे असी सोबी कें धे यके आत्मा दुतो असी। परमेश्वरे जिखेईं तुस भिहो थिए, तिखेईं बि यक उम्मीद जुए भिहो थिए।

फिलिप्पी 3:8

आं! में प्रभु यीशु मसीह जाणण अन्तर जे अनमोल अशुश असी, तस सामणि सद से सोब नेईं जे मेईं बोलो असु, बल्कि बाकी सोब किछ बेकार असु। मेईं त अपु सम्हाई किछ गन्‍द-फन्‍द समझ कइ मसीहे खातिर छड़ दुतो असु, ताकि अउं तस अपु बणेउ।

फिलिप्पी 4:8

त में ट्यारे भाई त भेणिओं! अउं चहन्ता कि जे कुछ बि सच्चाई असी, इज्जतदार असे, सही असे, शुचा त अब्बल असे, जे जे बि खरे असे त तारीफ लेएक असे, तुस तसे बारे सोचते रिहे।

कुलोसी 1:16

किस कि परमेश्वर तसे बेलि स्वर्गे या धरती, केणे बाड़ा या ना केणे बाड़ा, राज त राजगद्दी, हक, शक्ति सम्हाई बणाई, ताकि एन्हि सोबी के बेलि यीशु मसीहे महिमा भो।

1 थेस्सलु 2:12

ताकि तुं चाल चलण परमेश्वरे लेएक भुओ लौता, जे तुसी अपु राज्य त महिमा हेस्सा देण जे भिआन्ता।

1 थेस्सलु 4:7

किस कि परमेश्वरे अस शुचे भुण जे भिओ असे, ना कि जुठे भुण जे,

2 थेस्सलु 2:14

एस बझई जुए हें खुश खबरी प्रचार करणे बेलि तेन तुस भिए, ताकि तुसी बि हें प्रभु यीशु मसीहे शान मेई घियेल।

1 तिमुथि 4:8

किस कि जिसमे कसरते फायदा सद इस जिन्‍दगी अन्तर असा। पर परमेश्वरे भक्ति सम्हाई बोकी जे फायदामन्द असी, किस कि एस अन्तर इस टेमे जिन्‍दगी त एणे बाड़ी जिन्‍दगी जुबान असी।

2 तिमुथि 1:9

तेन परमेश्वरे अस बचाए त शुची जिन्‍दगी जीण जे भिहो असे। होर ई हें कमे बझई जुए नेईं, पर यीशु मसीह अन्तर इस धरती बणुण केआं पेहले ईं तेसे, जे दाह त मकसद असी जे असा, तस बझई जुए किआ।

इब्रानी 1:3

सेईंए कुआ परमेश्वरे गुणे त सभावे यकी दुई असा, त से तसे पूरी महिमाईं बेलि चिलकता। से अपु बोकी के ताकते बेलि पूरा भुमण सुसुर रखता। होर, जपल तेन मेह्‍णु के पाप माफ करणे बथ बणाई छड़ी त से घेई कइ परमेश्वरे देहणा कना, बोडे इज्जते बाड़ी तेस जगाई बिशा।

1 पतरस 1:15

पर जीं तुसी भिआणे बाड़ा परमेश्वर शुचा असा, तिहांणि तुस बि अपु पूरे चाल चलण अन्तर शुचे बणे।

1 पतरस 1:5

तेस मसीह पुठ विश्वास करणे बेलि परमेश्वरे अपु ताकत जुए तुं रक्षा किओ असी, ताकि तुस बचुण तकर सुसुर बिशियेल, जे परमेश्वरे पंची करणे टेम अन्तर भुणे बाड़ु असु।

1 पतरस 2:21

होर परमेश्वरे तुस एसेरी लिए ईं भिओ बि असे कि तुस बि तेसेरीं चाल हंटे, किस कि मसीहे बि तुं लिए दुख सेह कइ तुसी जे यक नमूना बणो असा।

1 पतरस 2:9

पर तुस यक चुणो वंश, राजे पुजारी के टज, शुचे प्रजा त परमेश्वरे अपु मेह्‍णु भो, ताकि जेन तुस अन्हारे केआं अपु चमत्कारी टगड़ियार अन्तर भिओ असे, तसे किओ चमत्कारे प्रचार करे।

1 पतरस 3:9

बुराई बदले बुराई न करीण। होर बजरुण के बदले बजरुण नओं; बल्कि तसे बदले अशुश देण, किस कि तुस एसेरी लिए ईं भिहो असे ताकि तुस अशुशी के हकदार बण बटियेल।

1 पतरस 5:10

परमेश्वर सोब दाह दयाई करणे बाड़ा भो, त तेन तुस मसीहे बेलि अपु अमर सुखे हेस्सेदार बणुण जे भिहो असे। तुं थोड़ी टेमे लिए दुख सीढ़ण केआं पता, से अपफ तुसी सिद्ध, विश्वास अन्तर पक्का त ताकतवर बणान्ता।

2 पतरस 1:10

एस बझई जोई ए ट्यारेओ! परमेश्वरे तुसी भिआणे त चुणुणे सही साबित करणे लिए हर कोशिश कते रिहे। किस कि अगर ईं करियेल त तुस कदी बि विश्वास केईआं न भटकते।

2 पतरस 1:2

परमेश्वरे त हें प्रभु यीशु जाणणे बेलिए तुसी पुठ तीं कृपादृष्टि त सुआ शान्ति मेती रिहे। आमीन

2 पतरस 1:5

एस बझई जोई तुस मसीह पुठ अपु विश्वासे हेसाब जुए अब्बल जीण दिए, त तेस अब्बल जीण अन्तर परमेश्वरे इच्छा जाणणे लिए जब्बर कोशिश करे।

2 पतरस 1:6

होर परमेश्वरे इच्छा जाण कइ अपु अपफ वश अन्तर रखण जे त अपु अपफ वश अन्तर रख कइ लाह रखणे जब्बर कोशिश करे। लाह रखते रखते परमेश्वरे भक्ति करणे कोशिश करे।

2 पतरस 1:8

किस कि अगर तुस ए सोब कते रिहेल, होर अगर ए सोब गुण तुं अन्तर बधते घियेल, त तुस ई हरालते कि हें प्रभु यीशु मसीहे पिछाणणे बेलि तुं अन्तर जब्बर खरे असर भो असा।

2 पतरस 2:20

से प्रभु त हें बचाणे बाड़ा यीशु मसीहे पिछाणणे बेलिए मतोके केहि किस्मी पापी केआं बच कइ बि, अगर दुबारी तेन्हि अन्तर फस कइ हार गो असे, त तेन्के दशा पेहलकण दशाई केईं बि ज्यादी बुरी भोई गो असी।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।