2 पतरस 1:2 - Walangi

² परमेश्वरे त हें प्रभु यीशु जाणणे बेलिए तुसी पुठ तीं कृपादृष्टि त सुआ शान्ति मेती रिहे। आमीन

2 पतरस 1:2 Iomraidhean Croise

लूका 10:22

तोउं तेन तेन्हि सत्तर चेली जे बोलु जे तेन लंघो थिए, “में बोउए मेन्धे सोब किछ दुतो असु; बोउ छड़ कइ कोई कुआ न जाणते; त कुआ छड़ कइ होर कोई बोउ न जाणते; होर सद से मेह्‍णु जाणते जेस पुठ कुआ अपु बोउ प्रगट करण चहन्ता।”

यूहन्ना 17:3

त अमर जीवन पाणे तरीका ई असा कि तेन्हि पक्का पता लगे कि तुस ईं यक सच्चा परमेश्वर भो त अउं जे यीशु भो, सेईंए मसीह भो जे तुसी लंघो असा।

रोमी 1:7

ए चिट्ठि रोम शेहरे तुसी सोबी जे असी, जे परमेश्वरे ट्यारे असे त शुचे भुण जे भिहो असे। हें परमपिता परमेश्वरे त प्रभु यीशु मसीहे कृपादृष्टि तुसी पुठ भुन्ति रिहे, होर तुसी शान्ति मेती रिहे। आमीन।

2 कुरिन्थ 4:6

किस कि, ए सेईंए परमेश्वर भो, जेन सृष्टि बणाणे टेम बोलु कि “अन्हारु केआं टगड़ियार चमके।” त परमेश्वरे ईं अपु टगड़ियार हें मन अन्तर चमकाओ असी ताकि अस परमेश्वरे तेस रौनक मसीह यीशु बेलि समझ बटते।

फिलिप्पी 3:8

आं! में प्रभु यीशु मसीह जाणण अन्तर जे अनमोल अशुश असी, तस सामणि सद से सोब नेईं जे मेईं बोलो असु, बल्कि बाकी सोब किछ बेकार असु। मेईं त अपु सम्हाई किछ गन्‍द-फन्‍द समझ कइ मसीहे खातिर छड़ दुतो असु, ताकि अउं तस अपु बणेउ।

2 पतरस 1:3

जीवन जीण जे त परमेश्वरे भक्ति करण जे जे कुछ बि असी लौतु, परमेश्वरे अपु शक्ति बेलि से सोब हें धे दुतो असु। परमेश्वर बोडा त सुआ खरा भुणे बझई जोई अस भिहो असे। असी तसे पता असा, तोउं त ई सोब असी मेई गो असु।

2 पतरस 1:5

एस बझई जोई तुस मसीह पुठ अपु विश्वासे हेसाब जुए अब्बल जीण दिए, त तेस अब्बल जीण अन्तर परमेश्वरे इच्छा जाणणे लिए जब्बर कोशिश करे।

2 पतरस 1:8

किस कि अगर तुस ए सोब कते रिहेल, होर अगर ए सोब गुण तुं अन्तर बधते घियेल, त तुस ई हरालते कि हें प्रभु यीशु मसीहे पिछाणणे बेलि तुं अन्तर जब्बर खरे असर भो असा।

2 पतरस 2:20

से प्रभु त हें बचाणे बाड़ा यीशु मसीहे पिछाणणे बेलिए मतोके केहि किस्मी पापी केआं बच कइ बि, अगर दुबारी तेन्हि अन्तर फस कइ हार गो असे, त तेन्के दशा पेहलकण दशाई केईं बि ज्यादी बुरी भोई गो असी।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।

यहूदा 1:2

तुसी सोबी पुठ हद केआं ज्यादा परमेश्वरे परेम त कृपादृष्टि भुन्ति रिहे त रज्जि शान्ति मेती रिहे। आमीन

प्र. बोके 1:4

एशिया इलाके सतहोई सतसंगे में ट्यारे विश्वासी भाई त भेणिओं! अउं यूहन्ना ई चिट्ठि लिखुण लगो असा त अउं चहन्ता कि परमेश्वरे कृपादृष्टि तुसी पुठ भुन्ति रिहे त तुसी शान्ति मेती रिहे। से परमेश्वर जीन्ता असा। से पेहलाई केआं जीन्ता थिआ, त अगर जे बि जीन्ता रेहन्ता। तिहांणि तेन्हि सत आत्माई, जे तसे सिंहासने समाणि भुन्ति, त यीशु मसीहे बि कृपादृष्टि तुसी पुठ भुन्ति रिहे, होर तुसी शान्ति मेती रिहे। से यीशु मसीह परमेश्वरे यकीन लेएक उगाह असा, जे मरो तेन्हि अन्तरा सोबी केआं पेहले दुबारी जीआ त धरती सोब राजी के अधिकारी असा। तेन असी जोई परेम किआ त अपु लहु बहाई कइ हें पाप धुई छड़े।