2 पतरस 1:1 - Walangi

¹ ए ट्यारे भाई त भेणिओं! जेन्हि हें ईं मसीह पुठ विश्वास करणे मौका मेओ असा, अउं शमौन पतरस, यीशु मसीहे नौखर त प्रतिनिधि, तुसी सोबी जे नमस्ते कता। हें परमेश्वरे त बचाणे बाड़ा यीशु मसीहे भलाई बेलि ईं असी ए कीमति विश्वास मेओ असा।

2 पतरस 1:1 Iomraidhean Croise

मत्ती 10:2

अन्हि बाराह खास चेली के नओं ईं असे। शमौन जेस नओं तेन “पतरस” रखु त तसे भाई अन्द्रियास; जबदी कुआ याकूब त तसे भाई यूहन्ना;

मत्ती 4:18

पता यक रोज, गलीले तथे औत हंटते हंटते यीशु दुई भाई काए: शमौन त तसे भाई अन्द्रियास। शमौन नओं पता तेन “पतरस” रखु। से दुहे तथ अन्तर जाल छड़ण लगो थिए, किस कि से मछवारे थिए।

लूका 1:47

में आत्मा में बचाणे बाड़ा परमेश्वर केआं खुश भुई।

लूका 11:49

तोउं त परमेश्वरे बुद्धि बि तुं बारे ई बोलो असु, ‘अउं तेन्के भेएड़ भविष्य वक्ती त प्रतिनिधि लंघान्ता जेन्हि बुचा से केहि मार छते, त केहि परेशान कते।’

यूहन्ना 1:42

तोउं से शमौन यीशु मीण जे घिन आ। यीशु तसे धे हेरु त बोलु, “तु यूहन्ने कुआ, शमौन भो। पर अभेईं केआं खड़ तु ‘कैफा’ बोलिन्ता।” (कैफा मतलब “पलण” भो। यूनानी भाषा अन्तर एस जे “पतरस” बोते)।

यूहन्ना 12:26

अगर कोई में चेला बणण चहन्ता त तस में पतोती एण जरूरी असु; त जेठि अउं भुन्ता, तठि में नौखर बि भुन्ते; अगर कोई में सेवा कराल त परमपिता परमेश्वर तसे इज्जत कता।”

यूहन्ना 20:21

यीशु फि तेन्हि जे बोलु, “परमेश्वर तुसी शान्ति दिए; जीं बोउए अउं लंघा, तीं अउं बि तुसी लंघान्ता।”

प्रतिनिधि 15:14

शमौन पतरसे असी बताउ कि कीं कइ परमेश्वरे शुरुवाती दिनि अन्तर गैर यहूदी मेह्‍णु के बुछ अपु टज बणाण जे कृपा किओ असी।

रोमी 1:1

में ट्यारे रोम शेहरे विश्वासी भाई त भेणिओं! अउं पौलुस, यीशु मसीहे सेवक तुसी जे नमस्कार कता। परमेश्वरे अउं मसीहे प्रतिनिधि बणण जे भिहो असा, त तसे खुश खबरी प्रचार करण जे बखरे किओ असा।

रोमी 1:12

मतलब ई असा कि जपल अस मीते त में विश्वासे बेलि तुसी, होर तुं विश्वासे बेलि मोउं ती हिम्मत मेईंयेल।

रोमी 1:17

किस कि ए खुश खबरी हरालती कि जे परमेश्वर पुठ विश्वास कते, तेन्हि से कीं कइ धर्मी बणान्ता, जीं धरमे कताब अन्तर लिखो असु, “विश्वासे बेलिए ईं धर्मी मेह्‍णु जीन्ते रेहन्ते।”

1 कुरिन्थ 1:30

परमेश्वरे ई तुस यीशु मसीह पुठ विश्वास करणे बझई जुए जीन्ते किओ असे, किस कि मसीहे बेलि परमेश्वरे तुन्धे बुद्धि दुतो असी; तेन तुस अपफ जुए मिओ असे, अपफ जे तुस शुचे किओ असे त तुस पापे शंकीड़ी केआं छुड़को असे।

1 कुरिन्थ 15:9

त सोबी प्रतिनिधि अन्तर में कोई खासियत नेईं। अउं त तसे प्रतिनिधि बणणे जोग बि ना थिआ, किस कि अउं परमेश्वरे सतसंग भुंजान्‍ताथ।

1 कुरिन्थ 9:1

त ए ट्यारेओ! अउं कि परमेश्वरे प्रतिनिधि ना भो ना? मोउं केईं कि किछ हक नेईं ना? मेईं बि हें प्रभु यीशु मसीह काओ असा। त में कम करणे बेलिए ईं तुसी प्रभु पुठ विश्वास किआ।

2 कुरिन्थ 4:13

त जीं धरमे कताब अन्तर लिखो असु कि “मेईं विश्वास किआ, तोउं त अउं बोता” अस ई सोब तोउं बोते किस कि अस बि विश्वास कते त हें अन्तर बि सेईंए विश्वासे आत्मा असी।

2 कुरिन्थ 5:21

किस कि तेन कदी पाप नेओथ किओ, से हें खातिर ईं यक पापी ईं बणा, ताकि तेस पुठ विश्वास करणे बेलि अस परमेश्वरे अगर धर्मी बणियेल।

इफिसुस 3:5

परमेश्वरे ई नियको सच्चाई होर जुगे मेह्‍णु कें धे नेओथ दुतो, पर अभेईं परमेश्वरे आत्माई शुचे प्रतिनिधि त भविष्य वक्ती जे बोलो असु।

इफिसुस 4:11

त तेन केसे विश्वासी धे अपु प्रतिनिधि बणणे, त केसे होरी धे भविष्य वाणि करणे, त केसे धे खुश खबरी प्रचार करणे त केसे होरी धे विश्वासी के पुहाल बणणे त केसे धे परमेश्वरे वचन शिचालणे वर दिता।

इफिसुस 4:5

यक ईं प्रभु, यक पुठ ईं विश्वास कते, यके लिंगि ईं पुओणि अन्तर चुसते।

फिलिप्पी 1:1

ट्यारे फिलिप्पी शेहरे सम्हाई विश्वासी भाई त भेण! तुसी त मसीहे सतसंगे सम्हाई सेवक त मुखिया! यीशु मसीहे नौखर अउं पौलुस त भाई तिमुथियुस तुसी जे नमस्कार कते जे यीशु मसीह पुठ विश्वास करणे बेलि शुचे भुओ असे।

फिलिप्पी 1:29

तुस मसीह पुठ विश्वास कते त तेस जे कष्ट बि सेहण लगो असे। ई सोब परमेश्वरे अशुश भिन्थ। मसीह जे तुसी जे किओ असु, तेस बझई जोई तेन तुं धे ए दुतो असी

फिलिप्पी 3:9

त अउं मसीह जुए मिउं। तोउं त, अभेईं मोउं पता लगो असा कि नियम मानणे बेलि अउं परमेश्वरे अगर धर्मी ना बणता, बल्कि यीशु मसीह पुठ विश्वास करणे बेलि धर्मी बणता किस कि परमेश्वर ईं असा जे असी धर्मी बणान्ता अगर कोई मसीह पुठ विश्वास कराल त।

2 तिमुथि 1:5

मोउं तेस सच्चे विश्वासे याद एन्ती, जे पेहले तें नानि लोइस त तें ई यूनिक अन्तर थिआ। होर मोउं पूरा यकीन असा कि सेईंए विश्वास तोउ अन्तर बि असा।

तीतुस 1:1

में ट्यारे तीतुस, परमेश्वरे गुलाम त यीशु मसीहे प्रतिनिधि अउं पौलुस तोउ जे नमस्कार कता। परमेश्वरे अउं लंघो असा ताकि तसे चुणो मेह्‍णु बुच विश्वासे बारे प्रचार करुं त तेन्हि सच्चाई शिचालुण, जेसे बेलि तेन्हि पता लगियाल कि परमेश्वर मनी कइ कीं जीण।

तीतुस 1:4

त ए तीतुसा! विश्वास अन्तर में सच्चा कुआ, तोउ जे ई लिखुण लगो असा। परमपिता परमेश्वरे त असी बचाणे बाड़ा यीशु मसीहे कृपादृष्टि त शान्ति तोउ पुठ भुन्ति रिहे। आमीन

तीतुस 2:13

त अपु से बोडे उम्मीद, मतलब हें बोडा परमेश्वर त बचाणे बाड़ा यीशु मसीह दुबारी एणे भाड़ बिशे।

याकूब 1:1

ए में ट्यारे यहूदी मेह्‍णुओ, जे पूरी धरती अन्तर टडिए असे। अउं परमेश्वरे त प्रभु यीशु मसीहे नौखर याकूब, तुसी सम्हाई जे नमस्ते कता।

1 पतरस 1:1

ए ट्यारे भाई त भेणिओं, परमेश्वरे चुणो मेह्‍णुओ! जे पुन्तुस, गलाती, कप्पादूकिया, एशिया त बिथुनिया इलाके अन्तर परदेशी के ईं खिल्हिर कइ बिशो असे। अउं पतरस यीशु मसीहे प्रतिनिधि तुसी सोबी जे नमस्कार कता। तुस परमपिता परमेश्वरे पेहलाई केआं चुणो थिए कि तुस शुची आत्माई बेलि यीशु मसीहे बोक माने त तसे भकते बेलि शुचे बणे। परमेश्वरे कृपादृष्टि तुसी पुठ भुन्ति रिहे त तुसी शान्ति मेती रिहे। आमीन

1 पतरस 1:7

पर एसे बेलि तुं विश्वास परखिन्ता कि ए मजबूत असा कि नेईं। किस कि खतम भुणे बाड़ा सुन्ना बि त आगी बेलिए परखिन्ता। तुं विश्वास त सुन्ने केआं बि सुआ कीमति असा। अगर परखुण अन्तर तुं विश्वास मजबूत रेहाल त जपल यीशु मसीह वापिस एन्ता, तपल जे शान त इज्जत परमेश्वर मेणे बाड़ी असी, तेस अन्तर तुस बि हेस्सेदार बणियेल।

1 पतरस 2:7

तोउं त, तुस जे तस पुठ विश्वास कते, तुं लिए से सुआ कीमति असे। पर जे विश्वास ना कते तेन्के लिए से, “जे घोड़ मिस्त्री रेज समझो थिआ, सेईंए कुणे पुठि खास घोड़ भोई गा।”

1 पतरस 5:1

ए ट्यारेओ! अउं अपफ सतसंगे यक स्याणा भो त यीशु मसीहे दुख सीढ़णे उगाह असा। होर जपल से सुआ इज्जत जोई वापिस एईयाल त अउं बि तसे हेस्सेदार भुन्ता। अभेईं अउं तुसी सतसंगे पुराणे सेवकी जे ई लिखता।

2 पतरस 1:4

किस कि से परमेश्वर बोडा त खरा असा, तेन हेन्धे बेहिसाब त बोडी बोडी जुबान दुतो असी। एसे बेलि तुस मतोके तेस बुराई केआं छूट कइ जे बुरी इच्छाई बेलिए भुन्ति, परमेश्वरे गुणे हेस्सेदार बणियेल।

यहूदा 1:1

ए में ट्यारे भाई त भेणिओं, जे परमपिता परमेश्वरे भिहो असे त यीशु मसीहे लिए सम्हाड़ी कइ रखो असे। तुसी सोबी जे अउं यीशु मसीहे सेवक त याकूबे भाई यहूदा नमस्ते कता।