1 तिमुथि 6:9 - Walangi

⁹ पर जे सुआ धन कठेरण चहन्ते, से तेस परीक्षा अन्तर त जाल अन्तर, होर नुकसान देण बाड़ी सुआ लाछ अन्तर फसते, जे तेन्हि हाड़ अन्तर फटान्ती त मुकाई छती।

1 तिमुथि 6:9 Iomraidhean Croise

मत्ती 13:22

केहि जेईं परमेश्वरे वचन शुणते त जरूर, पर इस मतोके चिन्ता कर कइ त धन दौलते लालचे बेलि दबी घेन्ते त वचन मान कइ ना जीन्ते। से मेह्‍णु कांटियाली जिमि के ईं असे। तेन्हि केईआं कोई फल न मेता।

मत्ती 19:22

पर से मेह्‍णु ई बोक शुण कइ उदास भोई गा त तठिआ घेई गा, किस कि से सुआ अमीर थिआ।

मत्ती 26:15

“अगर अउं यीशु तुं हथ टोवाई छउं त तुस मेन्धे की देन्ते?” तेन्हि तसे धे तिह चन्नी मेलकी गिण कइ दी छड़े।

मत्ती 6:19

त यीशु फि बोलुण लगा, “अपु लिए धरती पुठ धन कठा न करे, किस कि इठि कुण लगते, शड़ुआ लगता त चोरी के चोरणे डर रेहन्ता।

मरकुस 4:19

पर मतोके चिन्ता, धन दौलते लालच अन्तर एई कइ त अपु मने होरे होरे लोभे बेलि से फस घेन्ते त परमेश्वरे पतूं घेण छड़ देन्ते।

लूका 12:21

इरुही से मेह्‍णु असा जे सद अपफ जे धन किठेरता, पर परमेश्वरे सम्हाणि से गरीब असा।”

लूका 21:35

किस कि से रोज इस धरती सोबी मेह्‍णु पुठ इहांणि एन्ता।

प्रतिनिधि 8:20

पर पतरसे तेस जे बोलु, “तें रुपेई तोउ जोई खतम भोई गो लौते, किस कि तेईं सोचु कि रुपेई दी कइ तोउ परमेश्वरे वरदान मेई सकता।

इफिसुस 4:22

अपु पेहलकण चाल चलणे बारे तुसी शिचो असु कि जे पुराणे गुण, गलत इच्छाई बेलि खराब भोई गो असे, तस छड़ दिए।

1 तिमुथि 1:9

असी ईं बि पता असा कि नियम धर्मी जे नेईं बल्कि तेन्हि सोब मेह्‍णु जे बणो असा, जे अधर्मी, दुष्ट, अविश्वासी, पापी, अशुचा, त ईया बोउ मारणे बाड़े, मेह्‍णुमार असे

1 तिमुथि 3:7

विश्वासी मेह्‍णु छड़ दी कइ होरे मेह्‍णु के बुच बि मुखिये खरी इज्जत भो लौती। ई ना भुओ लौतु कि तेन्हि मेह्‍णु के चाथि के बझई जुए जीं जानवर जाल अन्तर फस कइ छूट ना बटते, तीं से बि शैताने जाल अन्तर फस घियेल।

1 तिमुथि 6:10

किस कि रुपेई के लालच सोबी बुराई के जड़ असी, जेस तोपते तोपते सुआ मेह्‍णु परमेश्वरे सच्चा वचन छड़ दी कइ अपु अपफ सुआ दुखे बेलि लहुलुहान किओ असे।

1 तिमुथि 6:17

इस मतोके अमीर मेह्‍णु जे बोल कि से अपु धन पुठ रोभ ना किढ़े त जेस धने कोई विश्वास नेईं तस पुठ भरोसा ना करे। बल्कि परमेश्वर पुठ अपु भरोसा रखे जे हें सुखे लिए सोब कुछ खुल कइ देन्ता।

2 तिमुथि 2:26

त परमेश्वरे इच्छाई मुताविक कम करण जे मन लाई कइ शैताने जाल केआं छूट घियाल।

तीतुस 2:12

त से असी खबरदार कती कि अभक्ति त मतोके इच्छा छड़ दी कइ अपु मन बदलाए। त इस कलि जुग अन्तर पूरे भक्ति त इमानदारी जुए त समोझि कइ अपु अपु उमर कटे,

2 पतरस 2:3

से लालची भुन्ते त अपु फायदे लिए फेशि लाई कइ तुसी ठगान्ते। पर तेन्के सज्जा परमेश्वरे पेहलाई शुणाई छो असी। तेस एणे देर नेईं भो, त तेन्के खातमा नेईं टलो।

यहूदा 1:11

एन्हि सुआ भयंकर सज्जा मेती, किस कि ए मेह्‍णुमार कैने ईं चाल हंटते, त रुपेई लोभ कर कइ बालामे ईं गलत कम कते। त से कोराहे ईं असे, जे बगावत कर कइ खतम भोई गा।