1 तिमुथि 6:5 - Walangi

⁵ त जेन्के बुद्धि भ्रष्ट भोई गो असी, त जे सच्चाई केआं दूर भोई गो असे, से सोचते की परमेश्वरे वचन शिचालण सुआ धन कठेरणे तरीका असा। तेन्के बुच बेहला झगड़ा भेएड़ा भुन्ता।

1 तिमुथि 6:5 Iomraidhean Croise

मत्ती 12:33

होर यीशु बोलु, “तुसी ठीक करणे जरूरत असी कि बुटा अब्बल असा कि नेईं। अगर बुटा अब्बल असा बोते त तसे फल बि अब्बल बोलुण एन्ता। होर अगर बुरा असा बोते त तसे फल जे बि बुरे बोले, किस कि फले बेलि यक बुटे पिछाण भुन्ति।

मत्ती 21:13

तोउं तेन्हि जे बोलु, “धरमे कताब अन्तर लिखो असु, ‘में गी प्रार्थना करणे गी बोलिन्तु; पर तुसी ए डाकु के कुड बणाई छओ असी।’”

मत्ती 23:13

तोउं यीशु बोलु, “ए कपटी धर्मशास्त्री त फरीसीओ, तुं खेया खाट भोई घेन्ति! तुस मेह्‍णु जे स्वर्गे बत बन्न कते। न त तुस अपफ घेन्ते, होर ना तुस घेणे बाड़ी अन्तर घेण देन्ते।”

1 कुरिन्थ 11:16

पर अगर कोउं एस बारे बेहेस करण चहन्ता, त अउं तेन्हि जे बोता कि हें इठि त परमेश्वरे होरे सतसंग अन्तर अस इहांणि कते।

2 थेस्सलु 3:6

ए भाई त भेणिओं! अब प्रभु यीशु मसीहे नओएं बइ अस तुसी जे ई निआंग देन्ते कि जेन्के चाल चलण ठीक नेईं त जे हें हर निआंग ना मानते, तेन्हि सोबी मेह्‍णु जोई उई मी कइ ना बिशे

1 तिमुथि 1:6

इन्हि बोकी पुठ मछोड़ा दी कइ केहि मेह्‍णु खिरक कइ बेहली बेहेस अन्तर शची गो असे।

1 तिमुथि 3:3

ना प्याकड़, ना कुटीण बाड़ा, ना झगड़ीण बाड़ा त ना लालची लौता, बल्कि से खरा लौता।

1 तिमुथि 3:8

तीं सतसंग अन्तर जे सेवक भुन्ते से इज्जतदार लौते। से ढोंगी त प्याकड़ ना लौते, होर अपु फायदे लालची बि ना लौते।

1 तिमुथि 4:7

पर बेधर्मी बोकी त स्याणी जिल्हाणु के मन गढ़त कथाई केआं दूर बिश, होर जीं यक खिलाड़ी कसरत कते रेहन्ता, तीं तु बि परमेश्वरे भक्ति अन्तर जीण जे पूरा कोशिश कते रेह।

1 तिमुथि 4:8

किस कि जिसमे कसरते फायदा सद इस जिन्‍दगी अन्तर असा। पर परमेश्वरे भक्ति सम्हाई बोकी जे फायदामन्द असी, किस कि एस अन्तर इस टेमे जिन्‍दगी त एणे बाड़ी जिन्‍दगी जुबान असी।

1 तिमुथि 6:6

पर जे अपु कमाई पुठ खुश भोई कइ परमेश्वरे भक्ति कता, तसे सोबी केआं मोटी कमाई असी।

2 तिमुथि 3:5

से परमेश्वरे भक्ति करणे ढंग त कते, पर तसे शक्ति ना मानते। तेन्हि केआं दूरे बिश।

2 तिमुथि 3:8

जीं यन्नेस त यम्ब्रेस मूसे खिलाफ भो थिए, तीं ए गलत शिक्षा शिचालणे बाड़े बि सच्चाई खिलाफ भुन्ते। एन्के दिमाख भस भोई गो असा, होर एन्के विश्वास सद दिखावा असा।

तीतुस 1:11

तेन्हि चुप कराण जरूरी असु, किस कि ए अपु फायदा लिए जे शिक्षा गलत असी, तस शिचाल कइ सम्हाई के घर उजाड़ुण लगो असे।

2 पतरस 2:15

से सच्चाई बथ छड़ कइ मुकणे बथ पुठ हंटण लगो असे, जीं बओरे कुआ बालाम भविष्य वक्ता हंटो थिआ। तस बुराई कर कइ कमाण ट्यारु लगो थिउ।

2 पतरस 2:3

से लालची भुन्ते त अपु फायदे लिए फेशि लाई कइ तुसी ठगान्ते। पर तेन्के सज्जा परमेश्वरे पेहलाई शुणाई छो असी। तेस एणे देर नेईं भो, त तेन्के खातमा नेईं टलो।

यहूदा 1:11

एन्हि सुआ भयंकर सज्जा मेती, किस कि ए मेह्‍णुमार कैने ईं चाल हंटते, त रुपेई लोभ कर कइ बालामे ईं गलत कम कते। त से कोराहे ईं असे, जे बगावत कर कइ खतम भोई गा।

प्र. बोके 18:13

होर से दालचीनी, मसाले, गुगुल, मुश्कदार तेल, खुशबुदार गुगुल, अराख, जैतुने तेल, मैदा, गिहुं, गुओरु, ढडुड़ बकरी, घोड़े, रथ त मेह्‍णु बि गुलाम बणाई कइ बेचतेथ।”

प्र. बोके 18:3

किस कि तसे नाजायज रिश्ते रखणे लाग, तेज अराखे ईं सोबी देशी पुठ चढ़ गो असी। त मतोके राजी तेस जोई नाजायज रिश्ता बड़ाओ असा। होर मतोके व्यापारी तसे मौज मस्ती बाड़ी अमीरी बेलि अमीर बण गो असे।”