1 तिमुथि 6:4 - Walangi

⁴ से मेह्‍णु चौड़ा भोई गो असा त तस अपफ पता नेईं कि से मेह्‍णु की की शिचालता। पर तस कुछ शब्द पुठ झगड़ीणे बीमारी लग गो असी, जेसे बेलि जड़ण, लड़ाई, बुरी बोक त होरी पुठ झूठा बेहेम पैदा भुन्ता।

1 तिमुथि 6:4 Iomraidhean Croise

प्रतिनिधि 15:2

इस बोक पुठ पौलुस, बर्नबास त से मेह्‍णु अपणी अपणी लाण लगे त तेन्हि बुछ सुआ बेहेस भोई गई। तोउं तठियाणि सतसंगे मेह्‍णु ई खरु समझु कि पौलुस, बर्नबास त सतसंग अन्तरा कुछ मेह्‍णु एस बोकी बारे बोक विचार करण जे प्रतिनिधि त सतसंगे स्याणी केईं यरुशलेम शेहर जे लंघाए।

प्रतिनिधि 18:15

पर ए झगड़ा शब्दी, नओएं त तुं नियमे बारे असा। त तुसे जाणे; किस कि अउं अन्हि बोकी के न्याय करण न चहन्ता।”

प्रतिनिधि 8:9

पर तेस शेहर अन्तर शमौन नओएं यक मेह्‍णु थिआ। पेहले पेहले से जादू टौणा कर कइ सामरी मेह्‍णु हैरान कताथ त अपफ जे महान बोताथ।

रोमी 12:16

अपफ बुच यक मन भोई बिशे। घमण्डी न बणे, पर गरीबी जोई उई मी कइ बिशे। अपणे आप अक्लदार न बणे।

रोमी 13:13

असी तीं जीण, जीं अस दिसाई हंटते। ना कि मौजमस्ति कर कइ, न प्याकड़ बण कइ, न नाजायज रिश्ता बणाई कइ त बेशर्मी कम कर कइ, होर न कुटीण मडीण त जड़ कइ।

रोमी 14:1

ए ट्यारेओ! तुस तेन्हि सोबी विश्वासी मेह्‍णु जुए बि उई मी कइ बिशे, जे कुछ बोकी बारे विश्वास अन्तर अभेईं बि कमजोर असे। तेन्हि जोई तेन्के शक पुठ बेहेस ना करे।

रोमी 2:8

पर परमेश्वर तेन्हि पुठ लेहेर किढ़ता त भयंकर कोप कता, जे मतलबी असे त सच्चाई छड़ कइ अधर्म कते।

1 कुरिन्थ 11:16

पर अगर कोउं एस बारे बेहेस करण चहन्ता, त अउं तेन्हि जे बोता कि हें इठि त परमेश्वरे होरे सतसंग अन्तर अस इहांणि कते।

1 कुरिन्थ 11:18

पेहले त अउं सद शुणताथ, पर अब धिक धिक विश्वास बि भुण लगो असा कि जपल बि तुस सतसंग अन्तर किठिन्ते त तुं बुच हमेशा पंगे भुन्ते।

1 कुरिन्थ 3:18

अपु मन अन्तर कोई गलतफेमि न रखे। अगर तुसी अन्तरा कोउं जेईं इस मतोक अन्तर अपु अपफ चलाक समझता, त तस सुआ सिधा बण कइ बिशण चहिए, ताकि परमेश्वरे अगर अक्लदार बण घियेल।

1 कुरिन्थ 3:3

किस कि अभेईं तकर तुस अपु जिसमे इच्छाई मुताविक जीणे बाड़े असे। अगर तुसी बुछ जड़ुण, त झगड़ीण भुओल त की तुस जिसमे हेसाब जुए ना जीन्ते ना? तुस त मतोके मेह्‍णु के ईं असे।

2 कुरिन्थ 11:20

तुस तेन्हि बोडे अराम जुए सेहन्ते, जे अपफ बोडे बणान्ते, तुसी गुलाम बणाई कइ, अपु फायदा लिए लूटते, बरबाद कते, त तुं बेज्जती कते।

गलाती 5:15

पर, अगर तुस अपफ बुच पलचिन्ते त यकी होरी दान्‍तियान्‍ते जीं कुतर कते, त हेरी बिशे कि यकी होरी ना मुकाई छड़े।

गलाती 5:26

त चले, अस इरुह रोभ ना किढ़ते, होरी तंग ना कते, त तेन्के बुरु ना सोचते।

गलाती 6:3

अगर कोउं अपफ जे बोडा समझता, पर असल अन्तर नेईं, त से अपफ धोखा देन्ता।

फिलिप्पी 1:15

आं! ए त सच्चु असु कि केहि केहि मेह्‍णु जड़ कइ मसीह बारे प्रचार कते। से कैद अन्तर बि मोउं कष्ट देण जे अपु अपु फायदा जे प्रचार कते। होर केहि केहि खरी सोचे बेलि त मने परेम जुए प्रचार कते किस कि से समझ गो असे कि खुश खबरी दुश्माणी जे तसे सच्चाई बारे उगाह देण जे मोउं कम मिओ असा।

फिलिप्पी 2:14

त सम्हाई कम बिना शिकायत त बजन बेहेसी करीण दिए,

फिलिप्पी 2:3

अपफ ना बधुण त ना झूठा रोभ किढ़ण। बल्कि अपफ घटाई कइ होरी अपफ केआं बध समझे।

कुलोसी 2:18

त जे बि तुसी स्वर्गेदूती के पूजा करण जे या वेबझह अपफ जे कष्ट देण शिचालते, तेन्के बोक ना माने। अगर तुस तेन्के बोक मानियेल त अपु ईनाम गड़ाई छते। से दर्शण हेर कइ अपु पापी मने सोची बेलि झूठा रोभ किढ़ते।

2 थेस्सलु 2:4

से अपफ परमेश्वरे त जे पूजा करणे लेएक असे, तेन्के खिलाफ भुन्ता त अपफ जे बोडा बोता। से अपफ जे परमेश्वर बोता त परमेश्वरे देहेर अन्तर पासर बंठ कइ बिश्ता।

1 तिमुथि 1:4

त तु मेह्‍णु समझा कि जेन्हि स्याणी के कथा त नामुकणे ऊड़ी बही खाता बेलि झगड़ा-भेड़ा भुन्ता, तस पुठ मन ना लाए। किस कि ए सोब बोके परमेश्वरे योजनाई हेसाब जुओई नेईं, जे विश्वासे बेलि कम कता।

1 तिमुथि 1:7

से मेह्‍णु परमेश्वरे नियम शिचालण त चहन्ते, पर जे बोक से कते त जेन्हि से खरे रोभ जुए शिचालते, तढ़ि तेन्हि अपफ बि समझ ना एन्ती।

1 तिमुथि 3:6

फि नोउआं विश्वासी ना भुण चहिए, किस कि ईं ना भुओ लौतु कि से रोभ किढ़ाल त शैताने ईं सज्जा मेईंयेल।

2 तिमुथि 2:14

बे कोईया! सोब विश्वासी जे इन्हि बोकी के बारे चेता दिआन्ता रेह। त परमेश्वरे सम्हाणि जड़कइ कइ बोल कि कुछ शब्दे मतलब जुओई अपफ बुछ झगड़ा भेएड़ा ना करे, किस कि इन्के बेलि कोई फायदा ना भुन्ता। बल्कि जे एन्हि शुणते तेन्के विश्वास खतम भोई घेन्ता।

2 तिमुथि 2:23

पर बेमतलबी त बेअक्ले बेहेस केआं दूर बिश, किस कि तोउ त पता असा कि एन्के बेलि झगड़े भेएड़ा भुन्ता।

2 तिमुथि 3:4

से ठग, फुर्तुआटा, त लूचे भुन्ते। से परमेश्वर जोई परेम करणे बदले अपु मौज मस्ती अन्तर बिशुण ज्यादा पसंद कते।

तीतुस 3:9

पर बेमतलब बेहेस केआं, त ऊड़ी बही खाता, मडीण झगड़ीण त नियमे बारे झगड़े केआं दूर बिश, किस कि से सोब खाली त बेकार असु।

याकूब 1:19

में ट्यारे भाई त भेणिओं! ई बोक तुसी समझुण लौती कि हर यक मेह्‍णु शुणुण जे तेयार बिशे त सोच समझ कइ बोलीण दिए त झट लेहेर ना किढ़े।

2 पतरस 2:12

पर ए मेह्‍णु बेअक्ले जानवर के ईं असे, जे सद मेह्‍णु के बेलि टेईंण त खतम भुण जे पैदा भो असे, होर जेन्हि बोकी के बारे ए जाणते ई नउ, तेन्के बारे होरी जे भलु बुरु बोते। परमेश्वर एन्हि खतम कइ छता, जीं मेह्‍णु जंगली जानवरी मारते।

2 पतरस 2:18

से बेमतलब घमण्डे बोके त गलत कमी के बेलिए तेन्हि मेह्‍णु जिसमे बुरी इच्छाई अन्तर फसाई छते, जे बिचारे होता पापे कमी केआं सुधरुण लगो असे।

यहूदा 1:10

पर ए मेह्‍णु तेन्हि सोबी जे भलु बुरु बोते, जेन्के बारे से कुछ ना जाणते। होर जानवरी के ईं सभाव केईआं जेन्हि बोकी जाणते, तसे बेलि अपु अपफ खतम कते।

यहूदा 1:16

ए से मेह्‍णु भिन्थ जे कदी केसे बोकी पुठ खुश ना भुन्ते। ए हमेशा चरचर कते रेहन्ते त अपु अपु बुरी इच्छाई हेसाब जोई जीन्ते, होर अपु मुंहुए बइ बोडी बोडी बोके कते, त से अपु फायदे लिए कुछ बि बोते रेहन्ते।

प्र. बोके 3:17

तुस बोते कि ‘अस अमीर बण गो असे। हें हर किछ सुहलियत भोई गो असी, त असी केसे चीजी घटी नेईं।’ पर तुस ईं ना जाणते कि तुस कत नभागे, बिचारे, नगे-ढुके, अन्हे त कंगाल असे।