1 तिमुथि 6:2 - Walangi

² होर जेन्के मालिक विश्वासी असा, तस विश्वास अन्तर भाई समझ कइ इज्जत घट ना करे, बल्कि तसे सेवा खरी करे, किस कि तेन्के खरी सेवाई फायदा तस भुन्ता, जे यक विश्वासी त तेन्के ट्यारा असा। ई सोब बोक तोउ तेन्हि समझाण त जोर दी कइ निआंग देन्ते रेह।

1 तिमुथि 6:2 Iomraidhean Croise

मत्ती 23:8

पर तुसी ‘गुरुजी’ न बोलाण, किस कि तुं यके गुरु असा, होर तुस सोब यकी होरी भाई भो।

मत्ती 25:40

तोउं राजा तेन्हि जे जवाब देन्ता, ‘अउं तुसी जे बोता कि जे कुछ मदत तुसी इन्हि गरीबी के की, समझे कि से में की।’

मत्ती 6:24

“कोई बि मेह्‍णु दुई मालिकी के सेवा न कइ सकता, किस कि से यक जेईं नराज त होर जेईं खुश कता। तिहांणि तुस परमेश्वरे त धने दुहि के सेवा न कइ सकते।

प्रतिनिधि 1:15

तोउं यक रोज, जपल कोई यक सौ बिह विश्वासी भाई त भेण किठे भो थिए, पतरस तेन्के बुच खड़ भोई कइ बोलुण लगा,

रोमी 11:17

पर अगर तेस बुटे कुछ डाई टूट गई, जीं कुछ इस्राएली मेह्‍णु मसीह पुठ विश्वास ना कर कइ भुओ असे, होर परमेश्वर तुं जंगले जैतुने ईं तेन्के जगाई कलीम की, ताकि तुस सीरी के रसे हेस्से बण घियेल,

रोमी 8:29

किस कि जेन्के बारे तस पेहलाई पता असा, से पेहलाई केईआं चुणो बि असे कि से तसे कोईया गुण त सभावे हेसाब जोई भोल, ताकि मसीह सुआ भाई बिचा जेठा बणाल।

गलाती 5:6

किस कि जपल कोई मसीह यीशु पुठ विश्वास कता त तस खतना भुणे या ना भुणे कोई मुल नेईं। सद विश्वासे मुल असा जे परेमे बेलि अपफ हरालता।

इफिसुस 1:1

ट्यारे इफिसुस शेहरे शुचे त यीशु मसीह पुठ विश्वास करणे बाड़े भाई त भेणिओं! अउं, पौलुस जे परमेश्वरे इच्छाई बेलि यीशु मसीहे प्रतिनिधि बणो असा, तुसी सोबी जे नमस्कार कता।

इफिसुस 1:15

मेईं प्रभु यीशु पुठ तुं विश्वास त विश्वासी मेह्‍णु जुए तुं परेमे बारे शुणो असु।

इफिसुस 3:6

नियको सच्चाई ई असी कि खुश खबरी बेलि यीशु मसीह अन्तर गैर यहूदी बि परमेश्वरे हकदार बण गो असे त यक जिसमे त परमेश्वरे जुबाने हकदार असे।

कुलोसी 4:1

ए मालिकों! तुस बि अपु अपु गुलाम जुए न्याय त सुसुर उरतीण-बरतीण दिए, किस कि तुं बि यक मालिक असा, जे स्वर्ग पुठ असा।

2 थेस्सलु 1:3

ए भाई त भेणिओं! असी हर वकत तुं लिए परमेश्वरे धन्यवाद करण चहिए, किस कि तुं विश्वास सुसुर बधण लगोरा असा त तुं सम्हाई के अपफ बीची परेम बि सुआ पक्का भुणे लगोरा असा। त असी परमेश्वरे धन्यवाद करण बणता।

1 तिमुथि 4:11

तु एन्हि बोकी के निआंग देन्ता रेह त शिचालते रेह।

1 तिमुथि 5:1

ए तिमुथियुसा! अपफ केआं मोटी जे टाटोरी कइ बोक ना कर, बल्कि तेन्हि अपु बोउए ईं समझ कइ इज्जत जुए बोके कर। त जे तोउ केआं मठुड़ असे, तेन्हि अपु भाई ईं समझाण दे।

तीतुस 2:1

पर बे कोईया! तु तेन्हि जीणे ईं शिक्षा देन्ते रेह जे सही असी।

तीतुस 2:15

ए तीतुसा, ई सोब बोके सम्हाई जेईं पूरे हक जुए शिचाल, त खबरदार कर। कोई बि तोउ कमजोर ना समझे।

तीतुस 3:8

ए त सोबी मानणे बाड़ी बोक असी त अउं बि चहन्ता कि तु ई सोब बोके बारे पूरे जोर जुए बोले। इसे बेलि जेन्हि परमेश्वर पुठ विश्वास किओ असा, से खरे खरे कम करणे मन रखते। ए सोब बोके खरी असी त मेह्‍णु फायदे लिए असी।

इब्रानी 3:1

तोउं त, ए में भाई त भेणिओं! तुस, जे परमेश्वरे शुचे भुण जे भिओ असे! हें विश्वासे मुखिया त हें बोडा पुजारे यीशु बारे धिक सोचे।

इब्रानी 3:14

किस कि अगर अस यीशु मसीह पुठ अखिर तकर अपु शुरुवाती भरोसा जुए बिश्ते त अस तेस जुए हेस्सेदार बणते।

1 पतरस 5:1

ए ट्यारेओ! अउं अपफ सतसंगे यक स्याणा भो त यीशु मसीहे दुख सीढ़णे उगाह असा। होर जपल से सुआ इज्जत जोई वापिस एईयाल त अउं बि तसे हेस्सेदार भुन्ता। अभेईं अउं तुसी सतसंगे पुराणे सेवकी जे ई लिखता।

2 पतरस 2:10

खास कर तेन्हि जे परमेश्वर सुआ सक्ति कता, जे तसे राज ना मानते त सद अपु जिसमे बुरी इच्छाई हेसाब जुए जीन्ते। से गलत शिक्षा देणे बाड़े ढीठ त लापरवाह असे, त अपफ केईआं बोडी जे भलु बुरु बोलुण जे बि ना डरते।

यहूदा 1:8

तसे रीत जुएई ईं ए मेह्‍णु अपु अपु जिसम पुठ गन्दे गन्दे कम कते त बोते “असी दर्शण भो थिए।” से प्रभु हेर बि ना डरते त अपफ केईआं बोडे इज्जतदारी स्वर्गेदूती जे भलु बुरु बोलुण केआं बि ना डरते।