1 तिमुथि 6:16 - Walangi

¹⁶ होर सद सेईंए अमर असा, त से ईं टगड़ी जगाई बिश्ता, जेठि कोई ना घेई बटता। से मेह्‍णु ना कदी काओ असा होर ना हेर बटते। तसे शान त राज्य हमेशा भुन्ता। आमीन!

1 तिमुथि 6:16 Iomraidhean Croise

यूहन्ना 1:18

परमेश्वरे इकलौते कुआ छड़ दी कइ केनि बि कदी परमेश्वर ना का। किस कि सेईंए ईं परमपिता परमेश्वर जुए उई मी कइ रिहो असा, त सद तेन ईं मेह्‍णु परमेश्वर गुण हराला।

यूहन्ना 14:9

यीशु तस जे बोलु, “ए फिलिप्पुसा! अउं एत रोज तुसी जुए बिशा, तोउं बि तोउ पता ना लगा ना कि अउं कोउं भो? जेन अउं काओ असा, तेन बोउ बि काओ असा। त तु कीं बोता कि बोउ असी हराल?

यूहन्ना 6:46

पर बोक ईं असी कि परमपिता परमेश्वर केनि ना का। सद मेईं काओ असा, जे तस केईआं अओ असा।

यूहन्ना 8:58

यीशु तेन्हि जे बोलु, “अउं तुसी जे बोता कि अब्राहम जमुण केईआं पेहलाई अउं असा।”

फिलिप्पी 4:20

हें परमपिता परमेश्वरे इज्जत त महिमा जुग जुग भुन्ति रिहे। इहांणि भो लौतु!

कुलोसी 1:15

परमेश्वर केसे बि ना केता। पर तसे कुआ यीशु मसीहे असी परमेश्वर हराला। एईएं सोबी सृष्टि पुठ बोडा त पेहला भो।

1 तिमुथि 1:17

अभेईं, तेस यके परमेश्वरे इज्जत त गुणगान जुग जुग भुन्ति रिहे, जे अमर असा, जे जुग जुगे राजा असा, त जे ना केता। आमीन,

इब्रानी 13:8

यीशु मसीह ही, आज त जुग जुग तकर सेईंया असा।

याकूब 1:17

किस कि हर यक दान जे खरा त नरदोष असा परमपिता परमेश्वर केईआं एन्ता। तेन दिस, जोसुण त तारे बणो असे। से परमेश्वर ना कदी बदलिन्ता होर ना केसेरी उडारे बेलिए अन्हारिन्ता।

1 यूहन्ना 1:5

जे समाचार असी मसीह केआं शुणा तेस तुसी शुणान्ते। से ईं असा कि परमेश्वर टगड़ियार भो त तेस अन्तर कोई अन्हारु नेईं।

1 यूहन्ना 1:7

पर अगर जीं से टगड़ियार अन्तर असा, तिहांणि अस बि टगड़ियारे कम कइ जीएल त यक होरी जुए हें संग असा। त तसे कोईया यीशु लहु असी सोबी पापी केआं शुचु कतु।

1 यूहन्ना 4:12

परमेश्वर कपल बि केनि नेईं काओ। पर अगर अस अपफ बुच परेम जोई बिशियेल, त परमेश्वर हें अन्तर बण बिश्ता, होर पूरे के पूरा असी तसे परेम मेई गो असा।

प्र. बोके 1:6

होर तेन अस अपु बोउए परमेश्वरे टज त तसे समाणि सेवा करणे बाड़े पुजारे बणो असे। जुग जुग तकर सम्हाई ताकत तसेरी भो त तसेरी गुणगान भुन्ता रिहे। आमीन।

प्र. बोके 1:8

सर्व शक्तिमान प्रभु परमेश्वर ईं बोता कि “अउंए ‘अ’ त अउंए ‘ज्ञ’ भो। अउं जीन्ता असा, अउं पेहलाई केआं जीन्ता थिआ, त अगर जे बि जीन्ता रेहन्ता।”

प्र. बोके 21:3

तोउं मेईं सिंहासन पुठा यक अवाज जोरी जोई ईं बोती शुणी, “हेरे, मेह्‍णु के बुछ परमेश्वरे डेरा! अब से तेन्हि जुओई साते बिश्ता, त से तेसे टज भुन्ते। परमेश्वर अपफ तेन्के परमेश्वर बण कइ तेन्हि जुओई साते बिश्ता।

प्र. बोके 22:5

तठि अब रात भुन्ति ए नउ, होर ना तठि दीये त दिसे टगड़ियारी जरूरत भुन्ति, किस कि प्रभु परमेश्वर तेन्हि टगड़ियार देन्ता, त से जुग जुग तकर तठि राज कते।

प्र. बोके 4:11

“ए हें प्रभु त परमेश्वरा, तुईएं महिमा, त इज्जत पाणे लेएक असा, होर तु अपु ताकती लिए कदर करणे लेएक असा, किस कि तेईंए पूरा भुमण बणो असा, होर सोब चीज तेन्धेरी इच्छाई बेलिए ईं बणो असी त मौजूद असी।”

प्र. बोके 7:12

“आमीन! ए परमेश्वरा! तें महिमा, गुणगान, बुद्धि, धन्यवाद, इज्जत, ताकत त शक्ति जुग जुग भुन्ति रिहे। आमीन!”