1 तिमुथि 6:11 - Walangi

¹¹ पर ए परमेश्वरे मनखा, तिमुथियुसा! तु इन्हि सोबी बोकी केआं दूरु बिश त धरम, भक्ति, विश्वास, परेम, धीरज त अपफ घटाई कइ बिशुण जे अपु पूरी ताकत ला।

1 तिमुथि 6:11 Iomraidhean Croise

रोमी 14:19

तोउं त, असी लगातार तेन्हि बोकी अन्तर कोशिश करीण चहिए जेसे, बेलिए होरी जोई मेल मिलाप बधता त सोबी के अन्तर सुधार भोल।

1 कुरिन्थ 10:14

त ए में ट्यारेओ, तुसी मुर्तिपुजा न करीण।

1 कुरिन्थ 14:1

तोउं त, अभेईं अउं तुसी जे बोता कि तुस हमेशा यक होरी जोई परेम करे। जे परमेश्वरे आत्माई वरदान मेणे लाछ कते, से खास कर कइ ईं लाछ करे कि तस भविष्य वाणि करणे वरदान मेईंयेल।

1 कुरिन्थ 6:18

तोउं त, नाजायज रिश्ता रखण केआं दूर बिशे। किस कि मेह्‍णु होरे जे बि पाप कता, से तसे जिसम केआं बाहर भुन्ता, पर जे नाजायज रिश्ता रखता, से अपु जिसमे खिलाफ पाप कता।

1 तिमुथि 1:14

ओ हो! तोउं बि प्रभु कृपादृष्टि मोउं पुठ कति उचिल गई! होर विश्वास त परेम बि यीशु मसीहे बइ सुआ मेईंया।

1 तिमुथि 4:12

तु परमेश्वरे वचन अन्तर, तें चाल चलण अन्तर, परेम त विश्वास अन्तर होर शुचे विचार अन्तर सम्हाई विश्वासी जे नमूना बण, ताकि तें कम उमरी बझई जुए कोई तें बोक अणशुणि ना करे, पर सोब पूरा मन लाई कइ शुणे।

1 तिमुथि 6:20

त ए तिमुथियुसा! जे सच्चा वचन तेन्धे दुतो असे, तेन्हि सही सलामत रख कइ मेह्‍णु शिचालिण दे; त जे शिक्षा परमेश्वरे इच्छाई खिलाफ असी, तेस केआं त जुठी बोकी बेहेस केआं बि दूर बिश।

2 तिमुथि 2:21

अगर कोउं अपफ सम्हाई पापी केआं शुचे करियेल त से क्युटे भाणि केईं खास कम करण जे शुचे भोई घेन्ते, होर सम्हाई खरे कम करण जे तेयार भुन्ते त अपु मालिके कम एन्ते।

2 तिमुथि 2:22

तोउं त में कुआ, जे पापे कम जवान मेह्‍णु करण चहन्ते, तेस केआं दूर बिश त जे शुचे मन जुए परमेश्वरे सेवा कते, तेन्हि जुए मी कइ परमेश्वरे नजर अन्तर अब्बल जीणे, तसे यकीन लेएक भुणे त होरी जे परेमे करणे, होर उई मी कइ बिशुण जे जीं तीं कोशिश कर।

2 तिमुथि 3:10

पर ए तिमुथियुसा! तोउ ठीक ठाक पता असा कि मेईं मेह्‍णु कीं खरी शिक्षा शिचालो असी, त मेईं कीं खुश खबरी लेएक जिन्‍दगी जीओ असी। तोउ पता असा कि खुश खबरी प्रचार करण अन्तर में मकसद कीं रेहा, त मेईं कीं यीशु मसीह पुठ विश्वास कर कइ सुआ लाह रखा। तोउ ई बि पता असा कि मेईं कीं सम्हाई मेह्‍णु जोई परेम किओ असा त कीं मुश्किले टेम अन्तर बि तसे सेवा किओ असी।

2 तिमुथि 3:17

ताकि परमेश्वरे सेवक हर किस्मी खरे कम करण जे सुसुर भोई बिशियेल।

इब्रानी 12:14

सोबी जुए उई मी कइ बिशे त शुची जिन्‍दगी जीणे कोशिश करे, किस कि जे शुची जिन्‍दगी न जीन्ता, से कदी परमेश्वर हेर ना बटता।

1 पतरस 3:11

तस बुराई सात छड़ देण, त हमेशा भलाई करीण लौती; तस शान्ति तोपुण लौती त हमेशा उई मी कइ बिशुण लौतु।