1 तिमुथि 6:10 - Walangi

¹⁰ किस कि रुपेई के लालच सोबी बुराई के जड़ असी, जेस तोपते तोपते सुआ मेह्‍णु परमेश्वरे सच्चा वचन छड़ दी कइ अपु अपफ सुआ दुखे बेलि लहुलुहान किओ असे।

1 तिमुथि 6:10 Iomraidhean Croise

मत्ती 13:22

केहि जेईं परमेश्वरे वचन शुणते त जरूर, पर इस मतोके चिन्ता कर कइ त धन दौलते लालचे बेलि दबी घेन्ते त वचन मान कइ ना जीन्ते। से मेह्‍णु कांटियाली जिमि के ईं असे। तेन्हि केईआं कोई फल न मेता।

मत्ती 23:13

तोउं यीशु बोलु, “ए कपटी धर्मशास्त्री त फरीसीओ, तुं खेया खाट भोई घेन्ति! तुस मेह्‍णु जे स्वर्गे बत बन्न कते। न त तुस अपफ घेन्ते, होर ना तुस घेणे बाड़ी अन्तर घेण देन्ते।”

मत्ती 6:19

त यीशु फि बोलुण लगा, “अपु लिए धरती पुठ धन कठा न करे, किस कि इठि कुण लगते, शड़ुआ लगता त चोरी के चोरणे डर रेहन्ता।

मरकुस 4:19

पर मतोके चिन्ता, धन दौलते लालच अन्तर एई कइ त अपु मने होरे होरे लोभे बेलि से फस घेन्ते त परमेश्वरे पतूं घेण छड़ देन्ते।

कुलोसी 3:5

तोउं त अपु जिसमे बुरी इच्छाई बेलि जीण छड़ दिए त नाजायज रिश्ता रखुंण, बेशर्मे कम करण, बेख्याल जीण, सद अपु इच्छाई मोह अन्तर बिशुण त लालच करण जे कि मुर्तिपुजा करणे ईं असी, इन्हि सम्हाई बुरे कम केआं दूर बिशे।

1 तिमुथि 3:3

ना प्याकड़, ना कुटीण बाड़ा, ना झगड़ीण बाड़ा त ना लालची लौता, बल्कि से खरा लौता।

1 तिमुथि 6:21

किस कि केहि मेह्‍णु एईएं ज्ञान समझ कइ माने त प्रभु यीशु पुठ अपु विश्वास केआं मुकीर गो असे। तोउ पुठ परमेश्वरे कृपादृष्टि भुन्ति रिहे।

1 तिमुथि 6:9

पर जे सुआ धन कठेरण चहन्ते, से तेस परीक्षा अन्तर त जाल अन्तर, होर नुकसान देण बाड़ी सुआ लाछ अन्तर फसते, जे तेन्हि हाड़ अन्तर फटान्ती त मुकाई छती।

2 तिमुथि 3:2

किस कि मेह्‍णु मतलबी, लोभी, रोभ किढ़णे बाड़े, घमण्डी, होरी के बुराई करणे बाड़े, अपु ईया बोउए केहणा ना मानणे बाड़े, खुदगर्ज, बेधर्मी बण घेन्ते।

2 तिमुथि 4:10

किस कि देमासे इस मतोके सुख चही कइ अउं अकेला छड़ा दिता त थेस्सलुनीका शेहर जे घेई गा। क्रेसकेंस गलाती इलाके अन्तर त तीतुस दलमतिया इलाके अन्तर परमेश्वरे सेवा करण जे गो असा।

तीतुस 1:11

तेन्हि चुप कराण जरूरी असु, किस कि ए अपु फायदा लिए जे शिक्षा गलत असी, तस शिचाल कइ सम्हाई के घर उजाड़ुण लगो असे।

याकूब 5:19

ए में ट्यारेओ! अगर तुसी अन्तरा कोई जेईं सच्चाई केआं भटक घियाल त होरे कोउं जेईं तेस पलाटे,

यहूदा 1:11

एन्हि सुआ भयंकर सज्जा मेती, किस कि ए मेह्‍णुमार कैने ईं चाल हंटते, त रुपेई लोभ कर कइ बालामे ईं गलत कम कते। त से कोराहे ईं असे, जे बगावत कर कइ खतम भोई गा।

प्र. बोके 18:13

होर से दालचीनी, मसाले, गुगुल, मुश्कदार तेल, खुशबुदार गुगुल, अराख, जैतुने तेल, मैदा, गिहुं, गुओरु, ढडुड़ बकरी, घोड़े, रथ त मेह्‍णु बि गुलाम बणाई कइ बेचतेथ।”