1 तिमुथि 5:8 - Walangi

⁸ पर अगर कोई अपु खास कर अपु टब्बरे देखभाल ना कता त तेन अपु विश्वास छड़ दुतो असा, त से अविश्वासी केआं बि ज्यादा बुरा भोई गो असा।

1 तिमुथि 5:8 Iomraidhean Croise

मत्ती 18:17

अगर से तेन्के बि ना मनियाल, त सतसंग जे बोलीण दे। तोउं बि अगर से सतसंग बाड़ी के बि ना शुणियाल त तु तस होरे जाति त मामला नेणे बाड़ी के ईं समझ, जे परमेश्वर ना मानते।”

मत्ती 7:11

तोउं, तुस बुरे भोई कइ बि अगर अपु गभुर कें धे अब्बल अब्बल चीज देण जाणते त तुं स्वर्गे बोउ अपु मगणे बाड़ी कें धे केहि गुणा अब्बल अब्बल चीज किस न देन्ता?

यूहन्ना 15:22

अगर अउं ना एन्ताथ त तेन्हि जे तेन्के पाप बारे ना बोताथ त से पापी ना बोलिन्तेथ; पर अब त मेईं एई कइ तेन्हि बोताउ, त तेन्के पाप लिए अब कोई बाहान नेईं।

1 कुरिन्थ 6:6

तुसी बुच यक भाई होरे भाई कोर्ट कचेरी हंटता, से बि अविश्वासी के समाणि। त कि ए ठीक असु ना?

2 कुरिन्थ 12:14

हेरे, अब अउं टेके लिंगि तुं आ एण जे तेयार असा, पर अउं तुसी पुठ केसे किस्मी भार ना बणता। किस कि मोउं तुं धन दौलती ना, बल्कि तुं चह असी। किस कि गभुरु अपु ईया बोउ जे जोड़ुण ना एन्तु, बल्कि ईया बोउ अपु गभुर जे जोड़ुण एन्तु।

2 कुरिन्थ 6:15

मसीह त बालजेबुल बुछ कि कोई समझौता असा ना? ना! तिहांणि यक विश्वासी त अविश्वासी बुछ कोई बराबरी नेईं।

गलाती 6:10

तोउं त, जपल असी मौका मेओ असा, चले, सोबी जे भलाई कते, खास कइ तेन्हि जे, जे विश्वास अन्तर हें टब्बरे ईं असे।

2 तिमुथि 2:12

अगर अस लाह जोई सेहन्ते रेहन्ते त तस जुए राज बि कते; अगर अस तस मुकीर छते, त से असी बि मुकीर छता।

2 तिमुथि 3:5

से परमेश्वरे भक्ति करणे ढंग त कते, पर तसे शक्ति ना मानते। तेन्हि केआं दूरे बिश।

तीतुस 1:16

से त बोते कि परमेश्वर पिछाणते, पर तेन्के कम ई हरालता कि से तस न पिछाणते। किस कि से रशुणे असे त निआंग ना मानणे बाड़े असे। होर तेन्के बेलि कोई बि खरु कम भुन्ते ई नउ।

2 पतरस 2:1

त जीं तेन्हि इस्राएले मेह्‍णु बुछ केहि झूठे भविष्य वक्ता थिए, तीं तुसी बुछ बि गलत शिक्षा देणे बाड़े भुन्ते। से नियोक नियोक कइ नाश करणे बाड़ी कुबुद्धि देन्ते। से त तेस ताकतवर प्रभु बि इन्कार कते, जेन से अपु जानी कीमत दी कइ खरीदो असे। ईं कर कइ से अपु घेणे दन नीड़ीयेर आणते।

यहूदा 1:4

किस कि ईं केहि मेह्‍णु मठे नियोक कइ तुसी बुच एई गो असे, जे परमेश्वरे भक्ति ना कते त हें परमेश्वरे कृपादृष्टि यक मखोल ईं समझ कइ लूचियाम कते। होर त होर, ए हें यके मालिक त प्रभु यीशु मसीह बि ना मानते। परमेश्वर एन्हि की सज्जा देन्ता तसे बारे सुआ टेम केआं पेहलाई धरमे कताब अन्तर लिख छो असु।

प्र. बोके 2:13

अउं ई जाणता कि तुस तेस शेहर बिश्ते, जेठि शैताने सिंहासन असा। तोउं बि तुस में नओं हमेशा नेन्ते रेहन्ते। शैताने तेस जगाई अन्तर, तेन्हि दिनि बि तुस मोउं पुठ विश्वास करण केआं पतूं ना खिरके, जपल तठियाणि मेह्‍णु में यकीन लेएक उगाह अन्तिपास मार छड़ा।

प्र. बोके 3:8

अउं तुं हर कम जाणता। हेर, मेईं तुं समाणि यक दुआर खोल रखो असु, जेस कोई बन्न ना कइ बटता। तुं ताकत बेशक धिखुभई असी, तोउं बि तुसी में शिच मनो असी त में नओं नेण केआं कदी ना नेईं किओ।