1 तिमुथि 5:5 - Walangi

⁵ जेस विधवा केईं कोई मदत करणे बाड़ा नेईं त यकदम अकेली असी, से परमेश्वर भाड़ती त अपु जरूरते लिए भ्यागे ब्यादि परमेश्वर जे विनती प्रार्थना कती रेहन्ती।

1 तिमुथि 5:5 Iomraidhean Croise

लूका 18:1

तोउं यीशु रोज दुआ करणे त कदी हार ना मानणे यक कथा अपु चेली शुणाई :

लूका 18:7

जे दन रात परमेश्वरे प्रार्थना कते रेहन्ते, कि परमेश्वर तेन्हि तेन्के दुश्माणी केआं ना छुड़कान्ता नउ ना? कि से तेन्के बारे चेरे सोचता ना?

लूका 2:37

से चौरासी साले बुढी थी, त देहेर छड़ कइ कोठि न घेन्तीथ। बल्कि से दन भइ ब्रत त प्रार्थना कर कइ परमेश्वरे पूजा अराधना कती रेहन्तीथ।

प्रतिनिधि 26:7

ए सेईंए जुबान भो, जेसे पूरी भुणे उम्मीद रख कइ यहूदी जाति हें बाराह ऊड़ी अपु पूरे मन जोई दन रात परमेश्वरे सेवा कते अओ असे। ए महाराज, इस उम्मीदे बझई जोई ईं यहूदी मेह्‍णु मोउं पुठ मुकदमा चलाओ असा।

प्रतिनिधि 6:1

तेन्हि दिनि, जपल विश्वासी सुआ बधण लगे, तपल यूनानी भाषा बोलुणे बाड़े यहूदी विश्वासी, इब्रानी भाषा बोलुणे बाड़े यहूदी विश्वासी के खिलाफ धूरा दिता कि “रोजे लंगर अन्तर तुस हें विधवा जिल्हाणु सुसुर खाण जे ना देन्ते।”

प्रतिनिधि 9:39

त पतरस तेन्हि जोई साते घेई गा, जपल तठि पुजा त तेन्हि से तेस भखेरी जे नीआ जेठि से रखो थी। सोब विधवा जिल्हाणु रोलती तसे भेएड़ एई कइ खड़ खड़ बिश गई, होर जे कमीर त झिणे दोरकासे तेन्हि जोई साते बणाओ थिए, हरालण लगी।

प्रतिनिधि 9:41

तेन हथ टाइ कइ से खड़ेरी, त विश्वासी मेह्‍णु त विधवा जिल्हाणु भिआई कइ से तेन्के हवाले कइ छइ।

रोमी 1:12

मतलब ई असा कि जपल अस मीते त में विश्वासे बेलि तुसी, होर तुं विश्वासे बेलि मोउं ती हिम्मत मेईंयेल।

रोमी 1:5

तसे बेलिए असी पुठ कृपा भुई त तेन अस अपु प्रतिनिधि बणाए, ताकि तसे नओएं प्रचार करणे बेलि सोब जाति मेह्‍णु विश्वास कर कइ तस मानेल।

1 कुरिन्थ 7:32

अउं चहन्ता कि तुस निश्चिन्त बिशे, किस कि यक छड़ा मेह्‍णु हमेशा प्रभु बोकी के बारे सोच विचार अन्तर रेहन्ता, कि “अउं प्रभु कीं कर कइ खुश कइ सकता”।

1 कुरिन्थ 7:34

इहांणि छड़ी कुई त ब्याहो जिल्हाणु अन्तर बि फरक असा। यक छड़ी कुई हर यक वकत प्रभु बारे सोच विचार कती रेहन्ती कि से जिसम त आत्मा दुहि अन्तर शुची लौती भो। पर ब्याहो जिल्हाणु मतोके सोच विचार त फिकरे अन्तर रेहन्ती कि मोउं अपु धाणि कीं कर कइ रिझाण।

इफिसुस 6:18

हर बेले, हर चीजी लिए शुची आत्मा बेलि प्रार्थना, दुआ कते रिहे। हेरी बिशे त होरे शुचे मेह्‍णु जे लगातार दुआ कते रिहे।

फिलिप्पी 4:6

केसे बोक पुठ बि स्यापा ना करे। बल्कि हर यक हाल पुठ धन्यवाद जुए परमेश्वर अगर प्रार्थना त विनती करे।

1 तिमुथि 2:1

सोबी केआं पेहले अभेईं अउं तुसी जे हथ जोड़ कइ बोता कि परमेश्वरे सम्हाणि सोबी मेह्‍णु जे छनेअरे, विनती, प्रार्थना, त धन्यवाद करे।

1 तिमुथि 5:16

अगर केसे विश्वासी जिल्हाणु केईं कोई विधवा असी त ई खरु भुन्तु कि विश्वासी अपफ तसे देखभाल करे, ताकि से सतसंग पुठ बोझ ना बणियेल। त सतसंग तेन्हि विधवाई के देखभाल कर बटियेल, जे यकदम अकेली असी।

1 तिमुथि 5:3

खास कर तेन्हि विधवाई के ख्याल रख, जेन्हि मदते सक्त जरूरत असी।

2 तिमुथि 1:3

ए तिमुथियुसा, जेस परमेश्वरे सेवा अउं अपु पुरखी के ईं रीति रिवाज जुए त साफ अन्तरात्माई जुए कता, तेस धन्यवाद कता कि अउं रोज ब्यागे ब्यादि अपु प्रार्थना अन्तर तोउ याद कता।

1 पतरस 3:5

पेहलकण जमाने शुची जिल्हाणु बि जे परमेश्वर पुठ उम्मीद रखतीथ, अपु अपु धाणि वश अन्तर बिश कइ ठटिन्‍तीथ।