1 तिमुथि 5:21 - Walangi

²¹ अउं यीशु मसीह, परमेश्वर त तसे चुणो स्वर्गेदूती उगाह बड़ाई कइ तोउ जे निआंग देन्ता कि एन्हि सोबी बोकी पूरा मन जोई मनीण दिए। त केसे बि कम अन्तर केहर-बेहर ना करे।

1 तिमुथि 5:21 Iomraidhean Croise

मत्ती 16:27

“अउं ई सोब तोउं बोता किस कि मनखे कुआ स्वर्गेदूती साते अपु बोउए महिमा जोई झट एणे बाड़ा असा। तेस टेम से हर यक मेह्‍णु तेन्के कमे फल देन्ता।

मत्ती 25:41

तोउं से बउंआ कनारी तेन्हि जे बोता, ‘ए शराप लगो मेह्‍णुओ! में सामणि केआं ओस ना हुशणे बाड़ी आग अन्तर घेई घिए, जे शैतान त तसे दूती जे तेयार किओ असी।

मत्ती 28:20

होर जे जे निआंग मेईं तुन्धे दुतो असी, तेन्हि सोब मनण जे तेन्हि शिचालिण दिए। शुणे, अउं मतोके मुकुण तकर तुसी जोई साते असा।”

लूका 20:21

त तेन्हि तस केआं पुछु, “ए गुरु, असी पता असा कि तु जीं बि बोता यकदम ठीक बोता त मेह्‍णु बि शिचालता। होर बजन केहर-बेहरी परमेश्वरे बत हंटणे बोके सच्चाई जोई शिचालता।

लूका 9:26

जे कोउं मोउं केआं त में वचनी केआं लजिन्ता, त अउं मनखे कुआ जिखेईं अपु त अपु बोउए शान, होर शुचे स्वर्गेदूती के शान जोई साते दुबारी एन्ता तिखेईं तेस हेर बि लजिन्ता।

2 कुरिन्थ 5:16

तोउं त, अभेईं केआं खड़ अस केसे जे बि जिसमे हिसाब जुए ना समझते। पेहले पेहले बेशक अस मसीह बि जिसमे हिसाब जुए समझतेथ, पर अब हउ नेईं।

1 थेस्सलु 5:27

अउं तुसी प्रभु सोहो दिआन्ता कि इस चिट्ठि सतसंगे सोबी मेह्‍णु पढ़ कइ शुणाए।

1 तिमुथि 6:13

सोबी कें धे जिन्‍दगी देणे बाड़ा परमेश्वर, त राज्यपाल पुन्तियुस पिलातुसे सम्हाणि खरी हिम्मत जुए उगाही देणे बाड़ा यीशु मसीह उगाह रख कइ अउं तोउ जे ई निआंग देन्ता,

2 तिमुथि 2:14

बे कोईया! सोब विश्वासी जे इन्हि बोकी के बारे चेता दिआन्ता रेह। त परमेश्वरे सम्हाणि जड़कइ कइ बोल कि कुछ शब्दे मतलब जुओई अपफ बुछ झगड़ा भेएड़ा ना करे, किस कि इन्के बेलि कोई फायदा ना भुन्ता। बल्कि जे एन्हि शुणते तेन्के विश्वास खतम भोई घेन्ता।

2 तिमुथि 4:1

ए तिमुथियुसा! जे जीन्ता त मुओरी के पंची कते, जेन्के दुबारी पंची करणे टेम त राज करणे टेम नीड़ा असा, अउं तेस परमेश्वर त यीशु मसीह उगाह रख कइ, तोउ चेता दिआई कइ ई निआंग देन्ता कि

याकूब 3:17

पर जे बुद्धि खड़ोरिया मेती पेहले त से शुची असी। से बुद्धि असी मिआणे बाड़ा, नरम मने बाड़ा, सुधी-बुद्धि बाड़ा, दाहोपरा, त खरे कम करणे बाड़ा बणान्ती। त तेस बुद्धि बेलि अस मेह्‍णु शकल हेर कइ कम ना कते, होर ना छल कपट कते।

2 पतरस 2:4

किस कि परमेश्वरे से स्वर्गेदूत न छड़े, जेन्हि पाप किओ थिए, बल्कि न्याय करणे रोज तकर से बन्हि कइ नर्के अन्हारे कुण्ड अन्तर छइ छड़े।

यहूदा 1:6

फि तुस तेन्हि स्वर्गेदूती के बि याद करे, जेन्हि परमेश्वरे दुतो अपु पद पुठ सुसुर ना बिश कइ, बगावत की। परमेश्वर से बि तेस न्याय करणे खतरनाक रोजे लिए अन्हारे अन्तर हमेशा हमेशा लिए बन्ह रखो असे।

प्र. बोके 14:10

से बि परमेश्वरे कोपे तेस मुहरी अराख पीन्ता, जे परमेश्वर अपु लेहरी कटोरे अन्तर तेयार किओ असा। से त शुचे स्वर्गेदूती के समाणि त किएऊ समाणि आगी त जाती गन्धके सुआ अशी अन्तर घेन्ते।