1 तिमुथि 4:8 - Walangi

⁸ किस कि जिसमे कसरते फायदा सद इस जिन्‍दगी अन्तर असा। पर परमेश्वरे भक्ति सम्हाई बोकी जे फायदामन्द असी, किस कि एस अन्तर इस टेमे जिन्‍दगी त एणे बाड़ी जिन्‍दगी जुबान असी।

1 तिमुथि 4:8 Iomraidhean Croise

मत्ती 12:32

जे कोउं मनखे कोईये खिलाफ बोक करियाल, तसे से पाप माफ करिन्‍ते। पर जे कोउं शुची आत्माई खिलाफ कोई बोक कते, तसे पाप ना इस जुग अन्तर, होर ना एणे बाड़े जुग अन्तर कदी माफ ना करिन्‍ते।”

मत्ती 19:29

होर जेन केनि अपु गी, भाई भेण, ई बोउ, गभुरु-छिएड़ु त बग-बघुई में नओएं लिए छड़ दुतो असे, तस परमेश्वर सौ गुणा देन्ता, त अमर जीवन देन्ता।

मत्ती 6:33

तोउं त, तुस पेहले परमेश्वरे राज्य त तसे इच्छा तोपीण दिए। तोउं ए सोब चीज बि तुसी मेई घेन्ति।

मरकुस 10:30

तस मेह्‍णु भुंजान्ते, फि बि इस टेम तस सद सौ गुणा घरबार, भाई भेण, ई बोउ, गभुरु-छिएड़ु, बग-बघुईएं ना मेती, बल्कि तस त एण बाड़े रोज अन्तर अमर जीवन बि मेता।

लूका 5:38

पर नउआं सरा नोउए खलोठु अन्तर रखो लौता।

रोमी 8:28

अस जाणते कि जे मेह्‍णु परमेश्वर जोई परेम कते, मतलब परमेश्वरे जे अपु इच्छाई हेसाब जोई भिओ असे, तेन्हि सोबी बोकी के बेलि परमेश्वर तेन्के भलाई कता।

1 कुरिन्थ 8:8

पर तुस बोले, से प्रसाद कि असी परमेश्वरे सामणि खरा बणान्ता ना? तस ना खेआल त हें कुछ नुकसान न भुन्ता, होर, अगर खेआल बि त कुछ फायदा बि ना भुन्ता।

1 तिमुथि 4:7

पर बेधर्मी बोकी त स्याणी जिल्हाणु के मन गढ़त कथाई केआं दूर बिश, होर जीं यक खिलाड़ी कसरत कते रेहन्ता, तीं तु बि परमेश्वरे भक्ति अन्तर जीण जे पूरा कोशिश कते रेह।

1 तिमुथि 6:3

हें प्रभु यीशु मसीहे बोके त शिक्षा परमेश्वरे इच्छाई हेसाब जुओई असी। त जे मेह्‍णु तस खरी शिक्षा छड़ दी कइ गलत शिक्षा देन्ता,

1 तिमुथि 6:5

त जेन्के बुद्धि भ्रष्ट भोई गो असी, त जे सच्चाई केआं दूर भोई गो असे, से सोचते की परमेश्वरे वचन शिचालण सुआ धन कठेरणे तरीका असा। तेन्के बुच बेहला झगड़ा भेएड़ा भुन्ता।

1 तिमुथि 6:6

पर जे अपु कमाई पुठ खुश भोई कइ परमेश्वरे भक्ति कता, तसे सोबी केआं मोटी कमाई असी।

2 तिमुथि 3:5

से परमेश्वरे भक्ति करणे ढंग त कते, पर तसे शक्ति ना मानते। तेन्हि केआं दूरे बिश।

तीतुस 3:8

ए त सोबी मानणे बाड़ी बोक असी त अउं बि चहन्ता कि तु ई सोब बोके बारे पूरे जोर जुए बोले। इसे बेलि जेन्हि परमेश्वर पुठ विश्वास किओ असा, से खरे खरे कम करणे मन रखते। ए सोब बोके खरी असी त मेह्‍णु फायदे लिए असी।

इब्रानी 13:9

तोउं त, होरे होरे अजीब प्रवचन शुण कइ यीशु पुठ विश्वास करण छड़ न दिए। खरु ई असु कि परमेश्वरे कृपाई बेलि हें मन ताकत मेओ लौती, ना कि खाणे पीणे चीजी के बेलि, किस कि खाणे पीणे नियम मानणे बाड़ी के तेन्हि नियमे बेलि कुछ फायदा न भुआ।

1 यूहन्ना 2:25

होर जेस हेन्धे देण जे कोईये जुबान दुतो असी, से “अमर जीवन” भो।

प्र. बोके 3:12

जे जीतते, तेन्हि अउं परमेश्वरे देहेर अन्तर थमे ईं बड़ान्ता, त तेन्हि कोई जेईं बि कदी बाहर ना किढ़ बटते। होर अउं अपु परमेश्वरे नओं त अपु परमेश्वरे तेस शेहरे नओं मतलब नोउए यरुशलेमे नओं तेस पुठ लिखता, जे में परमेश्वरे स्वर्ग केआं एन्ता। तेस पुठ अउं अपु नोउ नओं बि लिखता।

प्र. बोके 3:21

“जे जीतते, तेन्हि अउं अपफ जोई साते अपु सिंहासन पुठ तिहांणि बिशणे हक देन्ता, जीं अउं बि जीत कइ अपु बोउ जोई साते, तसे सिंहासन पुठ बिश गो असा।