1 तिमुथि 4:6 - Walangi

⁶ बे कोईया, अगर तु विश्वासी भाई भेणि जे इन्हि बोकी के चेता दिआन्ता रेहन्ता त तु यीशु मसीहे बधिआ सेवक बणता। त विश्वासे वचन त जे खरी शिक्षा तेईं अभेईं तकर मनो असी, तेन्हि बोकी बइ तें लालन-पालन भुन्ता रेहन्ता।

1 तिमुथि 4:6 Iomraidhean Croise

मत्ती 13:52

त तेन तेन्हि जे बोलु, “तोउं त, हर यक धर्मशास्त्री, जे स्वर्गे राज्य चेला बणो असा, तेस मालिके ईं असा जे अपु भण्डार अन्तरा नोई त पुराणि चीज किढ़ता।”

लूका 1:3

तोउं त, ए मान्यवर थियुफिलुस जी! किस कि अउं लूका अपफ बि ए सोब बोक शुरु केआं जांच पड़ताल कइ छो असी, त मोउं ई खरु लगु कि ए सोब बोके सुसुर जुढ़ेर कइ तुसी जे लिखुं,

प्रतिनिधि 1:15

तोउं यक रोज, जपल कोई यक सौ बिह विश्वासी भाई त भेण किठे भो थिए, पतरस तेन्के बुच खड़ भोई कइ बोलुण लगा,

प्रतिनिधि 20:31

तोउं त चौकाने बिशे, त याद रखे कि टाई साल तकर दन रात रोल रोल कइ अउं हर यक जेईं चेता दिआन्ता रिहा।”

प्रतिनिधि 20:35

जे किछ बि मेईं किउ, तसे बेलि मेईं तुसी हरालु कि इस रीत जोई मेहनत कर कइ गरीब मेह्‍णु के मदत करीण। असी से वचन याद रखण जरूरी असा, जे प्रभु यीशु अपफ बोलो असा: ‘नेण केआं देणे बाड़ा धन्य असा।’”

रोमी 15:15

तोउं बि इस चिट्ठि अन्तर तुसी चेता दिआण जे कोठि कोठि मेईं धिक सक्ति कइ लिखो असु। ई करणे हिम्मत मोउं परमेश्वरे कृपाई बेलि मेओ असी। तेन अउं गैर यहूदी मेह्‍णु बुछ मसीह यीशु खुश खबरी प्रचार करण जे यक खास दूत त पुजारे ईं सेवा करण जे नियुक्त किओ असा। एसे बेलि शुची आत्मा गैर यहूदी मेह्‍णु परमेश्वर खुश करणे लेएक भकते ईं बणान्ती।

1 कुरिन्थ 4:17

तोउं त, मेईं तुसी केईं तिमुथियुस लंघा। से में ट्यारा त मसीहे विश्वास अन्तर यकीन लेएक असा। से एई कइ विश्वास अन्तर में तेस जीणे बारे तुसी चेता दिआन्ता, जेसे बारे अउं मसीहे सतसंग अन्तर शिचालता।

2 कुरिन्थ 11:23

अउं जगरे के ईं बोता, कि मोउं जे बोले कि सेईंए मसीहे सेवक भिन्थ ना? मेईं तेन्हि केआं बि ज्यादी मेहनत किओ असी। मसीहे लिए अउं सुआ लिंगि जेहेल अन्तर छो असा, सुआ लिंगि चाबुके बइ खओ असी त केहि लिंगि अउं मरते मरते बचो असा।

2 कुरिन्थ 3:6

सेईंए असा, जेन हेन्धे नोई जुबानी प्रचार करण जे ताकत दुतो असी। ए ताकत कोई नियमे चिट्ठि नेईं, बल्कि तसे आत्माई भो, किस कि नियमे बेलि मौत एन्ती, पर तसे आत्माई बेलि जीवन मेता।

2 कुरिन्थ 6:4

बल्कि कष्ट अन्तर, भुंजुण अन्तर, गरीबी अन्तर, दुख त शोक अन्तर अस ईं हरालणे कोशिश कते कि अस परमेश्वरे सेवक भो।

इफिसुस 6:21

मेईं, हें ट्यारा भाई त प्रभु सेवा अन्तर यकीन लेएक तुखिकुस तुसी केईं लंघो असा, ताकि तुस तस केआं में बारे शुणे कि अउं कीं असा त कीं बिश्ता। त से तुसी विश्वास अन्तर बि हिम्मत दिए।

फिलिप्पी 2:20

में सम्हाई साथी अपु अपु फायदा तोपुण लगो असे। यीशु मसीह तेन्हि केआं की कराण चहन्ता तसे बारे कोई बि ना सोचते। सद तिमुथियुस अपु मन अन्तर पूरे सच्चाई जुए तुं भलाई सोचता।

फिलिप्पी 2:22

तुसी त से परख कइ पिछाणो असा कि से कत भरोसे लेएक असा। जीं कुआ अपु बोउए बोकी नकल कता, तीं से बि मोउं जुए खुश खबरी प्रचार करण अन्तर कष्ट कता।

फिलिप्पी 3:16

पर जेस सच्चाई परमेश्वर असी पता करवा तसे हिसाब जुए जीण लौतु

कुलोसी 2:19

से मसीह केआं बखी गो असे, जे मगिर ईं सम्हाई जिसम मतलब सतसंग जोड़ कइ रखता, चलान्ता त तसे देखभाल कता, जेसे बेलि जीं परमेश्वर चहन्ता तीं बधतु।

कुलोसी 3:16

मसीहे वचन हमेशा याद कते रिहे त सम्हाई बुद्धि जुए यक होरी शिचाले, त खबरदार करे। अपु अपु मन अन्तर परमेश्वरे भजन, शुची आत्माई दुतो छुआंरी, त घुरेई धन्यवाद देन्ते लाण दिए।

कुलोसी 4:7

मेईं हें ट्यारा भाई त सेवा अन्तर हें साथी तुखिकुस तुसी केईं लंघो असा, ताकि तुसी हें हालते बारे पता लगियाल। जपल से एईयाल त में बारे सम्हाई बोक तुसी बतान्ता, त विश्वास अन्तर तुसी हिम्मत देन्ता। से प्रभु यकीन लेएक सेवक असा।

1 थेस्सलु 3:2

त असी मसीहे खुश खबरी अन्तर हें भाई त परमेश्वरे सेवा करण अन्तर हें साथी तिमुथियुस तुं भेएड़ जे लंघा, ताकि से विश्वास अन्तर तुसी मजबूत कराल त हिम्मत दियाल,

1 तिमुथि 1:10

त जे गलत तरीके जुए जिसमे संमंध रखते, त जे अपु लिंगे मेह्‍णु जोई रिश्ता रखते, त जे मेह्‍णु गुलाम बड़ाई कइ बेचते, जे झूठ बोते, त जे झुठी सोह कते त इन्हि छड़ कइ जे खरी शिक्षाई खिलाफ भुन्ते।

1 तिमुथि 4:16

अपु जीण त अपु प्रवचने पेहरा दिआ कर त इन्हि बोकी पुठ टिग बिश, किस कि अगर तु ईं कता रेहन्ता त तु सद अपफ जे ना, बल्कि जे तें बोक मानते, तेन्के बि बचणे बझह बणता।

1 तिमुथि 6:3

हें प्रभु यीशु मसीहे बोके त शिक्षा परमेश्वरे इच्छाई हेसाब जुओई असी। त जे मेह्‍णु तस खरी शिक्षा छड़ दी कइ गलत शिक्षा देन्ता,

2 तिमुथि 1:6

इस बझई जुए अउं तोउ चेता दिआन्ता की परमेश्वरे जे वर में हतेउ रखणे बेलि तोउ मेओ थिआ, तस सुसुर उरतीण-बरतीण दिए।

2 तिमुथि 3:10

पर ए तिमुथियुसा! तोउ ठीक ठाक पता असा कि मेईं मेह्‍णु कीं खरी शिक्षा शिचालो असी, त मेईं कीं खुश खबरी लेएक जिन्‍दगी जीओ असी। तोउ पता असा कि खुश खबरी प्रचार करण अन्तर में मकसद कीं रेहा, त मेईं कीं यीशु मसीह पुठ विश्वास कर कइ सुआ लाह रखा। तोउ ई बि पता असा कि मेईं कीं सम्हाई मेह्‍णु जोई परेम किओ असा त कीं मुश्किले टेम अन्तर बि तसे सेवा किओ असी।

2 तिमुथि 4:3

किस कि ईं टेम बि एन्ता जपल मेह्‍णु खरी शिक्षा ना मानते, पर अपु अपु पापे गुणे खातिर सद तिहांणि शिक्षा शिचालणे बाड़ी कठेरते, जे से शुणुण पसंद कते।

तीतुस 2:1

पर बे कोईया! तु तेन्हि जीणे ईं शिक्षा देन्ते रेह जे सही असी।

1 पतरस 2:2

होर नओएं जमो गभुर ईं तेस शुचे दुधे लाछ करे, जे तुं आत्माई लिए असु, ताकि तसे बेलि तुस बध बटियेल त बच घियेल।

2 यूहन्ना 1:9

अगर कोई मसीहे शिक्षा ना मान कइ जीन्ता, होर होरे शिक्षाई कना घेई घेन्ता त तेस केईं परमेश्वर नेईं। पर जे कोउं तसे शिक्षा मान कइ जीन्ता, तेस केईं बोउ बि त कुआ बि असा।

यहूदा 1:5

तुसी ए सोब बोके पेहलाई केआं सुसुर पता असी। तोउं बि, अभेईं अउं तुसी इन्हि बोकी के चेता दिआण चहन्ता कि बेशक प्रभु पूरे इस्राएले मेह्‍णु मिस्र देशे गुलामी केआं छुड़के, तोउं बि जेन्हि तेस पुठ विश्वास ना किआ, से सोब खतम कइ छड़े।