1 तिमुथि 4:16 - Walangi

¹⁶ अपु जीण त अपु प्रवचने पेहरा दिआ कर त इन्हि बोकी पुठ टिग बिश, किस कि अगर तु ईं कता रेहन्ता त तु सद अपफ जे ना, बल्कि जे तें बोक मानते, तेन्के बि बचणे बझह बणता।

1 तिमुथि 4:16 Iomraidhean Croise

मरकुस 13:9

जपल ए सोब भुन्तु त तुस खबरदार बिशे; किस कि मेह्‍णु तुसी टजोटे हवाले कते त तुस अराधनालय अन्तर मडेईन्‍ते, त में बझई जोई तुसी अफसर त राजी के सम्हाणि खड़ेरते कि तुस तेन्हि जे में बारे उगाह दियेल।

लूका 21:34

“तोउं त, खबरदार बिशे! ईं ना भोल कि तें मन मौज मस्ती, खाण पीण त जीवन होरी चिन्ताई जुओई सुस्त भोई घियेल। त से रोज तोउ पुठ अचानक एई घियेल।

प्रतिनिधि 26:22

पर परमेश्वरे मदते बेलिए आज तकर अउं असा। अउं तुं सम्हाणि त मठुड़, बोडे सोबी के सम्हाणि सद तेस बोकी के पूरा भुणे उगाह देन्ता, जे मूसे त भविष्य वक्ती बि बोलो थी,

प्रतिनिधि 6:4

पर अस प्रार्थना दुआ करण त वचन शिचालणे अन्तर अपु पूरा मन त ध्यान देन्ते।”

रोमी 11:14

ताकि जीं तीं कइ अपु जाति मेह्‍णु अन्तर जड़ा पैदा कर कइ तेन्हि अन्तरा केहि जेईं विश्वास करवाई कइ बचाई बटुं।

रोमी 16:17

ए ट्यारेओ, अउं तुं छने कता कि तुस तेन्हि मेह्‍णु तालीण दिए जे मेह्‍णु झगड़ान्ते त जे शिक्षा तुसी मेओ असी, तेसे खिलाफ भोई कइ होरी के विश्वास मुकान्ते। तेन्हि केईआं दूर बिशे।

रोमी 2:7

परमेश्वर तेन्के धे अमर जीवन देन्ता, जे लाह रख कइ खरु कम कते रेहन्ते, ताकि तेन्हि जे परमेश्वर खरु बोलियाल, इज्जत दियेल, होर से तस जुए हमेशा बिशियेल।

1 कुरिन्थ 1:21

किस कि परमेश्वर अपु बुद्धि बेलिए ठीक किउ कि मेह्‍णु अपु अक्ली बेलि तसे बारे पता ना लगियाल, बल्कि तेस ई खरु लगु कि हें खुश खबरी प्रचार पुठ जेन्हि विश्वास किआ, तेन से बचा। केहि मेह्‍णु समझते कि अस इरुह अपु शंकरेड़ शुखाड़ण लगो असे।

1 कुरिन्थ 9:22

त जे विश्वास अन्तर कमजोर असे तेन्के खातिर अउं बि कमजोर ईं बणा, ताकि तेन्हि मसीहे कना कइ बटुं। मेईं सम्हाई के खातिर तीं बणणे कोशिश की जीं से असे, ताकि जीं तीं कर कइ तेन्हि केईआं मसीह पुठ विश्वास कराई बटुं।

1 कुरिन्थ 9:27

बल्कि अउं त अपु जिसम त मन कश कइ रखता, ताकि होरी जे प्रचार करणे पता अउं अपफ नालेएक ना बणुण।

इफिसुस 4:14

तोउं अस गभुर के ईं नदान ना रेहन्ते, जे हर किस्मे गलत शिक्षाई बेलि बेहक घेन्ते, त जेन्हि दुष्ट मेह्‍णु अपु अपु चलाकी जुए ठगते।

कुलोसी 4:17

त अरखिप्पुस जे बोले कि जे सेवा करणे जिम्मा प्रभु तसे धे दुतो असा, तस बड़े ध्यान जुए करे।

1 थेस्सलु 2:16

से होरे मेह्‍णु जुए तेन्के बचणे बारे बोक करण जे बि असी ठाकते, ताकि तेन्के पापे घड़ु भरी घियाल। पर अभेईं परमेश्वरे भयंकर लेहेर तेन्हि पुठ एई गो असी।

1 तिमुथि 1:3

बे कोईया! मकिदुनिया देश घेन्ते टेम मेईं जीं तु समझो थिआ कि इफिसुस शेहर अन्तर बिश कइ गलत शिक्षा देण बाड़ी जे बोल कि “गलत शिक्षा ना दिए” तस अउं फि दुबारी बोता।

1 तिमुथि 4:15

अन्हि बोकी मन लाई कइ ध्यान जोई कते रेह, जेसे बेलि सोब मेह्‍णु विश्वास अन्तर तें तरक्की हेरियेल।

1 तिमुथि 4:6

बे कोईया, अगर तु विश्वासी भाई भेणि जे इन्हि बोकी के चेता दिआन्ता रेहन्ता त तु यीशु मसीहे बधिआ सेवक बणता। त विश्वासे वचन त जे खरी शिक्षा तेईं अभेईं तकर मनो असी, तेन्हि बोकी बइ तें लालन-पालन भुन्ता रेहन्ता।

2 तिमुथि 2:10

तोउं त, अउं तेन्हि मेह्‍णु जे सोब कुछ सेहण लगो असा, जे परमेश्वरे चुणो असे, ताकि यीशु मसीह अन्तर जे बचुण असु, से तेन्हि बि मेईंयेल त से हमेशा तसे शान अन्तर बिशियेल।

2 तिमुथि 3:14

पर ए तिमुथियुसा! जे शिक्षा तेईं शिचो असी त जेस पुठ पूरा भरोसा असा, तेस पुठ विश्वास कते रिहे, किस कि तोउ पता असा कि जेन्हि केईआं तेईं ए शिक्षा शिचो असी, से यकीन लेएक असे।

2 तिमुथि 4:2

हर वकत खुश खबरी प्रचार करण जे तेयार बिश, त पूरे लाह जुए त शिक्षा जुए मेह्‍णु मना, जड़का त समझाण दे।

तीतुस 1:9

होर से जे यकीन लेएक वचने शिक्षा असी केआं शिचो असी, से तेन्हि सुसुर मानते ताकि से खरे प्रवचन दी बटियेल त जे खिलाफ असे तेन्हि चुप कराई बटियेल।

तीतुस 2:15

ए तीतुसा, ई सोब बोके सम्हाई जेईं पूरे हक जुए शिचाल, त खबरदार कर। कोई बि तोउ कमजोर ना समझे।

तीतुस 2:7

तु अपफ बि सोबी चीज अन्तर खरे कम कर कइ तेन्के नमूना बण। तें शिक्षा अन्तर इमानदारी, इज्जत

फिलेमोन 1:19

ई अउं पौलुस अपु हथे बइ लिखता कि अउं अपफ तस भर देन्ता। होर में जे ऋण तोउ पुठ असु, तसे बारे चेता दिआण मोउं जरूरी ना लगतु, किस कि तोउ पता असा कि तेईं में बेलि ईं मसीह पुठ विश्वास किआ त बच गा।

इब्रानी 12:15

चौकाने बिशे कि तुसी बुचा कोई बि परमेश्वरे छतरछाया केआं दूर ना भुओल। होर अपफ बुछ केसे बि नराज ना करे। तसे असर सोबी पुठ भुन्ता त तुस खराब भोई घेन्ते।

इब्रानी 13:9

तोउं त, होरे होरे अजीब प्रवचन शुण कइ यीशु पुठ विश्वास करण छड़ न दिए। खरु ई असु कि परमेश्वरे कृपाई बेलि हें मन ताकत मेओ लौती, ना कि खाणे पीणे चीजी के बेलि, किस कि खाणे पीणे नियम मानणे बाड़ी के तेन्हि नियमे बेलि कुछ फायदा न भुआ।

याकूब 5:20

त अउं चहन्ता कि जे कोउं भटको तेस पापी पलाटियाल, तस पता लगो लौता कि तेन यक प्राण मरण केआं बचा, होर जे मेह्‍णु वापिस आ तसे सुआ पाप माफ भोई गे।