1 तिमुथि 4:14 - Walangi

¹⁴ परमेश्वरे जे वरदान तेन्धे दुतो असा, तस पूरे जोश जुए इस्तेमाल कर, किस कि ए वरदान सतसंगे स्याणी जपल तोउ पुठ हतेउ रख कइ प्रार्थना किओ थी, तपल भविष्य वाणि बेलि तोउ मेओ थी।

1 तिमुथि 4:14 Iomraidhean Croise

प्रतिनिधि 11:30

तेन्हि तिहांणि किउ; तोउं बर्नबास त शाऊले केईआं से दान सतसंगे स्याणी केईं लंघाई छड़।

प्रतिनिधि 13:3

तोउं तेन्हि ब्रत रखे त प्रार्थना दुआ कर कइ बर्नबास त शाऊल पुठ हथ रखा त से तेस कमे लिए लंघाई छड़े।

प्रतिनिधि 19:6

तोउं जपल पौलुसे तेन्हि पुठ हथ रखा, त शुची आत्मा तेन्हि पुठ एई गई, त से होरे होरे भाषा बोलुण त भविष्य वाणि करण लगे।

प्रतिनिधि 22:5

में एस बोकी उगाह बोडे पुजारे, टजे स्याणे त सोब टजे पंच असे। तेन्हि केईआं चिट्ठि घिन कइ अउं दमिश्क शेहर जे घेण लगो थिआ, कि यीशु बोक मानणे बाड़े जे बि तठि भोल तेन्हि टाऊं त सज्जा देण जे यरुशलेम शेहर घिन आउ।”

प्रतिनिधि 6:6

तोउं से प्रतिनिधि के समाणि अण्हे त प्रतिनिधि तेन्हि जे प्रार्थना की त अपु हतेउ रख कइ तेन्हि अशुश दिती।

प्रतिनिधि 8:17

तोउं पतरस त यूहन्ना तेन्हि पुठ हथ रखा त तेन्हि पुठ शुची आत्मा एई गई।

1 थेस्सलु 5:19

शुची आत्माई कम ना रोके।

1 तिमुथि 1:18

बे कोईया तिमुथियुसा! जे भविष्य वाणि पेहले तें बारे भो थी, तसे हिसाब जुए अउं तोउ जे निआंग देन्ता कि तु सही खुश खबरी जे अपु जी जान ला त गलत शिक्षा देणे बाड़ी रोकीण दे।

1 तिमुथि 4:15

अन्हि बोकी मन लाई कइ ध्यान जोई कते रेह, जेसे बेलि सोब मेह्‍णु विश्वास अन्तर तें तरक्की हेरियेल।

1 तिमुथि 5:17

जे मुखिये सतसंगे कम-काज सुसुर हेरते, खास कइ जे परमेश्वरे वचने प्रचार करण त शिचालण अन्तर कष्ट उठान्ते, तेन्हि सोबी मेह्‍णु दुई गुणा इज्जते हकदार समझे।

1 तिमुथि 5:19

अगर कोई मेह्‍णु केसे मुखिया पुठ दोष लाआल त तेन्के बोक दुई, टाई उगाहे बगैर ना मनीण।

1 तिमुथि 5:22

बगैर परखणे केसे मेह्‍णु मुखिया बणाण जे झट हथ ना रख। होरी पाप अन्तर सात ना दे, पर अपफ जे शुचा रख।

1 तिमुथि 6:12

अपु विश्वास मजबूत रखण जे खरा मुकाबला कते रेह त जेस अमर जीवने लिए परमेश्वरे तु भिहो असा त जेस बारे तेईं सुआ मेह्‍णु के अगर खरी हिम्मत जुए उगाही दुतो थी, तस ना गवां।

2 तिमुथि 1:6

इस बझई जुए अउं तोउ चेता दिआन्ता की परमेश्वरे जे वर में हतेउ रखणे बेलि तोउ मेओ थिआ, तस सुसुर उरतीण-बरतीण दिए।