1 तिमुथि 4:12 - Walangi

¹² तु परमेश्वरे वचन अन्तर, तें चाल चलण अन्तर, परेम त विश्वास अन्तर होर शुचे विचार अन्तर सम्हाई विश्वासी जे नमूना बण, ताकि तें कम उमरी बझई जुए कोई तें बोक अणशुणि ना करे, पर सोब पूरा मन लाई कइ शुणे।

1 तिमुथि 4:12 Iomraidhean Croise

मत्ती 18:10

“हेरी बिशे कि तुस इन्हि बिचारी अन्तरा केसे बि मठुड़ ना समझे, किस कि अउं तुसी जे बोता कि स्वर्ग अन्तर इन्के स्वर्गेदूत हमेशा में बोउए सामणि बिश्ते।

1 कुरिन्थ 11:1

त जीं अउं मसीहे नकल कता, तीं तुस बि में नकल करे।

फिलिप्पी 4:8

त में ट्यारे भाई त भेणिओं! अउं चहन्ता कि जे कुछ बि सच्चाई असी, इज्जतदार असे, सही असे, शुचा त अब्बल असे, जे जे बि खरे असे त तारीफ लेएक असे, तुस तसे बारे सोचते रिहे।

1 थेस्सलु 1:6

त तुसी सोब कष्ट त लज सही कइ परमेश्वरे वचन शुची आत्माई खुशी जुए मान छड़े। त जीं प्रभु चहन्ता, होर जीं अस कतेथ, तीं तुस बि करण लगे।

1 थेस्सलु 2:10

तुस अपफ हें उगाह असे त परमेश्वर बि हें उगाह असा कि तुसी विश्वासी बुच हें चाल चलण कीं शुचा, नेक त खरा थिआ।

1 तिमुथि 1:14

ओ हो! तोउं बि प्रभु कृपादृष्टि मोउं पुठ कति उचिल गई! होर विश्वास त परेम बि यीशु मसीहे बइ सुआ मेईंया।

2 तिमुथि 2:15

त तु अपफ ईं कारगीरी बणणे पूरी कोशिश कर जे परमेश्वरे लेएक भोल, जेस केसे बोकी पुठ शरम ना अओ लौती त जे खुश खबरी सच्चाई सुसुर शिचालता।

2 तिमुथि 2:22

तोउं त में कुआ, जे पापे कम जवान मेह्‍णु करण चहन्ते, तेस केआं दूर बिश त जे शुचे मन जुए परमेश्वरे सेवा कते, तेन्हि जुए मी कइ परमेश्वरे नजर अन्तर अब्बल जीणे, तसे यकीन लेएक भुणे त होरी जे परेमे करणे, होर उई मी कइ बिशुण जे जीं तीं कोशिश कर।

2 तिमुथि 2:7

अउं जे बोक बोलुण लगो असा, तेस पुठ ध्यान दे, होर प्रभु तोउ सोब बोकी के बारे समझान्ता।

तीतुस 2:15

ए तीतुसा, ई सोब बोके सम्हाई जेईं पूरे हक जुए शिचाल, त खबरदार कर। कोई बि तोउ कमजोर ना समझे।

तीतुस 2:7

तु अपफ बि सोबी चीज अन्तर खरे कम कर कइ तेन्के नमूना बण। तें शिक्षा अन्तर इमानदारी, इज्जत

याकूब 3:13

तुसी अन्तर बुद्धिमान त समझदार कोउं असा? अगर कोई ईं असा त से अपु अब्बल जीणे बेलि त अपफ घटाई कइ बुद्धि जुए कम कर कइ हरालिण दिए।

याकूब 3:17

पर जे बुद्धि खड़ोरिया मेती पेहले त से शुची असी। से बुद्धि असी मिआणे बाड़ा, नरम मने बाड़ा, सुधी-बुद्धि बाड़ा, दाहोपरा, त खरे कम करणे बाड़ा बणान्ती। त तेस बुद्धि बेलि अस मेह्‍णु शकल हेर कइ कम ना कते, होर ना छल कपट कते।

1 पतरस 5:3

तेन्हि पुठ अपु हक जताई कइ ना, पर सतसंग जे यक नमूना बण कइ करे।