1 तिमुथि 4:1 - Walangi

¹ शुची आत्मा सुसुर बोती कि एण बाड़े रोज अन्तर सुआ मेह्‍णु धोखा देण बाड़े मेह्‍णु के शिक्षा त दुष्ट आत्माई बारे शिक्षा मान कइ प्रभु यीशु पुठ विश्वास करण छड़ देन्ते।

1 तिमुथि 4:1 Iomraidhean Croise

मत्ती 18:7

इस मतोक अन्तर पाप कराणे सुआ बझह असी, होर मेह्‍णु पाप कते बि। पर तसे खेया खाट भोई घेन्ति, जेसे बेलिए पाप करी घेन्ते।”

लूका 17:1

यक रोज यीशु अपु चेली जे बोलु, “ई त पक्का असा कि हर कोई पाप अन्तर घेन्ता। पर तेस मेह्‍णु खेया खाट भोई घेन्ति, जेसे बेलिए पाप करी घेन्ते!

यूहन्ना 16:13

पर जपल से मतलब सच्चे परमेश्वरे आत्मा एन्ती, से तुसी पूरी सच्चाई बथ हरालती। किस कि से अपफ कुछ ना बोती, पर जे बि बोउ केआं शुणती तस बतान्ती त एणे बाड़ी बोकी बतान्ता।

प्रतिनिधि 13:2

जपल से ब्रत रख कइ प्रभु पूजा अराधना करण लगो थिए, त शुची आत्माई बोलु, “मेईं बर्नबास त शाऊल कुछ खास कमे लिए भिहो असे। त तेन्हि तेस कम करण जे लंघाए।”

प्रतिनिधि 17:18

तठि एपिक्यूरी त स्तोईकी सोच रखणे बाड़े कुछ मेह्‍णु बि तेस जोई मिए। पौलुसे बोक शुण कइ कुछ मेह्‍णु बोलुण लगे, “ए थपल्याटा, की बोलुण चहन्ता?” पर होरी बोलु, “ए केस परदेशी देवती के प्रचार करणे बाड़ा लगता।” तेन्हि ईं बोलु, किस कि पौलुस यीशु त दुबारी जीणे बारे बोक करण लगो थिआ।

प्रतिनिधि 20:23

पर सद ईं जाणता कि शुची आत्माई हर शेहर अन्तर उगाही दी दी कइ अउं चौकाने किओ असा कि तठि मोउं जेहेल त दुख तकलीफ भाड़ण लगो असे।

प्रतिनिधि 21:11

तेन हें भेएड़ एई कइ पौलुसे मझीन नीउ, त अपु हथ खुर बन्हि कइ बोलु, “शुची आत्मा ईं बोती कि जेस मेह्‍णु ई मझीन भो, तेस यरुशलेम शेहर अन्तर यहूदी मेह्‍णु इहांणि बन्हते, त गैर यहूदी मेह्‍णु के हवाले कते।”

प्रतिनिधि 28:25

जपल से अपफ बुछ राजि भोई न बटे त पौलुसे ई अखिर बोक शुण कइ घेण लगे: तेन बोलु, “यशायाह भविष्य वक्ता शुची आत्माई बेलि तुं बाव दादु पुठ यकदम सुसुर बोक बोलो थी कि

1 कुरिन्थ 10:20

में बोलुणे मतलब ईं असा कि अविश्वासी जे भकत चढ़ान्ते, से परमेश्वर जे नेईं, पर दुष्ट आत्माई जे असी। त अउं न चहन्ता कि तुस दुष्ट आत्माई के हेस्सेदार बणे।

1 कुरिन्थ 11:19

वाह जी वाह! पंगे कते रेहिए। ना त कीं पता लगता की तुं बुछ कोउं कोउं खरे विश्वासी असे?

1 कुरिन्थ 12:11

ए सेईंया शुची आत्मा भो, जेन हर यक जेईं कें धे अपु हेसाब जुए ई वरदान देन्ती।

1 कुरिन्थ 2:10

ए सोब नियोको बोक परमेश्वरे अपु आत्माई बेलि असी जे बतो असी, किस कि तसे आत्मा सम्हाई कुछ तोपती। से त परमेश्वरे मने भियो बि पता लान्ती।

2 कुरिन्थ 11:3

तुस अपल तकर मसीह जे शुची भक्ति त विश्वास अन्तर सुसुर थिए। पर अब अउं डरता कि जीं सृष्टि शुरुवात अन्तर तेस कीड़े लचेरणे बोकी के बेलि हब्बा भटक गो थी, तीं तुं मन बि भटक त नेईं गो?

कुलोसी 2:18

त जे बि तुसी स्वर्गेदूती के पूजा करण जे या वेबझह अपफ जे कष्ट देण शिचालते, तेन्के बोक ना माने। अगर तुस तेन्के बोक मानियेल त अपु ईनाम गड़ाई छते। से दर्शण हेर कइ अपु पापी मने सोची बेलि झूठा रोभ किढ़ते।

2 तिमुथि 3:13

पर गलत शिक्षा देण बाड़े त ढोंगी, मेह्‍णु ठगान्ते ठगान्ते से अपफ बि ठगीन्ते रेहन्ते, होर तेन्के हाल बुराई केआं हउ बि बुरा भोई घेन्ता।

2 तिमुथि 4:4

से खरी शिक्षा अणशुणि कइ छते त मन गढ़त बोके त कथाई कन लाई कइ शुणते।

याकूब 3:15

किस कि ए बुद्धि से न भो जे खड़ोरिया, स्वर्ग केआं मेती। पर एसे ईं बुद्धि कुधर्मी त मतोके भो। ए शैतान केआं एन्ती।

1 पतरस 1:20

एस कमे लिए परमेश्वरे मसीह भुमण बणुण केआं पेहलाई चुणो थिआ, पर तुं भलाई लिए अब इस अखिरि जुग अन्तर से प्रकट किआ।

2 पतरस 2:1

त जीं तेन्हि इस्राएले मेह्‍णु बुछ केहि झूठे भविष्य वक्ता थिए, तीं तुसी बुछ बि गलत शिक्षा देणे बाड़े भुन्ते। से नियोक नियोक कइ नाश करणे बाड़ी कुबुद्धि देन्ते। से त तेस ताकतवर प्रभु बि इन्कार कते, जेन से अपु जानी कीमत दी कइ खरीदो असे। ईं कर कइ से अपु घेणे दन नीड़ीयेर आणते।

2 पतरस 3:3

पेहले ईं जाण घिए कि धरती अखिर रोजी अन्तर हसाड़ मखोल करणे बाड़े एन्ते, जे अपु बुरी इच्छाई बेलिए मखोल कते।

1 यूहन्ना 2:18

ए गभुरुओ! ई जुग खतम भुणे टेम भो। जीं तुसी शुणो असु कि मसीहे विरोधी एणे बाड़ा असा, मेल अभेईं बि सुआ मसीह विरोधी एई गो असे। एस केआं असी पता लगता कि ए अखिरि टेम भो।

1 यूहन्ना 4:6

अस परमेश्वरे भिन्थ। जे परमेश्वर जाणता, से हें शुणता; पर जे परमेश्वर ना जाणता, से हें ना शुणता। इसे बेलि अस परमेश्वरे आत्मा जे सच्चाई हरालती त शैताने आत्मा जे मेह्‍णु बेहकान्ति पिछाण बटते।

यहूदा 1:18

से तुसी जे बोलिआ कतेथ, “अखिरि रोजी अन्तर ईं मेह्‍णु एणे बाड़े असे, जे परमेश्वरे लठ लिहाज ना रखते, बजन भक्ति अपु बुरी इच्छाई हेसाब जोई जीन्ते।”

यहूदा 1:4

किस कि ईं केहि मेह्‍णु मठे नियोक कइ तुसी बुच एई गो असे, जे परमेश्वरे भक्ति ना कते त हें परमेश्वरे कृपादृष्टि यक मखोल ईं समझ कइ लूचियाम कते। होर त होर, ए हें यके मालिक त प्रभु यीशु मसीह बि ना मानते। परमेश्वर एन्हि की सज्जा देन्ता तसे बारे सुआ टेम केआं पेहलाई धरमे कताब अन्तर लिख छो असु।

प्र. बोके 13:14

तेन्हि निशाणी के बझई जोई, जेन्हि तेस जानवरे सम्हाणि हरालणे हक थिआ, से धरती पुठ बिशणे बाड़ी भरमान्ता। होर तेन्हि जे बोता कि तेस जानवरे मुर्ति बणाए, जे तलवारे खतरनाक चोट लगण केआं पता बि बच गा।

प्र. बोके 16:14

ए निशाण हरालणे बाड़ी दुष्ट आत्मा भो, जे पूरे मतोके राजी केईं तोउं घेन्ति कि तेन्हि सर्व शक्तिमान परमेश्वरे खिलाफ तेस बोडे दने युद्धे लिए किठेरुं। प्रभु यीशु बोता,

प्र. बोके 18:2

तेन जोरी जोई हक दी कइ बोलु, “हेरे, बरबाद भोई गा से बोडा शेहर! बेबीलोन शेहर खतम भोई गो असा! से दुष्ट आत्माई के घर बण गो असा, त हर यक जुठी आत्माई के अड्डा बणो असा, त हर यक जुठी त कुस्तुरे चड़ी चखुरु के बसेरा बणो असा।

प्र. बोके 18:23

होर दीये टगड़ियार फि कदी तोउ अन्तर न चिलकती, त ब्याहे जानि रौनक तोउ अन्तर फि कदी न भुन्ति। ई सोब तोउं भुन्तु, किस कि तें व्यापारी जे मतोके बोडे बोडे मेह्‍णु थिए, तेन्हि तें जादू बेलिए सोब जाति भरमाई छो थी।

प्र. बोके 19:20

तोउं से खतरनाक जानवर त तेस जोई से झूठा भविष्य वक्ता बि टेइया, जे तेन्हि मेह्‍णु के समाणि होरे होरे निशाण हराल कइ भरमान्ताथ, जेन्हि पुठ तेस जानवरे छाप लगो थिए त जे तेसे मुर्तिपुजा कतेथ। ए दुहिए जीन्ते जी ईं तेस आगी टह्‌नु अन्तर फटाई छड़े, जे गन्धके बेलि जाती रेहन्ती।

प्र. बोके 2:11

कन खोल कइ शुणीण दिए कि शुची आत्मा सतसंगी जे की बोती। जे बि जीतते, तेन्हि दोके मरण केआं कोई नुकसान ना भुन्ता।”

प्र. बोके 2:17

कन खोल कइ शुणीण दिए कि शुची आत्मा सतसंगी जे की बोती। जे जीतते, तेन्के धे अउं तेन्हि रौठि देन्ता जे अमर जीवन देन्ती। होर तेन्के धे यक हच्छा घोड़ बि देन्ता, जेस पुठ यक नोउ नओं लिखो भुन्तु। तेस नओएं बारे होर कोई ना जाणता, सद सेईंया जाणता, जेस से मेता।”

प्र. बोके 2:29

कन खोल कइ शुणीण दिए कि शुची आत्मा सतसंगी जे की बोती।”

प्र. बोके 2:7

कन खोल कइ शुणीण दिए कि शुची आत्मा सतसंगी जे की बोती। जे बि जीतते, अउं तेन्के धे जीवने बुटे केआं फल खाण जे देन्ता, जे परमेश्वरे स्वर्गलोक अन्तर असा।”

प्र. बोके 20:10

तोउं तेन्हि भरमाणे बाड़ा शैतान आगी त गन्धकी तेस टह्‌नु अन्तर, जेस अन्तर से खतरनाक जानवर त झूठा भविष्य वक्ता बि भुन्ता, फटाई छड़े। तठि दन रात जुग जुग तकर से आग अन्तर टड़ते रेहन्ते त अविष्य भोई बिश्तु।

प्र. बोके 20:8

तोउं से धरती हर कना बसो तेन्हि जाति मतलब गोग त मागोग भरमाई कइ युद्ध करणे लिए कठेरण जे घेन्ता, जे समन्दरे रेते ईं अणगिणत असे।

प्र. बोके 3:13

कन खोल कइ शुणीण दिए कि शुची आत्मा सतसंगी जे की बोती।”

प्र. बोके 3:22

कन खोल कइ शुणीण दिए कि शुची आत्मा सतसंगी जे की बोती।”

प्र. बोके 3:6

कन खोल कइ शुणीण दिए कि शुची आत्मा सतसंगी जे की बोती।”

प्र. बोके 9:20

तोउं बि होरे मेह्‍णु, जे तेन्हि महामारी के बेलिए ना मरे, तेन्हि ना अपु कमी केआं मन बदले, होर ना तेन्हि दुष्ट आत्माई, सुन्ने चन्नी, पीतले, घोड़े त कठोड़े मुर्ति के पूजा करण छड़ दिते, जे ना हेर सकते, ना शुण सकते, ना हंट सकते।