1 तिमुथि 3:6 - Walangi

⁶ फि नोउआं विश्वासी ना भुण चहिए, किस कि ईं ना भुओ लौतु कि से रोभ किढ़ाल त शैताने ईं सज्जा मेईंयेल।

1 तिमुथि 3:6 Iomraidhean Croise

लूका 10:18

तेन तेन्हि जे बोलु, “मेईं शैतान स्वर्ग केआं बिजली ईं उणिहां जे झड़ता का।

1 कुरिन्थ 3:1

पर, ए में ट्यारेओ! पेहले पेहले मेईं तुसी जुए तेसे ईं बोक ना कइ बटी, जीं विश्वास अन्तर पक्के मेह्‍णु जुए बोक करिए लौती। बल्कि मेईं त तुसी जुए मठुड़ गभुर के ईं बोक की, किस कि तुस मसीह पुठ विश्वास करण अन्तर गभुर ईं थिए।

1 कुरिन्थ 8:1

आं, होरी यक बोक! भकत चढ़ो चीजे बारे असी पता असा कि “असी सोबी केईं ज्ञान असा”। एस ज्ञाने बेलि मेह्‍णु रोभ किढ़ते, पर परेमे बेलि सुहलियत भुन्ति।

2 कुरिन्थ 12:7

त स्वर्गे इन्हि खास दर्शणे बेलि रोभ न लाण जे जीं यक जिसम अन्तर कांटे पुड़णे चिड़ंगे ईं भुन्ति, तीं यक चिड़ंग मोउं मेओ असी। से यक शैताने दूत ईं असा, जे मोउं भुंजान्ता रेहन्ता त सुआ रोभ लाण केआं रोकता।

1 तिमुथि 3:7

विश्वासी मेह्‍णु छड़ दी कइ होरे मेह्‍णु के बुच बि मुखिये खरी इज्जत भो लौती। ई ना भुओ लौतु कि तेन्हि मेह्‍णु के चाथि के बझई जुए जीं जानवर जाल अन्तर फस कइ छूट ना बटते, तीं से बि शैताने जाल अन्तर फस घियेल।

1 तिमुथि 6:4

से मेह्‍णु चौड़ा भोई गो असा त तस अपफ पता नेईं कि से मेह्‍णु की की शिचालता। पर तस कुछ शब्द पुठ झगड़ीणे बीमारी लग गो असी, जेसे बेलि जड़ण, लड़ाई, बुरी बोक त होरी पुठ झूठा बेहेम पैदा भुन्ता।

2 तिमुथि 3:4

से ठग, फुर्तुआटा, त लूचे भुन्ते। से परमेश्वर जोई परेम करणे बदले अपु मौज मस्ती अन्तर बिशुण ज्यादा पसंद कते।

1 पतरस 2:2

होर नओएं जमो गभुर ईं तेस शुचे दुधे लाछ करे, जे तुं आत्माई लिए असु, ताकि तसे बेलि तुस बध बटियेल त बच घियेल।

1 पतरस 5:5

इहांणि, ए जवानों! तुस बि सतसंगे स्याणी के वश अन्तर बिशे। पर तुस सोब के सोब होरी केईआं अपफ जे घट समझे, किस कि धरमे कताब अन्तर लिखो असु कि “परमेश्वर घमण्डी के विरोध कता। पर जे अपफ जे घट समझते, तेन्हि पुठ दाह दया कता।”

2 पतरस 2:4

किस कि परमेश्वरे से स्वर्गेदूत न छड़े, जेन्हि पाप किओ थिए, बल्कि न्याय करणे रोज तकर से बन्हि कइ नर्के अन्हारे कुण्ड अन्तर छइ छड़े।

यहूदा 1:6

फि तुस तेन्हि स्वर्गेदूती के बि याद करे, जेन्हि परमेश्वरे दुतो अपु पद पुठ सुसुर ना बिश कइ, बगावत की। परमेश्वर से बि तेस न्याय करणे खतरनाक रोजे लिए अन्हारे अन्तर हमेशा हमेशा लिए बन्ह रखो असे।