1 तिमुथि 3:3 - Walangi

³ ना प्याकड़, ना कुटीण बाड़ा, ना झगड़ीण बाड़ा त ना लालची लौता, बल्कि से खरा लौता।

1 तिमुथि 3:3 Iomraidhean Croise

मत्ती 21:13

तोउं तेन्हि जे बोलु, “धरमे कताब अन्तर लिखो असु, ‘में गी प्रार्थना करणे गी बोलिन्तु; पर तुसी ए डाकु के कुड बणाई छओ असी।’”

प्रतिनिधि 20:33

मेईं केसेरी सुन्ने, चन्नी त झिणि के लालच न की।

रोमी 16:18

किस कि ईं मेह्‍णु हें मसीहे ना, पर अपु पेटे सेवा कते। होर चिकनी चुपड़ी बोकी बइ सिधे साधे मने मेह्‍णु बेहकाइ छते।

इफिसुस 5:18

त अराख पी पी अपु जिन्‍दगी खराब ना करे, पर शुची आत्माई मदते बेलि अपु जिन्‍दगी कटे।

1 थेस्सलु 5:14

ए भाई त भेणिओं! अस तुसी जे छनेअरे कते कि जे नकम्मे असे, तेन्हि समझाण दिए! डरो तेन्हि हिम्मत दिए! त जे कमजोर असे तेन्के मदत करे! त सोबी जुएई उई मी कइ बिशे!

1 तिमुथि 3:8

तीं सतसंग अन्तर जे सेवक भुन्ते से इज्जतदार लौते। से ढोंगी त प्याकड़ ना लौते, होर अपु फायदे लालची बि ना लौते।

2 तिमुथि 3:2

किस कि मेह्‍णु मतलबी, लोभी, रोभ किढ़णे बाड़े, घमण्डी, होरी के बुराई करणे बाड़े, अपु ईया बोउए केहणा ना मानणे बाड़े, खुदगर्ज, बेधर्मी बण घेन्ते।

तीतुस 1:11

तेन्हि चुप कराण जरूरी असु, किस कि ए अपु फायदा लिए जे शिक्षा गलत असी, तस शिचाल कइ सम्हाई के घर उजाड़ुण लगो असे।

तीतुस 1:7

किस कि जे सतसंगे मुखिया भुन्ते, से परमेश्वरे भण्डारी बणते। इस बझई जुए से दोषी ना लौते; ना हठि, ना उश्कोटे, ना प्याकड़, ना कुटीण बाड़े, होर ना अपु फायदे लालची लौते।

तीतुस 2:3

तीं स्याणी जिल्हाणु जे बोल कि तेन्के जीण त चाल चलण शुचे मेह्‍णु केईं लौतु; से दोष लाणे बाड़ी त प्याकड़ ना लौती, पर से अब्बल बोक शिचालणे बाड़ी लौती।

तीतुस 3:2

केसे जे बदनाम ना करे, होर ना झगड़ा करे। पर सोबी अब्बल गुण जुए सम्हाई मेह्‍णु जुए बिशे।

इब्रानी 13:5

होर तुं मन अन्तर केसे चीजी लाछ न लौती। जे किछ बि तुसी केईं असु तेस अन्तर खुश बिशे, किस कि परमेश्वरे अपफ बोलो असु, “अउं तुसी कदी छड़ ना देन्ता, होर ना तुसी कदी बिसरीन्‍ता।”

याकूब 4:1

तुसी अन्तर झगड़ीण मडीण कोढ़िआ आउ? तेन्हि बुरी इच्छाई के बेलि नेईं ना, जे तुं अन्तर लड़ाई कते रेहन्ते?

1 पतरस 5:2

तुस परमेश्वरे तेस सतसंगे, जेसे जिम्मेबारी तुसी मेओ असी, तसे सुसुर देखभाल करे। ई केसेरी दबाव अन्तर एई कइ ना करे, पर परमेश्वरे इच्छाई हेसाब जुए खुश भोई कइ करे। होर बुरी कमेई लिए न, बल्कि अपु मन लाई कइ करे।

2 पतरस 2:3

से लालची भुन्ते त अपु फायदे लिए फेशि लाई कइ तुसी ठगान्ते। पर तेन्के सज्जा परमेश्वरे पेहलाई शुणाई छो असी। तेस एणे देर नेईं भो, त तेन्के खातमा नेईं टलो।

यहूदा 1:11

एन्हि सुआ भयंकर सज्जा मेती, किस कि ए मेह्‍णुमार कैने ईं चाल हंटते, त रुपेई लोभ कर कइ बालामे ईं गलत कम कते। त से कोराहे ईं असे, जे बगावत कर कइ खतम भोई गा।

प्र. बोके 1:9

अउं यूहन्ना, विश्वास अन्तर तुं भाई त मसीह यीशु लिए दुख सीढ़ण अन्तर तुं ईं हेस्सेदार असा। होर तुं ईं परमेश्वरे राज्ये वारिस भुणे उम्मीद रखो असी। अउं परमेश्वरे वचन त यीशु मसीहे बारे उगाही देणे बझई जोई पतमस नओएं यक टापु अन्तर कैद थिआ।