1 तिमुथि 3:16 - Walangi

¹⁶ होर एथ अन्तर कोई शक नेईं कि हें विश्वासे नियोको बोक सुआ बोडी असी: यीशु मसीह मनख बण कइ जमा, शुची आत्माई तस धर्मी बोलु, तेन स्वर्गेदूती दर्शण दिते, त तेस बारे पूरी धरती पुठ प्रचार भुआ, धरती पुठ सुआ मेह्‍णु तेस पुठ विश्वास किआ, त परमेश्वर बोडी महिमा जुए तस स्वर्ग जे घिन गा।

1 तिमुथि 3:16 Iomraidhean Croise

मत्ती 1:23

तेन बोलो थिउ कि “हेरे! यक कुवांरी कुई गभुरवाल भुन्ति त यक कुआ जमाणती त तेस नओं इम्मानुएल रखते” जेसे मतलब असा कि “परमेश्वर असी जोई साते असा।”

मत्ती 13:11

तेन बोलु, “तुन्धे स्वर्गे राज्ये नियको बोके समझणे बुद्धि दुतो असी, पर तेन्हि नेईं।

मत्ती 28:2

त अजगता यक बोडा भुंजल गा, स्वर्ग केआं प्रभु यक दूत आ, कुडे मुंहे पठ उघाड़ कइ तेस पुठ बिश गा।

मत्ती 3:16

तोउं यीशु चुसी कइ झट पोण अन्तरा बाहर एई गा। त तसे पुठे अम्बर पूरा खुल गा। तोउं तेन परमेश्वरे आत्मा अलणी वेश अन्तर अपु पुठे एन्ते काई।

मत्ती 4:11

तोउं शैतान तठिआ नश गा, त स्वर्गेदूत एई कइ यीशु सेवा करण लग गे।

मरकुस 1:13

अरुणि धार अन्तर शैताने चढ़ी रोज तकर से लचेरा; त से बण जीवी जोई बिशा, त स्वर्गेदूत तसे सेवा कते रिहे।

मरकुस 16:19

प्रभु यीशु तेन्हि जुए बोक करणे पता परमेश्वरे से स्वर्ग जे नी छड़ा, जेठि से परमेश्वरे देहणा कना सुआ इज्जते जगाई बिशा।

मरकुस 16:5

त से कब्र अन्तर घेई गई। तठि तेन्हि यक हच्छे झिणे डबो जवान सुमले कना बिशो काआ, त से सुआ हैरान भोई गई।

लूका 2:32

से यक टगड़ियारी ईं होर जाति मेह्‍णु परमेश्वर हरालता, त तें प्रजा इस्राएली के शान बणता।”

लूका 20:44

“दाऊद त तस जे प्रभु बोता त फि से तसे कुआ कीं भुआ?”

लूका 22:43

तपल परमेश्वरे यक स्वर्गेदूत तस केईं लंघा जेन तसे धे ताकत त हिम्मत दिती।

लूका 24:4

त जपल से हैरान भोई कइ सोचुण लगी त हेरु कि दुई मेह्‍णु चिल-चिलान्ते झिणे डबो तेन्के भेएड़ खड़िए।

लूका 24:51

तेन्हि अशुश देन्ते देन्ते से तेन्के टीरी के उलाठ घेई गा त परमेश्वरे से स्वर्ग जे नेण ला।

यूहन्ना 1:14

जे शब्द असा से मनखे रूप नी कइ असी बुच रेहा। यूहन्ना बि तसे बारे ईं उगाह दी कइ जोरी जुए बोलु “ए सेईंया भो, जेस बारे मेईं बोलो थी कि जे में पता एन्ता से मोउं केआं बि बोडा असा, किस कि मोउं जमुण केआं पेहले ईं से थिआ।” असी अपफ परमेश्वरे इकलौते कोईये महिमा काई छो असी जे परमपिता परमेश्वर केईआं अओ असा। तेन असी परमेश्वरे पूरी दाह हरालो असी त परमेश्वरे सच्चाई असी जे बोलो असी।

यूहन्ना 13:3

यीशु पूरे ज्ञान जुए कि बोउए सम्हाई कुछ पुठ तसे धे हक दुतो असा त से परमेश्वर केआं अओ असा त तस केईं घेन्ता,

यूहन्ना 15:26

पर जपल से मदत करणे बाड़ा एईयाल जेन अउं तुसी केईं लंघान्ता, मतलब, सच्चा परमेश्वरे आत्मा जे बोउ केआं एन्ती, से में बारे उगाही देन्त।

यूहन्ना 16:28

अउं बोउ केआं निस कइ धरती पुठ जे अओ असा, त फिर धरती छड़ कइ बोउ केईं घेन्ता।”

यूहन्ना 17:5

त बोउआ, अभेईं तुस बि धरती बणाणे पेहले तुसी जोई जे में शान थी, तस दुबारी मेन्धे दिए।”

यूहन्ना 20:12

त हेरु कि दुई स्वर्गेदूत हच्छे चमकिले झिणे लाई कइ जेठि यीशु लाश रखो थी तठि बिशो असे। यक मगिरि कना त होरा तसे खुरे कना

यूहन्ना 6:62

त अगर तुस मनखे कुआ, मतलब मोउं अपु पेहले जगाई, जे स्वर्ग असा ता जे घेणे केईयेल त तुं हाल कीं भुन्ता?

प्रतिनिधि 1:19

यरुशलेमे सोबी मेह्‍णु एस बोकी बारे पता लग गा। तोउं त, तेस बगे नओं तेन्हि अपु भाषा अन्तर ‘हकलदमा’ मतलब ‘लहुए बग’ रखु।)

प्रतिनिधि 10:34

तोउं पतरस बोलुण लगा, “अब मोउं सुसुर समझ आउ कि परमेश्वर केसे जोई केहर-बेहर न कता।

प्रतिनिधि 14:27

तठि पूज कइ तेन्हि सतसंगी के सभा की त बोलु कि परमेश्वरे तेन्हि जोई साते बिश कइ की की कम किए, त कीं कर कइ गैर यहूदी मेह्‍णु जे विश्वासे दुआर खोल छड़े।

प्रतिनिधि 20:28

तोउं त, तुस अपु त परमेश्वरे तेस दले चौकसी करे जे शुची आत्माई तु जिम्म छो असी। तुस परमेश्वरे सतसंगे गुआले ईं देखभाल करे, किस कि तेन ए अपु कोईया लहुए बइ खरीदो असे।

रोमी 10:12

यहूदी त गैर यहूदी मेह्‍णु अन्तर कोई केहर-बेहर नेईं, किस कि यीशु सोबी के प्रभु भो त जे बि तसे नओं नी कइ प्रार्थना कते, तेन्हि सोबी जे से खुल कइ अशुश देन्ता।

रोमी 10:18

पर मोखयाल कोउं जेईं पुछाल, कि मेह्‍णु सच्चे तसे समाचार न शुणा ना? अउं बोता कि तेन्हि जरूर शुणो असा; किस कि धरमे कताब अन्तर लिखो असु, “शुणाणे बाड़ी के बोके पूरे धरती पुठ, होर तेन्के समाचार धरती यक मुख केईआं होर मुख तकर पूज गो असा।”

रोमी 16:25

अभेईं जे तुसी में खुश खबरी त यीशु मसीहे समाचारे हेसाब जोई विश्वास अन्तर पक्का कइ बटता, तेस परमेश्वरे महिमा लौती भो। ए खुश खबरी से बोक भो, जे जुग जुग केआं नियोको थी।

रोमी 16:26

पर अब तसे भिहो खुल गो असा। भविष्य वक्ती के लिखो बोकी के बेलि, परमपिता परमेश्वरे निआंगी बइ एसे बारे अब हर जाति मेह्‍णु बिच प्रचार भुओ असा, ताकि सोब जेईं तस पुठ विश्वास कर कइ मानियेल।

रोमी 3:4

कदी ना! चहे सोब मेह्‍णु झूठे बणियेल, पर परमेश्वर हमेशा सच्चा असा, जीं कि धरमे कताब अन्तर लिखो असु, “ताकि तु अपु बोकी अन्तर धर्मी बणाल, होर न्याय कते टेम तु हमेशा जीताल।”

रोमी 8:3

किस कि नियमे जे कम असी कमजोर भोई कइ कर ना बटे, से परमेश्वरे किए। ई करण जे तेन अपु कुआ हें ईं मनखे जिसम अन्तर लंघा, ताकि से हें पापे लिए भकत चढ़ियेल। तीं कर कइ परमेश्वरे जिसम पुठ पापे सज्जा दिती,

रोमी 9:5

से महान पुरखे बि तेन्केरी भो, होर मसीह बि जिसमे हिसाब जोई तेन्हि अन्तरा भुआ। तेन्हि सोबी के अधिकारी परमेश्वर भो। तसे जइ जुग जुग तकर भुन्ति रिहे! आमीन!

1 कुरिन्थ 15:47

परमेश्वरे पेहला मेह्‍णु धरती जने बइ बड़ा त दोका मेह्‍णु यीशु मसीह स्वर्ग केआं अओ असा।

1 कुरिन्थ 2:7

पर अस परमेश्वरे नियोको बुद्धि बारे बोके कते। से नियोको बोक ई असी कि तेन भुमण त धरती बणुण केआं पेहलाई असी इज्जत देण जे ठीक किओ थी।

2 कुरिन्थ 1:19

होर परमेश्वरे कुआ यीशु मसीह हमेशा यकीन लेएक असा, जेसे बारे अउं पौलुस, सिलवानुस त तिमुथियुस तुं बुच प्रचार किओ असा। से कदी झूठ ना बोता।

गलाती 4:4

पर जपल परमेश्वरे ठीक किओ टेम आ त तेन अपु कुआ लंघा, जे जिल्हाणु बेलि यक यहूदी टब्बर अन्तर जमा त नियमे वश अन्तर रेहा।

इफिसुस 1:9

तेनि अपु खरे विचार जुए जे सोब ब्योरा मसीह अन्तर किओ थिआ, से सोब नियोको बोके असी जे बोली,

इफिसुस 6:19

खास कइ मोउं जे दुआ करे कि जपल बि मोउं मसीहे बारे बोलुणे मौका मेआल, त अउं पूरे हिम्मत जुए खुश खबरी अन्तर जे परमेश्वरे नियोको योजना असी, तस बोल बटुं।

कुलोसी 1:23

ई तपल भोई सकतु जपल तुस अपु विश्वास जब्बर टाइ रख कइ टिग बिश्ते त खुश खबरी अन्तर, जेस उम्मीदे बारे तुसी शुणो असु तस कदी ना छते। एस खुश खबरी सोबी मेह्‍णु के अगर प्रचार भुण लगो असा त अउं पौलुस असे प्रचार करण जे सेवक बणो असा।

कुलोसी 1:27

तेन चहु कि शुचे मेह्‍णु ई पता लगो लौता कि तसे खुश खबरी अन्तर जे नियको बोक असी, से सम्हाई मेह्‍णु जे कती बोडी फायदा बाड़ी असी। से बोक ई असी कि मसीह हें अन्तर बिश्ता त तसे बेलि ईं अस सम्हाई परमेश्वरे हकदार बणो असे।

कुलोसी 1:6

खुश खबरी बेलिए जीं पूरे धरती अन्तर मेह्‍णु अपु अपु जीण बदलाण लगो असे, तीं जपल केआं खड़ी तुसी खुश खबरी पुठ विश्वास किओ असा, तुं जीण बि बदलीण लगो असु, किस की तुसी परमेश्वरे सच्ची कृपादृष्टि पिछाणो असी।

कुलोसी 2:2

ताकि तुसी हिम्मत मेईंयेल, त तुं मन अपफ बुच परेम जुए जुड़ घियेल त परमेश्वरे नियको योजना जे मसीह अपफ भो, तसे बारे सुसुर पता लगणे बेलि तुस विश्वास अन्तर टिग घियेल।

2 थेस्सलु 1:10

ईं तिखेईं भुन्तु जिखेईं से अपु शुचे मेह्‍णु केआं महिमा त सम्हाई विश्वासी केआं इज्जत पाण जे एन्ता। जेन्हि बुच तुस बि भुन्ते, किस कि तुसी हें उगाही पुठ विश्वास किआ।

2 थेस्सलु 2:7

किस कि तेस कलंकी नियको शक्ति अभेईं बि कम करण लगो असी; पर अभेईं यक रोकणे बाड़ा असा त तपल तकर से कलंकी हें बुच ना एई बटता, जपल तकर कि से रोकणे बाड़ा हें बुचा बाहर ना घेई घियाल।

1 तिमुथि 3:9

पर परमेश्वरे दुतो विश्वासे सच्चा वचन अपु अन्तरात्मा अन्तर रखणे बाड़े लौते।

इब्रानी 1:3

सेईंए कुआ परमेश्वरे गुणे त सभावे यकी दुई असा, त से तसे पूरी महिमाईं बेलि चिलकता। से अपु बोकी के ताकते बेलि पूरा भुमण सुसुर रखता। होर, जपल तेन मेह्‍णु के पाप माफ करणे बथ बणाई छड़ी त से घेई कइ परमेश्वरे देहणा कना, बोडे इज्जते बाड़ी तेस जगाई बिशा।

इब्रानी 12:2

होर चले, हें विश्वासे मालिक त हें विश्वास सिद्ध करणे बाड़ा, तेस यीशु मसीह पुठ अस अपु नजर टगाई रखते। तेन तेस खुशी लिए जे तसे अगर थी, लजीणे कोई परवाह न कर कइ क्रूस पुठ मर गा त अब परमेश्वरे सिंहासने देहणा कना इज्जते बाड़ी जगाई घेई बिशा।

इब्रानी 7:7

असी पता असा कि बोडी केईआं मठड़ी अशुश मेती।

इब्रानी 8:1

अब जे बोके अस तुसी बताण लगो असे, तेन्हि अन्तर सोबी केईआं बोडी बोक ई असी कि यीशु हें यके ईं बोडा पुजारा असा, जे स्वर्ग पुठ परमेश्वरे सिंहासने देहणा कना घेई बिशो असा।

1 पतरस 1:12

अभेईं जे बोक स्वर्ग केईआं लंघो शुची आत्माई बेलि खुश खबरी शुणाणे बाड़े तुसी शुणाई छो असी, से परमेश्वरे तेन्हि भविष्य वक्ती हरालो थी कि तेन्हि ए सोब बोके अपफ जे ना बल्कि तुं लिए बोलो थी। होर इन्हि बोकी के स्वर्गेदूत बि ध्यान जोई हेरणे लाछ कते।

1 पतरस 1:20

एस कमे लिए परमेश्वरे मसीह भुमण बणुण केआं पेहलाई चुणो थिआ, पर तुं भलाई लिए अब इस अखिरि जुग अन्तर से प्रकट किआ।

1 पतरस 1:21

तसे बेलिए तुस तेस परमेश्वर पुठ विश्वास कते, जेन से मरो तेन्हि अन्तरा जीआ त सुआ इज्जत दिती, ताकि तुं विश्वास त उम्मीद परमेश्वर पुठ भो।

1 पतरस 3:18

किस कि मसीह बि सोबी के पापे लिए यक लिंग मर गा। एसे मतलब असा कि अधर्मी के लिए धर्मी मेह्‍णु मर गा, ताकि असी परमेश्वर केईं पुजाल। जिसमे हेसाब जोई त मेह्‍णु मसीह मार छड़ा, पर आत्माई बेलि परमेश्वरे से दुबारी जीआई छड़ा।

1 पतरस 3:22

यीशु अब स्वर्ग अन्तर घेई कइ परमेश्वरे देहणा कना सुआ इज्जते जगाई बिश गो असा। त सोब स्वर्गेदूत, सोब अधिकार त सोब ताकतवर दुष्ट आत्मा तसे वश अन्तर असी।

1 यूहन्ना 3:5

तुसी पता असा कि मसीह हें पाप नेण जे इस धरती पुठ आ। होर तसे अन्तर कोई पाप नेईं।

1 यूहन्ना 3:8

जे कोउं पाप कता, से शैताने गभुर भो, किस कि शैतान शुरुवात केआं पाप कते अओ असा। परमेश्वरे कुआ तोउं आ ताकि से शैताने कमी के खातमा करियाल।

प्र. बोके 17:5

तसे मगिर पुठ यक राजे बाड़ु नओं लिखो थिउ: “महान बेबीलोन, धरती वेश्याई त सोबी नलाज्जे कमी के ई भो।”

प्र. बोके 17:7

त तेन स्वर्गेदूते मोउं जे बोलु, “तु हैरान किस भुण लगो असा? अउं तोउ एस जिल्हाणु त जेस पुठ ए सवार भुओ असी, एस खतरनाक जानवरे राज बि बतान्ता, जेसे सत मगरी त दस शंग असे।”

प्र. बोके 7:9

तढ़िया पता मेईं नजर घुमाई त हेरु, हर यक देश, जाति, ऊड़ी, त भाषा अन्तरा यक अत बोडा हुसुड़ा, जेस कोई गिण ना बटताथ, हच्छे झिणे लाई कइ त अपु हतेउ अन्तर बुटे डाई घिन कइ सिंहासने समाणि त किएऊ समाणि खड़ खड़ असे।