1 तिमुथि 3:10 - Walangi

¹⁰ इन्हि सेवकी बि पेहले परखुण जरूरी असु। तोउं अगर नरदोष मेईंयेल त से सतसंगे सेवक बणाण।

1 तिमुथि 3:10 Iomraidhean Croise

1 कुरिन्थ 1:8

परमेश्वर तुसी अखिरि टेम तकर मतलब कि हें प्रभु यीशु मसीहे दुबारी एणे रोज तकर नरदोष रखता।

कुलोसी 1:22

तोउं बि अभेईं तेन मसीहे जिसम अन्तर मरणे बेलि अपफ जुए दुबारी मिआ, ताकि तेन तुस शुचे त बजन कोई दोषे त ना कोई दाग धब्बे बणाई कइ अपफ जे तेयार करियाल।

1 तिमुथि 3:13

किस कि जे सेवके कम सुसुर कते तेन्हि खरी इज्जत मेती त यीशु मसीह पुठ जे विश्वास असा तस बोलुण जे बि सुआ हिम्मत मेती।

1 तिमुथि 3:2

त इ जरूरी असु कि मुखिया दोषी ना लौता, त यके जुएली धाणि लौता, फर्तुआटा ना लौता, मेह्‍णु जुए सुसुर बिशणे बाड़ा लौता, जेसे मेह्‍णु इज्जत कते। से सेवा पाणि करणे बाड़ा लौता त बधिया शिचालणे बाड़ा लौता।

1 तिमुथि 3:6

फि नोउआं विश्वासी ना भुण चहिए, किस कि ईं ना भुओ लौतु कि से रोभ किढ़ाल त शैताने ईं सज्जा मेईंयेल।

1 तिमुथि 5:22

बगैर परखणे केसे मेह्‍णु मुखिया बणाण जे झट हथ ना रख। होरी पाप अन्तर सात ना दे, पर अपफ जे शुचा रख।

1 यूहन्ना 4:1

ए ट्यारेओ! हर यक जेईं पुठ विश्वास ना करे जे ईं बोते कि शुची आत्मा हें अन्तर असी। पर तेन्हि परखिण दिए कि से परमेश्वरे कनारा असे कि नेईं, किस कि मतोक अन्तर सुआ झूठे भविष्य वक्ता बणो असे।