1 तिमुथि 2:8 - Walangi

⁸ तोउं त अउं चहन्ता कि तुस जेस जगाई बि सतसंग कते त सम्हाई मड़द अपु शुचे हथ खड़ियेर कइ प्रार्थना त दुआ करे। त ईं ख्याल रखे की तुं जिन्‍दगी परमेश्वरे लेएक असी, त तुं बुच लेहरीण त कोई झगड़ा भेएड़ा नेईं।

1 तिमुथि 2:8 Iomraidhean Croise

मत्ती 21:21

यीशु तेन्हि जे बोलु, “अउं तुसी जे बोता, अगर तुस विश्वास रखियेल, होर धिखुभई बि शक न करियेल त जीं मेईं इस अंजीरे बुटे जोई किउ, तीं तुस बि कइ सकते। पक्का विश्वास रख कइ अगर तुस इस फाट जे बि बोलियेल कि उखिड़ कइ समन्दर अन्तर गा, त तीं भोई घेन्तु।

मत्ती 5:44

पर अउं तुसी जे बोता अपु दुश्माण जोई परेम रखे त अपु भुंजाणे बाड़ी जे प्रार्थना करे,

मत्ती 6:12

जीं अस अपु कसुरवार माफ कते, तिहांणि तुस बि हें पाप माफ करे।

लूका 23:34

तिखेईं यीशु बोलु, “बोउआ, अन्हि माफ कर। किस कि एन्हि नेईं पता कि ए यक मासूम मरण लगो असे।” त तेन्हि सपाही लखिर छइ कइ तसे झिणे बांट छड़े।

लूका 24:50

तोउं कुछ रोज पता से तेन्हि बैतनिया ग्रां सोंख यरुशलेम केआं बाहर घिन गा त अपु हतेउ खड़ कइ कइ तेन्हि अशुश दिती।

यूहन्ना 4:21

यीशु बोलु, “भिलिआ! में बोक मान कि से टेम एण लगो असा, जपल मेह्‍णु परमपिता परमेश्वरे पूजा ना त इस फाटे चोटि पुठ होर ना यरुशलेम अन्तर कते।

प्रतिनिधि 10:2

से परमेश्वरे भक्त थिआ, होर तसे अपु पूरे टब्बरा परमेश्वर हेर डरताथ। से मेह्‍णु कें धे खुल कइ दान दक्षिणा देन्ताथ, त हर घड़ी परमेश्वरे प्रार्थना कताथ।

प्रतिनिधि 10:31

त बोलुण लगा, ‘ए कुर्नेलियुस! परमेश्वरे तें प्रार्थना शुण छइ त तें दान तेन याद किओ असे।

प्रतिनिधि 10:4

तेन तसे धे हेरु त डर कइ बोलु, “ए प्रभु! की भु?” स्वर्गेदूते तेस जे बोलु, “तें प्रार्थना त दान परमेश्वरे याद किओ असे।

प्रतिनिधि 21:5

तठिआ घेणे टेम जपल आ, त अस तठिआ घेण लगे। होर तेन्हि सोबी जेईं, जुएली त गभुरु समेत अस शेहर केआं बाहर तकर पुजाए। तोउं असी औत पुठ उटेऊ बिश कइ प्रार्थना की।

प्रतिनिधि 7:60

तोउं तेन उटेऊ बिश कइ जोरी जोई बोलु, “ए प्रभु, इस पाप अन्हि पुठ ना ला।” होर ईं बोल कइ से मर गा।

1 कुरिन्थ 7:7

अउं त चहन्ता कि सोब मेह्‍णु में ईं छड़े बिशे। पर हर यक जेईं परमेश्वरे कनारा अपु अपु खास वरदान मेओ असा। केसे जे छड़े बिशणे त केसे जे ब्याह करणे।

2 कुरिन्थ 2:14

पर परमेश्वरे जइ करे कि से हमेशा असी जीं जीतणे बाड़ी के हसुड़े जुओई मिआई कइ नेन्ता। से होरी के बुछ यक अब्बल मुश्क ईं मसीहे ज्ञान बांटण जे हें मदत कता।

फिलिप्पी 1:12

ए ट्यारेओ, अउं चहन्ता कि तुस जाणे कि बेशक मोउं पुठ ई सोब आफत एई, तोउं बि एन्हि आफती बेलि खरा फल मेईंया, किस कि तसे बेलि सुआ मेह्‍णु यीशु मसीह बारे खुश खबरी शुण बटी।

1 थेस्सलु 1:8

किस कि तुसी केईआं परमेश्वरे वचन अभेईं ना सद मकिदुनिया त अखया इलाके अन्तर प्रचार भुण लगो असा, बल्कि तस केआं बाहर बि भुण लगो असा। त जेठि जेठि बि अस घेन्ते, तठि मेह्‍णु परमेश्वर पुठ तुं विश्वासे बारे बोके कते। असी कुछ बि बोलुण ना एन्तु।

1 तिमुथि 5:14

तोउं त अउं इ चहन्ता कि जे जवान विधवा असी, से होरा ब्याह करे। तेन्हि गभुर जमाणण त गीहे ख्याल रखण लौता, ताकि मसीहे केसे दुश्माण असी बदनाम करणे मौका ना मेईंयाल।

तीतुस 3:8

ए त सोबी मानणे बाड़ी बोक असी त अउं बि चहन्ता कि तु ई सोब बोके बारे पूरे जोर जुए बोले। इसे बेलि जेन्हि परमेश्वर पुठ विश्वास किओ असा, से खरे खरे कम करणे मन रखते। ए सोब बोके खरी असी त मेह्‍णु फायदे लिए असी।

इब्रानी 10:22

त फि एईए! अस सच्चे मन जुए, त परमेश्वर पुठ पूरा विश्वास कर कइ तसे भेएड़ घेन्ते, ताकि यीशु मसीहे लहुए छीटी बेलि अपु अन्तरात्माई दोष दूर भोई बटियेल। होर अस अपु जिसम शुचा करण जे शुद्धे पुओणि बइ धुन्ते।

याकूब 4:8

परमेश्वरे भेएड़ एईए, त से बि तुं भेएड़ एन्ता। ए पापी मेह्‍णुओ! बुरे कम करण छड़ दिए। त ए दुमने मेह्‍णुओ! अपु मन शुचा करे।

1 पतरस 3:7

तिहांणि, ए मेह्‍णुओ! तुस बि अक्लदारी जुए अपु अपु जुएली जोई साते जिन्‍दगी बिताण दिए किस कि से तुं ई ताकतवर नेईं। होर तुस तेन्के इज्जत करे ताकि परमेश्वरे दाहे बेलि तेन्हि बि तुसी जोई साते अमर जीवने वरदान मेईंयेल। तोउं तुं हर यक प्रार्थनाई जवाब मेईंयाल।