1 तिमुथि 2:7 - Walangi

⁷ अउं सच बोता कि इस बझई जुए ईं अउं प्रचारक, त यीशु मसीहे प्रतिनिधि बणो असा। परमेश्वरे अउं होरे जाति मेह्‍णु जे सच्चाई त विश्वासे शिक्षा देण जे नियुक्त किओ असा। ए बोक झूठ नेईं।

1 तिमुथि 2:7 Iomraidhean Croise

यूहन्ना 7:35

त यहूदी नेते अपफ बुच बोलुण लगे, “ए को घेन्ता जे अस एस तोप ना बटते? कि ए तेन्हि यहूदी मेह्‍णु केईं घेन्ता, जे गैर यहूदी इलाके अन्तर बिश्ते त गैर यहूदी मेह्‍णु जे शिचालता?

प्रतिनिधि 14:27

तठि पूज कइ तेन्हि सतसंगी के सभा की त बोलु कि परमेश्वरे तेन्हि जोई साते बिश कइ की की कम किए, त कीं कर कइ गैर यहूदी मेह्‍णु जे विश्वासे दुआर खोल छड़े।

प्रतिनिधि 22:21

“पर प्रभु मोउं जे निआंग दी कइ बोलु, ‘गा, अउं तोउ गैर यहूदी मेह्‍णु केईं दूर दूर लंघान्ता।’”

प्रतिनिधि 26:20

पर मेईं सोबी केआं पेहले दमिश्क शेहर अन्तर, फि यरुशलेम शेहर अन्तर, तोउं यहूदिया राज्य अन्तर त गैर यहूदी मेह्‍णु बुछ बि प्रचार किआ कि अपु अपु मन बदिल कइ परमेश्वरे कना जे खिरकाए।

प्रतिनिधि 9:15

पर प्रभु तेस जे बोलु, “तु घेण दे; किस कि से त में चुणो भो, ताकि से में नओएं गैर यहूदी, राजी त इस्राएली मेह्‍णु के सामणि प्रचार करियाल।

रोमी 1:9

जेस परमेश्वरे सेवा अउं पूरे मन जोई तसे कोईया खुश खबरी प्रचार करणे बेलि कता, सेईंए में उगाह असा कि अउं दन रात अपु प्रार्थना अन्तर तुसी याद कता रेहन्ता।

रोमी 10:14

पर जेस पुठ तेन्हि विश्वास ना किआ, से तसे नओं नी कइ कीं प्रार्थना कते? होर जेसे बारे तेन्हि कदी शुणोरु नेईं, तेस पुठ कीं विश्वास कते? होर से शुणते बि कीं, अगर कोई शुणाणे बाड़ा ई ना भोल?

रोमी 11:13

अब अउं तुसी गैर यहूदी मेह्‍णु जे बोता। जपल तकर परमेश्वर अउं गैर यहूदी मेह्‍णु के लिए मसीहे प्रतिनिधि बणाओ असा, तपल तकर अउं अपु सेवाई कमे रोभ लान्ता,

रोमी 9:1

अउं जे बोलुण लगो असा, से सच्चु असु। अउं झूठ नेईं बोलुण लगो किस कि अउं मसीहे चेला भिन्थ, होर शुची आत्मा में उगाह असी।

1 कुरिन्थ 9:1

त ए ट्यारेओ! अउं कि परमेश्वरे प्रतिनिधि ना भो ना? मोउं केईं कि किछ हक नेईं ना? मेईं बि हें प्रभु यीशु मसीह काओ असा। त में कम करणे बेलिए ईं तुसी प्रभु पुठ विश्वास किआ।

2 कुरिन्थ 11:31

जे हमेशा धन्य असा, से परमपिता परमेश्वर त प्रभु यीशु बोउ जाणता कि अउं झूठ ना बोता।

गलाती 1:20

ई जे बोक अउं लिखुण लगो असा, ए झूठ नेईं। परमेश्वर में उगाह असा।

गलाती 2:9

त मोउं जे परमेश्वरे दुतो कम समझ कइ याकूब, पतरस त यूहन्ना, जे यरुशलेम शेहरे सतसंगे खास मुखिया थिए, बर्नबास त मोउं खुश खबरी प्रचार अन्तर अपु साथी माने त बोलु कि “तुस गैर यहूदी बुच घिए त अस यहूदी बुच घेन्ते।”

गलाती 3:9

तोउं त, जे बि अब्राहमे ईं परमेश्वर पुठ विश्वास कता, तस अब्राहमे सम्हाई अशुश मेती।

2 तिमुथि 1:11

त परमेश्वरे इसे प्रचार करण त मेह्‍णु शिचालण जे अउं प्रतिनिधि बणा।

2 पतरस 2:5

होर नूहे जमाने मेह्‍णु बि ना छड़े। परमेश्वरे दुष्ट मेह्‍णु पुठ दाह ना की, बल्कि तेन धरती पुठ बाढ़ लंघाई कइ सोब मेह्‍णु खतम किए। पर तेन धरमे कमी के प्रचार करणे बाड़ा नूहे दी सद अठ मेह्‍णु बचाए।