1 तिमुथि 2:6 - Walangi

⁶ तेन अपफ अपु मर्जी जुए अपु जान दी कइ सोबी बचाणे मुल दिता। होर इसे बेलि ए बि साबित भुआ कि परमेश्वर सच्चे बि मेह्‍णु बचाण चहन्ता, जे तेन अपु ठीक किओ टेम पुठ हरालु।

1 तिमुथि 2:6 Iomraidhean Croise

मत्ती 20:28

किस कि अउं मनखे कुआ बि तोउं नेईं अओ कि में सेवा करेउं। अउं तोउं अओ असा कि होरी के सेवा करुं। त सोबी मेह्‍णु पापे सज्जाई केआं बचाणे लिए अपु प्राण दिउं।”

मरकुस 1:15

त बोलु, “टेम पूरा भोई गा त परमेश्वरे राज्य नीड़ा एई गो असा। अपु अपु पाप केआं मन बदलीण दिए त खुश खबरी पुठ विश्वास कर कइ बच घिए।”

मरकुस 10:45

किस कि अउं मनखे कुआ तोउं नेईं अओ कि में सेवा करेउं। अउं तोउं अओ असा कि होरी के सेवा करुं, त सोबी मेह्‍णु पापे सज्जाई केआं बचाणे लिए अपु प्राण दिउं।”

यूहन्ना 6:51

जीवन देण बाड़ी रौठि जे स्वर्ग केआं ओ असी, से अउं भो। अगर कोई इस रौठि खाआल, त से अमर जीवन जीन्ता। जे रौठि अउं मेह्‍णु कें धे देन्ता, से में मास भो।”

रोमी 16:26

पर अब तसे भिहो खुल गो असा। भविष्य वक्ती के लिखो बोकी के बेलि, परमपिता परमेश्वरे निआंगी बइ एसे बारे अब हर जाति मेह्‍णु बिच प्रचार भुओ असा, ताकि सोब जेईं तस पुठ विश्वास कर कइ मानियेल।

रोमी 5:6

किस कि जपल अस अपफ बचाण जे कमजोरे थिए, परमेश्वरे ठीक किओ टेम पुठ मसीहे एई कइ असी सोबी अधर्मी मेह्‍णु जे अपु जान दिती।

1 कुरिन्थ 1:6

एसे बेलि तेन ई हराल छड़ु कि हें प्रभु यीशु मसीहे बारे जे उगाही असी दुतो थी, से यकदम सही असी।

2 कुरिन्थ 5:21

किस कि तेन कदी पाप नेओथ किओ, से हें खातिर ईं यक पापी ईं बणा, ताकि तेस पुठ विश्वास करणे बेलि अस परमेश्वरे अगर धर्मी बणियेल।

गलाती 1:4

यीशु मसीहे हें पापी के लिए अपफ भकत दिती ताकि हें परमपिता परमेश्वरे इच्छाई मुताविक इस पापी मतोक केआं असी बचाल।

गलाती 4:4

पर जपल परमेश्वरे ठीक किओ टेम आ त तेन अपु कुआ लंघा, जे जिल्हाणु बेलि यक यहूदी टब्बर अन्तर जमा त नियमे वश अन्तर रेहा।

इफिसुस 1:17

अउं प्रार्थना कता कि हें त प्रभु यीशु मसीह परमपिता, जेसे शाने कोई बराबरी नेईं, तुं मन त अक्ल खोल दिए कि तुस तेसे ज्ञान अन्तर हउ बि बधीण दिए।

इफिसुस 1:7

तेन यीशु मसीहे जान देणे बेलि अस बचाए, मतलब कि तेन अपु बोडी दाह जुए हें पाप श्राप माफ कइ छड़े।

इफिसुस 3:5

परमेश्वरे ई नियको सच्चाई होर जुगे मेह्‍णु कें धे नेओथ दुतो, पर अभेईं परमेश्वरे आत्माई शुचे प्रतिनिधि त भविष्य वक्ती जे बोलो असु।

इफिसुस 5:2

जीं मसीहे किओ थिउ, तीं तुस बि अपु जीण अन्तर होरी जे परेम हराले। तेन असी जोई परेम किआ, त जेन भकती बइ परमेश्वर खुश भोई घेन्ता, अपफ तीं यक अब्बल भकत बण कइ से असी जे चढ़िआ।

2 थेस्सलु 1:10

ईं तिखेईं भुन्तु जिखेईं से अपु शुचे मेह्‍णु केआं महिमा त सम्हाई विश्वासी केआं इज्जत पाण जे एन्ता। जेन्हि बुच तुस बि भुन्ते, किस कि तुसी हें उगाही पुठ विश्वास किआ।

1 तिमुथि 6:15

परमेश्वर अपु ठीक किओ टेम पुठ प्रभु यीशु दुबारी लंघान्ता। किस कि से परमधन्य असा, सद यके राजा असा, सेईंए राजी के राजा, त प्रभु के प्रभु असा,

2 तिमुथि 1:8

तोउं त हें प्रभु बारे उगाही देण केआं त अउं जे तसे कैदी असा, असी केआं ना लजीण। पर परमेश्वर जे शक्ति देन्ता तेसे बेलि खुश खबरी प्रचार करण अन्तर मोउं जुए कष्ट सेह।

तीतुस 1:3

अब ठीक टेम पुठ तेन अपु बोक मेह्‍णु के सामणि अण्हती, जेसे सम्हाई के अगर प्रचार करण जे परमेश्वरे मोउं जिम्मा दुतो असा।

तीतुस 2:14

तेन अपु जिन्‍दगी हें लिए भकत दिती, ताकि अस सम्हाई पाप केआं छुड़कियेल त शुचे भोई कइ तसे यक टज बणियेल जे खरे खरे कम करण जे तेयार असे।

1 पतरस 2:24

तेन अपफ हें सोब पाप अपु जिसम पुठ घिन कइ क्रूस पुठ चढ़ गा, जेसे बेलिए अस पाप करण जे मरो तेन्के ईं भोई गे ताकि धरमे लिए जिन्‍दगी जीएल; तसेरी मार खाणे बेलिए तुस ठीक भुओ असे।

1 पतरस 3:18

किस कि मसीह बि सोबी के पापे लिए यक लिंग मर गा। एसे मतलब असा कि अधर्मी के लिए धर्मी मेह्‍णु मर गा, ताकि असी परमेश्वर केईं पुजाल। जिसमे हेसाब जोई त मेह्‍णु मसीह मार छड़ा, पर आत्माई बेलि परमेश्वरे से दुबारी जीआई छड़ा।

1 यूहन्ना 4:10

ई नेईं कि अस परमेश्वर जोई परेम कते, बल्कि परेम त तेन असी जोई किआ, होर हें पापी के फल भुगतुण जे अपु कुआ लंघा ताकि असी माफी मेई बटियेल।

प्र. बोके 5:9

से यीशु गुणगान कते ईं नोउ घीत लाण लगे, “ई कताब नेणे, त एसे मुहर खोलणे लेएक असा तु प्रभुआ! किस कि तेईं मर कइ अपु लहुए बइ हर यक ऊड़ी, भाषा, जाति त देश अन्तरा परमेश्वरे लिए मेह्‍णु मुले खरीदो असे।