1 तिमुथि 2:5 - Walangi

⁵ किस कि यक परमेश्वर असा, होर परमेश्वर त मनखे बुच बि सद यक बचामी असा, से यीशु मसीह भो, जे इस धरती पुठ मेह्‍णु रूप अन्तर ओ थिआ।

1 तिमुथि 2:5 Iomraidhean Croise

मत्ती 1:1

यीशु मसीह, दाऊद राजे खानदानी अन्तर जमो थिआ, जे अब्राहमे ऊड़ी थिआ। तसे दादु पड़दादु के नओं ई भो।

मत्ती 1:23

तेन बोलो थिउ कि “हेरे! यक कुवांरी कुई गभुरवाल भुन्ति त यक कुआ जमाणती त तेस नओं इम्मानुएल रखते” जेसे मतलब असा कि “परमेश्वर असी जोई साते असा।”

लूका 14:22

तेन नौखरे दुबारी एई कइ बोलु, ‘ए मालिका, जीं तुसी बोलो थी, मेईं तिहांणि किउ। पर हउ बि जगाह बचो असी।’

यूहन्ना 1:14

जे शब्द असा से मनखे रूप नी कइ असी बुच रेहा। यूहन्ना बि तसे बारे ईं उगाह दी कइ जोरी जुए बोलु “ए सेईंया भो, जेस बारे मेईं बोलो थी कि जे में पता एन्ता से मोउं केआं बि बोडा असा, किस कि मोउं जमुण केआं पेहले ईं से थिआ।” असी अपफ परमेश्वरे इकलौते कोईये महिमा काई छो असी जे परमपिता परमेश्वर केईआं अओ असा। तेन असी परमेश्वरे पूरी दाह हरालो असी त परमेश्वरे सच्चाई असी जे बोलो असी।

यूहन्ना 17:3

त अमर जीवन पाणे तरीका ई असा कि तेन्हि पक्का पता लगे कि तुस ईं यक सच्चा परमेश्वर भो त अउं जे यीशु भो, सेईंए मसीह भो जे तुसी लंघो असा।

प्रतिनिधि 4:12

बचुण केसे होरी बेलिए नेईं, किस कि स्वर्ग पड्डे, मेह्‍णु के बुछ होर कोई दोकु नओं नेईं दुतो, जेसे बेलि अस बच घियेल।”

रोमी 1:3

ए खुश खबरी अपु कुआ, हें प्रभु यीशु मसीहे बारे असी। से जिसमे हेसाब जुए त राजा दाऊदे ऊड़ी अन्तर जमो थिआ।

रोमी 10:12

यहूदी त गैर यहूदी मेह्‍णु अन्तर कोई केहर-बेहर नेईं, किस कि यीशु सोबी के प्रभु भो त जे बि तसे नओं नी कइ प्रार्थना कते, तेन्हि सोबी जे से खुल कइ अशुश देन्ता।

1 कुरिन्थ 8:4

त, मुर्ति केईं चढ़ो चीजे खाणे बारे असी पता असा कि मुर्ति त भुन्ति पर तेन्हि अन्तर परमेश्वरे कोई गुण ना भुन्ते। होर परमेश्वर छड़ दी कइ होर कोई नेईं।

1 कुरिन्थ 8:6

तोउं बि अस सद यके परमेश्वर मानते। सेईंए बोउ असा, जेस केआं सम्हाई किछ अओ असु त जेसे लिए अस असे। हें सद यके प्रभु असा, मतलब यीशु मसीह जेसे बेलि सम्हाई किछ अओ असु त जेस बेलि अस असे।

गलाती 3:20

दुई मेह्‍णु बुच ईं त बचामी एई सकता। पर जपल परमेश्वरे अब्राहमे धे अपु जुबान दिती, त से तेन अपफ की।

इफिसुस 4:6

त सम्हाई के बि यक ईं परमेश्वर त बोउ असा, जे सम्हाई केआं बोडा, सम्हाई के बेलि कम कता त सम्हाई अन्तर असा।

1 तिमुथि 6:13

सोबी कें धे जिन्‍दगी देणे बाड़ा परमेश्वर, त राज्यपाल पुन्तियुस पिलातुसे सम्हाणि खरी हिम्मत जुए उगाही देणे बाड़ा यीशु मसीह उगाह रख कइ अउं तोउ जे ई निआंग देन्ता,

इब्रानी 12:24

तुस तेस यीशु केईं अओ असे, जे नोई जुबानी पंच भो। तुस तसे छिड़काओ लहु केईं अओ असे, जे हाबिले लहु केईआं बि सुआ भलु करणे बाड़ु असु।

इब्रानी 7:25

इस बझई जुए, जे मेह्‍णु यीशु बेलिए परमेश्वरे भेएड़ एन्ते, से तेन्हि बचाई बटता, किस कि से तेन्हि जे प्रार्थना दुआ करण जे हमेशा जीन्ता असा।

इब्रानी 8:6

पर यीशु मसीह तेन्हि पुजारी केईआं बि बध कइ पुजारोठि मेई, किस कि से हउ बि बोडी जुबानी पंच बणा। ए पुजारोठि सोबी केआं अब्बल असी, किस कि ए परमेश्वरे बोडी बोडी जुबानी बेलिए बन्हिए असी।

इब्रानी 9:15

इस बझई जुए मसीह नोई जुबानी पंच बणा, ताकि परमेश्वरे चुणो तेन्हि जे तसे जुबानी मुताविक अमर विरासत मेईंयेल, किस कि से तेन्हि पुराणि जुबानी गलती त पापी केआं बचाणे लिए मर गा।

1 यूहन्ना 2:1

ए में मठुड़ गभुरुओ! तुसी जे इन्हि बोकी अउं तोउं लिखता कि तुस पाप न करे; अगर कोउं पाप करियाल, त बोउ केईं विनती करण जे हें यक वकील असा, मतलब धर्मी यीशु मसीह।

प्र. बोके 1:13

तेन्हि दीयी के बुच मनखे कोईये ईं यक मेह्‍णु काआ, जेन खुरी तकर झिणे लओ त छाति पुठ सुन्ने कवच बन्हो थिआ।