1 तिमुथि 2:4 - Walangi

⁴ परमेश्वर ईं चहन्ता कि सोबी मेह्‍णु तसे सच्चाई सुसुर पता लगियाल त से सम्हाई बच घियेल।

1 तिमुथि 2:4 Iomraidhean Croise

मत्ती 28:19

तोउं त तुस घिए, सोब जाति मेह्‍णु चेला बणाए, त तेन्हि बोउए, कोईये त शुची आत्माई नओएं बेलि पाणि अन्तर चुसीण दिए।

मरकुस 16:15

तोउं यीशु तेन्हि जे बोलु, “तुस पूरे धरती पुठ घेई कइ सोबी जाति मेह्‍णु बुच खुश खबरी प्रचार करे।

लूका 1:77

होर तु मेह्‍णु कें धे बचणे ज्ञान देन्ता, जे तेन्के पापी के माफी बेलि मेता।

लूका 14:23

त मालिके नौखर जे बोलु, ‘सम्हाई बत त बग बघुईं गा त मेह्‍णु जब्बरदस्ती घिन आई ताकि में गी भरी घियेल।

लूका 24:47

होर यरुशलेम केईआं धरती सोबी जाति के मन बदलण त पापी जे माफ करणे प्रचार तसेरी नओएं बेलि करिन्ता।

यूहन्ना 14:6

यीशु तस जे बोलु, “बथ, सच्चाई त जीवन अउंए भो; मोउं बजन कोई बि बोउ केईं पूज ना सकता।

यूहन्ना 17:17

तुं बोक जे सच्ची असी, तसे बेलि एन्हि तुं सेवा करुण जे शुचा करे।

यूहन्ना 6:37

परमेश्वरे जेन्हि में पतूं एणे ठीक किओ असा, से सम्हाई मोउं केईं एन्ते। त अउं तेन्हि कदी ना दौड़ान्ता।

रोमी 11:14

ताकि जीं तीं कइ अपु जाति मेह्‍णु अन्तर जड़ा पैदा कर कइ तेन्हि अन्तरा केहि जेईं विश्वास करवाई कइ बचाई बटुं।

1 तिमुथि 4:10

अस तोउं मेहनत त कष्ट कते, किस कि हें विश्वास तेस जीन्ता परमेश्वर पुठ असा, जे सम्हाई मेह्‍णु, खास कर विश्वासी मेह्‍णु बचाणे बाड़ा असा।

2 तिमुथि 2:25

जे हें खिलाफ भुन्ते तेन्हि से खरी नरमी कइ समझाण लौते, कि पता परमेश्वर तेन्हि बुचा केसे जेईं धे मन बदलाणे आत्मा दिआल त से बि सच्चाई वचन पिछाणल,

2 तिमुथि 3:7

किस कि से जिल्हाणु हमेशा शिचती रेहन्ती, पर खरी शिक्षाई बारे पता तेन्हि कदी ना लगतु।

तीतुस 1:1

में ट्यारे तीतुस, परमेश्वरे गुलाम त यीशु मसीहे प्रतिनिधि अउं पौलुस तोउ जे नमस्कार कता। परमेश्वरे अउं लंघो असा ताकि तसे चुणो मेह्‍णु बुच विश्वासे बारे प्रचार करुं त तेन्हि सच्चाई शिचालुण, जेसे बेलि तेन्हि पता लगियाल कि परमेश्वर मनी कइ कीं जीण।

तीतुस 2:11

किस कि परमेश्वरे कृपादृष्टि भुओ असी, जेसे बेलि सोब मेह्‍णु बच घियेल।

इब्रानी 10:26

किस कि सच्चाई पता भुणे बाद बि अगर अस जाणबूझ कइ गलती त पाप कते रिहेल, त फि तेन्हि गलती, पापी के माफी के लिए कोई भकत ना बचती।

याकूब 3:14

पर अगर तुस अपु अपु मन अन्तर जड़ते, होर सद अपु बारे सोचते त रोभ जोई सच्चाई छड़ दी कइ झूठा ना बणुण।

2 पतरस 3:9

त जीं केहि मेह्‍णु समझते कि प्रभु अपु जुबान पूरी करण चेरे लान्ता, से ठीक नेईं। से त तुं लिए लाह रखता। से न चहन्ता कि कोई खतम भो, पर ईं कि सोबी मन बदलणे मौका मेओ लौता।

2 यूहन्ना 1:1

ए ट्यारे परमेश्वर चुणो से जिल्हाणु त तसे गभुरुओ, जेन्हि जोई अउं सच्चा परेम कता! अउं सतसंगे स्याणा यूहन्ना तुसी जे नमस्कार कता। तुसी ना कि सद अउं परेम कता, बल्कि से सोब बि परेम कते जे सच्चाई जाणते।

प्र. बोके 14:6

तोउं मेईं यक होरा स्वर्गेदूत अम्बर अन्तरा उडरता काआ, जेस केईं धरती पुठ बिशणे बाड़ी के हर यक जाति, ऊड़ी, भाषा त मेह्‍णु शुणाणे लिए अमर खुश खबरी थी।