1 तिमुथि 2:2 - Walangi

² परमेश्वरे सम्हाणि राजा त होरे मोटे अधिकारी जे बि प्रार्थना करे, ताकि अस सुख शान्ति जुए परमेश्वर पुठ विश्वास कर कइ त पूरी इज्जत जुए जी बटियेल।

1 तिमुथि 2:2 Iomraidhean Croise

लूका 1:6

से दुहिए परमेश्वरे नजर अन्तर धर्मी थिए। से परमेश्वरे हर निआंग त बोक मानणे बाड़े थिए।

लूका 2:25

यरुशलेम शेहर अन्तर शमियोन नओएं यक मेह्‍णु थिआ, जे धर्मी त परमेश्वरे भक्त थिआ। शुची आत्मा तस अन्तर थी त से ई भाड़ बिशो थिआ कि परमेश्वर कपल इस्राएली मेह्‍णु सुख शान्ति देन्ता।

प्रतिनिधि 10:22

तेन्हि बोलु, “अस सुबेदारे कुर्नेलियुसे लंघो असे, जे धर्मी त परमेश्वर हेर डरणे बाड़ा त सोबी यहूदी मेह्‍णु के ट्यारा असा। यक शुचे स्वर्गेदूत केआं तस ई निआंग मेई कि तोउ अपु गी भिआई कइ, तोउ केआं शुणे, जे तोउ बोलुण असु।”

प्रतिनिधि 24:16

एस बझई जोई अउं बि हमेशा कोशिश कता कि परमेश्वरे समाणि त मेह्‍णु के समाणि में अन्तरात्मा बजन दोषे रिहेल।”

रोमी 12:18

जोउं तकर भोई सकतु, तुस हर यक मेह्‍णु जोई परेम जोई बिशणे कोशिश करे।

फिलिप्पी 4:8

त में ट्यारे भाई त भेणिओं! अउं चहन्ता कि जे कुछ बि सच्चाई असी, इज्जतदार असे, सही असे, शुचा त अब्बल असे, जे जे बि खरे असे त तारीफ लेएक असे, तुस तसे बारे सोचते रिहे।

1 थेस्सलु 4:11

त जीं असी तुसी जे निआंग दुतो असी, तीं सोबी जोई शान्ति जोई बिशुण जे, अपु अपु सरसला चलाण जे त अपु हथे बइ कमाण जे हिम्मत करे।

इब्रानी 12:14

सोबी जुए उई मी कइ बिशे त शुची जिन्‍दगी जीणे कोशिश करे, किस कि जे शुची जिन्‍दगी न जीन्ता, से कदी परमेश्वर हेर ना बटता।