1 तिमुथि 1:9 - Walangi

⁹ असी ईं बि पता असा कि नियम धर्मी जे नेईं बल्कि तेन्हि सोब मेह्‍णु जे बणो असा, जे अधर्मी, दुष्ट, अविश्वासी, पापी, अशुचा, त ईया बोउ मारणे बाड़े, मेह्‍णुमार असे

1 तिमुथि 1:9 Iomraidhean Croise

मत्ती 10:21

भाई भाई त बोउ कुआ मरण जे टोवाई छते, होर गभुरु ईये बोउए दुश्माण बण कइ तेन्हि मरवाई छते।

रोमी 1:30

से बदनाम कते, परमेश्वर हेर नफरत कते, होरी के बेइज्जत कते। से सुआ बुड़ुक लान्ते, बोडी बोडी बोके कते, बुराई करणे नोउआं नोउआं तरीके तोपते, त ईये बोउए केहणा ना मानते।

रोमी 4:13

परमेश्वर अब्राहम त तसे वंश जे जपल धरती हकदार बणणे जुबान दिती, त से अब्राहमे नियम मानणे बझई जोई न दिती, बल्कि तस पुठ अब्राहम विश्वास करणे बेलि धर्मी भुणे बझई जोई दिती।

रोमी 5:20

परमेश्वरे नियम तोउं दिता कि मेह्‍णु पता लगाल कि तेन्हि कत गलती त पाप किआ। पर तेन्के पाप सुआ भुन्ते भुन्ते, परमेश्वरे कृपा तढ़िया बि बध कइ भुई।

रोमी 6:14

तुस कदी पापे वश अन्तर ना रिहे, किस कि तुं जीण नियमे वश अन्तर ना, पर परमेश्वरे कृपाई वश अन्तर असु।

गलाती 3:19

अच्छा! त नियम देणे मतलब की बणा? नियम त इस बझई जोई दुतो असा, ताकि असी पता लगियेल कि अस पापी मेह्‍णु असे। पर ए तपल तकर ईं कम कता, जपल तकर जुबान दुतो हकदार ना एईयाल। किस कि नियम असी बचामी मूसे मदत जुए स्वर्गेदूती बेलि दी गो थिआ।

गलाती 5:18

त अगर तुस नोउआं गुण बेलि जीन्ते त तुस मूसे दुतो नियमे वश अन्तर नेईं रिहो।

गलाती 5:21

त होरे मेह्‍णु तस रशुणे लगते। से प्याकड़ भुन्ता त से मौज मस्ती अन्तर जीन्ता। एसे छड़, से हर किस्मे गलत कम कता। मेईं जीं पेहले बोलो थिउ, तीं अभेईं बि बोता कि ईं कम करणे बाड़ा परमेश्वरे राज्ये कदी भोई ना बटता।

गलाती 5:23

अस अपु इच्छा नोउएं गुणे वश अन्तर रखते त सम्हाई जेईं अराम जुए धरान्ते। इन्हि कमी के खिलाफ कोई नियम नेईं।

2 थेस्सलु 2:8

तोउं से कलंकी मेह्‍णु निसता। पर जपल प्रभु यीशु दुबारी एन्ता, से तेस अपु बोकी बइ मार छता त अपु एणेरी चमके बइ भसम कइ छता।

1 तिमुथि 4:7

पर बेधर्मी बोकी त स्याणी जिल्हाणु के मन गढ़त कथाई केआं दूर बिश, होर जीं यक खिलाड़ी कसरत कते रेहन्ता, तीं तु बि परमेश्वरे भक्ति अन्तर जीण जे पूरा कोशिश कते रेह।

1 तिमुथि 6:20

त ए तिमुथियुसा! जे सच्चा वचन तेन्धे दुतो असे, तेन्हि सही सलामत रख कइ मेह्‍णु शिचालिण दे; त जे शिक्षा परमेश्वरे इच्छाई खिलाफ असी, तेस केआं त जुठी बोकी बेहेस केआं बि दूर बिश।

2 तिमुथि 2:16

पर बेधर्मी बोकी के बेहेस करण केआं दूर बिश, किस कि जे मेह्‍णु ईं बेहेस कते, से परमेश्वर केआं हउ बि दूर भोई घेन्ते।

2 तिमुथि 3:2

किस कि मेह्‍णु मतलबी, लोभी, रोभ किढ़णे बाड़े, घमण्डी, होरी के बुराई करणे बाड़े, अपु ईया बोउए केहणा ना मानणे बाड़े, खुदगर्ज, बेधर्मी बण घेन्ते।

तीतुस 1:10

किस कि सुआ वेकाबु, बजरीणे बाड़े त धोखा देण बाड़े मेह्‍णु असे, खास कर कइ यहूदी विश्वासी मेह्‍णु केईं।

तीतुस 1:16

से त बोते कि परमेश्वर पिछाणते, पर तेन्के कम ई हरालता कि से तस न पिछाणते। किस कि से रशुणे असे त निआंग ना मानणे बाड़े असे। होर तेन्के बेलि कोई बि खरु कम भुन्ते ई नउ।

तीतुस 1:6

मुखिया दोषी ना लौता, यक जुएली धाणि लौता, जेसे गभुर बि विश्वासी भो लौते त लूचे होर फुर्तुआटा ना लौते।

तीतुस 3:3

किस कि अस बि पेहले वेबखुफ, बोक ना मानणे बाड़े, होरे होरे बेहकाव अन्तर फसो त होरे होरे इच्छाई त मौजमस्ति गुलामी अन्तर थिए त दुश्माणी त रोभ किढ़ कइ जीन्तेथ। अस बि रशुणे त यक होरी के खिलाफ थिए।

इब्रानी 11:31

एसे विश्वासे बेलि ईं राहाब वेश्या इस्राएले तेन्हि जासुसी के मदत की। तोउं त से यरीहो शेहरे तेन्हि मेह्‍णु जुए खतम ना भुई, जे परमेश्वरे केहणा न मानतेथ।

इब्रानी 12:16

खबरदार बिशे कि तुसी बुचा कोई बि ना गलत तरीके जुए जिसमे संमंध रखियेल, होर ना अधर्मी बणियेल जीं एसाव थिआ। तेन त अपु हकदार भुणे हक बि यक डंगे खाण जे बेच छो थिआ।

1 पतरस 2:7

तोउं त, तुस जे तस पुठ विश्वास कते, तुं लिए से सुआ कीमति असे। पर जे विश्वास ना कते तेन्के लिए से, “जे घोड़ मिस्त्री रेज समझो थिआ, सेईंए कुणे पुठि खास घोड़ भोई गा।”

1 पतरस 3:20

त सुआ साल पेहले जपल नूह पाणि जहाज बणाण लगो थिआ, तपल मेह्‍णु परमेश्वर ना मानतेथ। सुआ लाह रख कइ परमेश्वर तेन्हि भाड़ बिशो थिआ, तोउं बि से तस केईं ना आए। तपल जहाज अन्तर बिश कइ सद कुछ मेह्‍णु मतलब अठ मेह्‍णु बाढ़े पाणि केईआं बचे। पता मसीहे परमेश्वर ना मानणे बाड़े तेन्हि मेह्‍णु के आत्माई केईं घेई कइ प्रचार किआ।

1 पतरस 4:18

होर जीं धरमे कताब अन्तर लिखो असु कि “अगर धर्मी मेह्‍णु बड़े मुश्किल जोई बचाल, त जे भक्ति न कते त होर पापी असे, तेन्के ठेकाणा कोठि भोल?”

यहूदा 1:15

कि सोबी के न्याय करियाल। होर से तेन्हि सोबी जेईं दोषी बणाल जे भक्ति ना कते, जे बुरे कम कते, होर जेन्हि तसे खिलाफ नकठर बोके किओ असी।”

प्र. बोके 21:8

पर डरपोकी, अविश्वासी, बुराई करणे बाड़े, मेह्‍णुमार, गलत तरीके जुए जिसमे संमंध रखणे बाड़े, जादू टौणा करणे बाड़े, मुर्तिपुजा करणे बाड़े त सोब झूठे तेस टह्‌नु अन्तर घेन्ते, जे हमेशा आग त गन्धके बेलि जाओरा रेहन्ता। एईएं दोकु मरुण भो।”

प्र. बोके 22:15

पर जुठे मेह्‍णु जीं कि जादू टौणा करणे बाड़े, गलत तरीके जुए जिसमे संमंध रखणे बाड़े, मेह्‍णुमार त मुर्तिपुजा करणे बाड़े त झूठ बणाणे बाड़ा त झूठे साथ देणे बाड़े शेहरे बाहरे ईं रेहन्ते।”