1 तिमुथि 1:7 - Walangi

⁷ से मेह्‍णु परमेश्वरे नियम शिचालण त चहन्ते, पर जे बोक से कते त जेन्हि से खरे रोभ जुए शिचालते, तढ़ि तेन्हि अपफ बि समझ ना एन्ती।

1 तिमुथि 1:7 Iomraidhean Croise

मत्ती 15:14

तेन्हि घेण दिए। से अन्हे बथ हरालणे बाड़े अन्हे भिन्थ। अगर यक अन्हा होरे अन्हे बथ हरालाल त दुहे जेईं खोपर अन्तर झड़ घेन्ते।”

मत्ती 21:27

त तेन्हि यीशु जे जवाब दिता, “असी नेईं पता।” तेन बि तेन्हि जे बोलु, “त अउं बि तुसी जे न बतान्ता कि ए सोब कम अउं केस हक जोई कता।”

लूका 2:46

त तस तोपते तोपते टाई रोज पता यीशु देहेर अन्तर धर्मशास्त्री जुए बिशो, तेन्के शुणते त सवाल पुछते तेन्हि मेआ।

प्रतिनिधि 15:1

तोउं कुछ मेह्‍णु यहूदिया राज्य केआं अन्ताकिया शेहर एई कइ विश्वासी भाई भेणि ईं शिचालण लगे कि “जपल तकर मूसे रीत जोई तुं खतना ना भोल तोउं तकर तुस ना बच सकते।”

रोमी 1:22

से अपु अपफ जे त बोडे बुद्धिमान बोतेथ, पर मुर्ख बण गे।

गलाती 3:2

मोउं बस एतरा पता लाण असा कि शुची आत्मा तुसी नियम मानणे बेलि मेओ थी ना विश्वास करणे बेलि?

गलाती 3:5

त जे तुं धे शुची आत्मा देन्ता त तुं बुच चमत्कारे कम कता, से तुसी नियम मानणे बेलि देन्ता ना, विश्वास जुए खुश खबरी शुणणे बेलि। आं?

गलाती 4:21

गलाती इलाके तुस सम्हाई! जे नियमे वश अन्तर जीण चहन्ते, मोउं जे बोलीण दिए, तुसी कि पता नेईं ना मूसा दुतो नियम की बोता?

1 तिमुथि 6:4

से मेह्‍णु चौड़ा भोई गो असा त तस अपफ पता नेईं कि से मेह्‍णु की की शिचालता। पर तस कुछ शब्द पुठ झगड़ीणे बीमारी लग गो असी, जेसे बेलि जड़ण, लड़ाई, बुरी बोक त होरी पुठ झूठा बेहेम पैदा भुन्ता।

2 तिमुथि 3:7

किस कि से जिल्हाणु हमेशा शिचती रेहन्ती, पर खरी शिक्षाई बारे पता तेन्हि कदी ना लगतु।

याकूब 3:1

ए में ट्यारेओ! तुसी अन्तरा सुआ जेईं शिचालणे बाड़े न बणे, किस कि तुसी पता असा कि अस जे शिचालणे बाड़े असे, हें सुआ सक्ति कइ पंची भुन्ति।

2 पतरस 2:12

पर ए मेह्‍णु बेअक्ले जानवर के ईं असे, जे सद मेह्‍णु के बेलि टेईंण त खतम भुण जे पैदा भो असे, होर जेन्हि बोकी के बारे ए जाणते ई नउ, तेन्के बारे होरी जे भलु बुरु बोते। परमेश्वर एन्हि खतम कइ छता, जीं मेह्‍णु जंगली जानवरी मारते।