1 तिमुथि 1:3 - Walangi

³ बे कोईया! मकिदुनिया देश घेन्ते टेम मेईं जीं तु समझो थिआ कि इफिसुस शेहर अन्तर बिश कइ गलत शिक्षा देण बाड़ी जे बोल कि “गलत शिक्षा ना दिए” तस अउं फि दुबारी बोता।

1 तिमुथि 1:3 Iomraidhean Croise

प्रतिनिधि 18:19

जपल से इफिसुस शेहर पुजे त पौलुस प्रिस्किल्ला त अक्विला तठि छड़ दी कइ से अपफ अराधनालय अन्तर घेई गा त यहूदी मेह्‍णु जोई बोक विचार त बेहेस करण लगा।

प्रतिनिधि 18:21

पर तेन्हि जे आबिश कर कइ त ईं बोल कइ तठिआ घेई गा कि “अगर परमेश्वर चहाल त अउं तुसी केईं फि एन्ता।” तोउं से इफिसुस शेहर छड़ दी कइ जहाज पुठ घेई गा;

रोमी 15:26

किस कि मकिदुनिया त अखया राज्ये विश्वासी मेह्‍णु ईं खरु लगु कि यरुशलेम शेहरे यहूदी विश्वासी मेह्‍णु अन्तर जे गरीब असे, तेन्हि जे कुछ चन्ना कठेरुं।

रोमी 16:17

ए ट्यारेओ, अउं तुं छने कता कि तुस तेन्हि मेह्‍णु तालीण दिए जे मेह्‍णु झगड़ान्ते त जे शिक्षा तुसी मेओ असी, तेसे खिलाफ भोई कइ होरी के विश्वास मुकान्ते। तेन्हि केईआं दूर बिशे।

2 कुरिन्थ 11:4

किस कि तुं बुछ अगर कोई होरे यीशु बारे प्रचार कते, जेसे बारे असी नेईं किओ त तुस तस झठ मानते। होर तुसी होरी ईं आत्मा मेओ असी, जे तुसी पेहले नेओथ मेओ, त तुस होरी ईं खुश खबरी मानते, जे असी प्रचार नेईं किओ।

इफिसुस 4:14

तोउं अस गभुर के ईं नदान ना रेहन्ते, जे हर किस्मे गलत शिक्षाई बेलि बेहक घेन्ते, त जेन्हि दुष्ट मेह्‍णु अपु अपु चलाकी जुए ठगते।

फिलिप्पी 2:24

त मोउं बि पूरा यकीन असा कि प्रभु चहाल त अउं अपफ बि झट एई घेन्ता।

1 तिमुथि 4:11

तु एन्हि बोकी के निआंग देन्ता रेह त शिचालते रेह।

1 तिमुथि 4:6

बे कोईया, अगर तु विश्वासी भाई भेणि जे इन्हि बोकी के चेता दिआन्ता रेहन्ता त तु यीशु मसीहे बधिआ सेवक बणता। त विश्वासे वचन त जे खरी शिक्षा तेईं अभेईं तकर मनो असी, तेन्हि बोकी बइ तें लालन-पालन भुन्ता रेहन्ता।

1 तिमुथि 5:7

सोबी जेईं इन्हि बोकी के बारे शिचाल, ताकि कोई तेन्के बारे बुरी बोक ना करे।

1 तिमुथि 6:10

किस कि रुपेई के लालच सोबी बुराई के जड़ असी, जेस तोपते तोपते सुआ मेह्‍णु परमेश्वरे सच्चा वचन छड़ दी कइ अपु अपफ सुआ दुखे बेलि लहुलुहान किओ असे।

1 तिमुथि 6:17

इस मतोके अमीर मेह्‍णु जे बोल कि से अपु धन पुठ रोभ ना किढ़े त जेस धने कोई विश्वास नेईं तस पुठ भरोसा ना करे। बल्कि परमेश्वर पुठ अपु भरोसा रखे जे हें सुखे लिए सोब कुछ खुल कइ देन्ता।

1 तिमुथि 6:3

हें प्रभु यीशु मसीहे बोके त शिक्षा परमेश्वरे इच्छाई हेसाब जुओई असी। त जे मेह्‍णु तस खरी शिक्षा छड़ दी कइ गलत शिक्षा देन्ता,

2 तिमुथि 1:18

होर जे जे सेवा तेन इफिसुस शेहर अन्तर किओ असी, तसे बारे त तोउ ठीक ठाक पता असा। अउं प्रार्थना कता कि जेस रोज प्रभु यीशु पंची करण जे एन्ता, तपल तेस पुठ दाह करे।

2 यूहन्ना 1:7

किस कि सुआ ईं भरमाणे बाड़े इस मतोक अन्तर एई गो असे। से ना मानते कि यीशु मसीह सच्चे बि जिसम अन्तर जमो थिआ। जे मेह्‍णु ई बोता, से यक भरमाणे बाड़ा त मसीह विरोधी असा।

प्र. बोके 2:14

पर मोउं तुं खिलाफ कुछ बोलुण असु, किस कि तुं बुछ किछ मेह्‍णु ईं असे, जे बालाम भविष्य वक्ते केहणा मानते। तेस केईआं शिच कइ राजा बालाक इस्राएली मेह्‍णु मुर्ति केईआं भकत चढ़ो चीज खाणे त नाजायज रिश्ता रखणे पाप करवा।

प्र. बोके 2:20

तोउं बि, मोउं तुं खिलाफ ई बोलुण असु कि तुस तेस जिल्हाणु ईजेबेल, जे अपु अपफ जे भविष्य वक्तिणी बोती, अपफ जुए बिशुण दुतो असी। से में सेवक नाजायज रिश्ता रखण जे त मुर्ति पुठ भकत चढ़ो चीज खाण जे लुन्ज देन्ती।