1 तिमुथि 1:18 - Walangi

¹⁸ बे कोईया तिमुथियुसा! जे भविष्य वाणि पेहले तें बारे भो थी, तसे हिसाब जुए अउं तोउ जे निआंग देन्ता कि तु सही खुश खबरी जे अपु जी जान ला त गलत शिक्षा देणे बाड़ी रोकीण दे।

1 तिमुथि 1:18 Iomraidhean Croise

प्रतिनिधि 16:1

तोउं पौलुस, त सीलास देरबे त लुस्त्रा शेहर पूज गे। तठि तिमुथियुस नओएं यक विश्वासी भाई थिआ। तसे बोउ यूनानी थिआ त ई यहूदण थी, पर मसीह पुठ विश्वास कतीथ।

1 कुरिन्थ 4:17

तोउं त, मेईं तुसी केईं तिमुथियुस लंघा। से में ट्यारा त मसीहे विश्वास अन्तर यकीन लेएक असा। से एई कइ विश्वास अन्तर में तेस जीणे बारे तुसी चेता दिआन्ता, जेसे बारे अउं मसीहे सतसंग अन्तर शिचालता।

1 कुरिन्थ 9:7

कोई बि अपु चने खर्च कर कइ सपाही कम ना कता। जे कोउं बगिंचा लान्ता, से तसे फल खांता। जे कोउं गुओरु चरान्‍ता, से तेन्के दुध बि पीन्ता।

फिलिप्पी 2:22

तुसी त से परख कइ पिछाणो असा कि से कत भरोसे लेएक असा। जीं कुआ अपु बोउए बोकी नकल कता, तीं से बि मोउं जुए खुश खबरी प्रचार करण अन्तर कष्ट कता।

1 तिमुथि 1:5

इस निआंग देणे मकसद परेम असा, जे शुचे मन, साफ अन्तरात्मा त सच्चे विश्वास जुए एन्ती।

1 तिमुथि 4:14

परमेश्वरे जे वरदान तेन्धे दुतो असा, तस पूरे जोश जुए इस्तेमाल कर, किस कि ए वरदान सतसंगे स्याणी जपल तोउ पुठ हतेउ रख कइ प्रार्थना किओ थी, तपल भविष्य वाणि बेलि तोउ मेओ थी।

1 तिमुथि 4:4

किस कि परमेश्वरे जे बि बणो असु, से सम्हाई खरु असे त खाणे लेएक असु। पर शर्त ईं असी कि परमेश्वरे धन्यवाद दी कइ खओ लौतु।

1 तिमुथि 6:20

त ए तिमुथियुसा! जे सच्चा वचन तेन्धे दुतो असे, तेन्हि सही सलामत रख कइ मेह्‍णु शिचालिण दे; त जे शिक्षा परमेश्वरे इच्छाई खिलाफ असी, तेस केआं त जुठी बोकी बेहेस केआं बि दूर बिश।

2 तिमुथि 4:7

मेईं परमेश्वरे खुश खबरी खातिर यक फौजी ईं अपु जी जान लोओ असी, त परमेश्वरे तेस सेवाई दौड़ पूरी की, होर विश्वासेरी जे शिक्षा परमेश्वर मेन्धे दुतो थी, से सुसुर जुढ़ेरी रखो असी।

तीतुस 1:4

त ए तीतुसा! विश्वास अन्तर में सच्चा कुआ, तोउ जे ई लिखुण लगो असा। परमपिता परमेश्वरे त असी बचाणे बाड़ा यीशु मसीहे कृपादृष्टि त शान्ति तोउ पुठ भुन्ति रिहे। आमीन

फिलेमोन 1:10

त ए में ट्यारे! अउं उनेसिमुसे लिए तें छनेअरे कता, जे में कोईये ईं असा। तस इस जेहेल अन्तर मसीह पुठ विश्वास कराई कइ अउं तसे बोउए ईं बण गो असा।