1 तिमुथि 1:16 - Walangi

¹⁶ पर ई दाह मोउं पुठ तोउं भुई ताकि में ईं बोडा पापी अन्तर यीशु मसीह अपु पूरी सीढ़णे शक्ति हराल बटियेल त जे मेह्‍णु अमर जीवन लिए तेस पुठ विश्वास कते, तेन्हि हरालण जे अउं यक नमूना बणा।

1 तिमुथि 1:16 Iomraidhean Croise

लूका 15:10

अउं तुसी जे बोता कि इहांणि यक मन बदलणे बाड़ा पापी लिए परमेश्वरे दूत सुआ खुशी मनान्ते।”

लूका 23:43

तेन तस जे बोलु, “अउं तोउ जे बोता कि आजे तु मोउं जोई स्वर्ग अन्तर भुन्ता।”

लूका 7:47

तोउं त अउं बोता कि एसे सुआ परेम जोई मोउं धराण हरालतु कि एसे सुआ पाप माफ भोई गो असे। पर जेसे धिक भइ पाप माफ भो असा, से घट परेम कता।”

यूहन्ना 20:31

पर ई सोब बोक तोउं लिखो असी ताकि तुस ए विश्वास करियेल कि यीशु परमेश्वरे कुआ “मसीह” भो। त तेस पुठ विश्वास कर कइ तसे नओएं बेलि तुसी अमर जीवन मेईंए।

यूहन्ना 3:36

त जे परमेश्वरे कुआ पुठ विश्वास कता, तस परमेश्वर जुओई अमर जीवन मेता। पर जे बि तस पुठ विश्वास ना कता, तस जीवन ना मेता। पर तस जे परमेश्वरे भयंकर कोप असा।”

यूहन्ना 5:24

अउं तुसी जे बोता, जे में बोक शुण कइ मोउं लंघाणे बाड़े पुठ विश्वास कता, तस अमर जीवन मेता। तस पुठ कोई सज्जा नेईं, बल्कि मरण केआं बच कइ तस अमर जीवन मेओ असा।

यूहन्ना 6:37

परमेश्वरे जेन्हि में पतूं एणे ठीक किओ असा, से सम्हाई मोउं केईं एन्ते। त अउं तेन्हि कदी ना दौड़ान्ता।

यूहन्ना 6:40

किस कि में बोउए इच्छा ई असी कि जे कोउं कुआ मानेल, त तस पुठ विश्वास करेल, तेन्हि अमर जीवन मेईंयेल। त परमेश्वर न्याय करणे रोज अउं तस दुबारी जीआन्ता।”

यूहन्ना 6:54

मोउं पुठ विश्वास कर कइ जे में मास खांता त में लहु पीन्ता, तस अमर जीवन मेता त अउं तस परमेश्वरे न्याय करणे रोज दुबारी जीआन्ता।

प्रतिनिधि 13:39

मूसे नियम असी एन्हि पापी केआं कदी ना बचाई सकतेथ। पर हर यक जेईं, जे तेस यीशु पुठ विश्वास कता, से पापी केआं छुड़काइ घेन्ता।

रोमी 15:4

किस कि धरमे कताब अन्तर जे बि बोक पेहलाई लिखि गो असी, से हें शिक्षाई लिए लिखिए असी, ताकि तेसे बेलि अस लाह जोई दुख सीढ़ बटते, त तसे हिम्मते बेलिए असी उम्मीद मेई सकती।

रोमी 6:23

किस कि पाप करणे मजूरी मौत असी, पर परमेश्वरे वरदान हें प्रभु मसीह यीशु अन्तर अमर जीवन असा।

1 कुरिन्थ 7:25

तोउं, छड़ी कुई के बारे प्रभु केआं बेशक मोउं कोई निआंग नेईं मेओ, तोउं बि प्रभु केआं मेओ दाह बेलि यकीन लेएक भुणे बझई जोई अउं ई सलाह देन्ता।

2 कुरिन्थ 4:1

किस कि अस परमेश्वरे कृपादृष्टि बेलिए ईं तस सेवा कते, त अस उम्मीद न छते।

इफिसुस 1:12

जेसे बोडी दाहे बझई जोई हें बेलि तसे महिमा भोल, किस कि असी यहूदी सम्हाई केआं पेहलाई मसीह पुठ उम्मीद रखो थी।

इफिसुस 1:6

जेसे बेलि अस तसे तेस बोडी कृपादृष्टि महिमा कते, जे तेन यीशु मसीह अन्तर असी पुठ की।

इफिसुस 2:7

ताकि एण बाड़े मतोक अन्तर से हें बेलि हराल बटियाल कि यीशु मसीह अन्तर जे दाह असी जे असी, से कति बोडी असी।

2 थेस्सलु 1:10

ईं तिखेईं भुन्तु जिखेईं से अपु शुचे मेह्‍णु केआं महिमा त सम्हाई विश्वासी केआं इज्जत पाण जे एन्ता। जेन्हि बुच तुस बि भुन्ते, किस कि तुसी हें उगाही पुठ विश्वास किआ।

1 तिमुथि 1:13

अउं त पेहले तसे निन्याई लान्‍ताथ, त तेस पुठ विश्वास करणे बाड़ी भुंजान्‍ताथ, होर अनर्थ करणे बाड़ा थिआ, फि बि परमेश्वरे मोउं पुठ दाह की, किस कि तपल अउं विश्वासी नेओथ त अणजाणे अन्तर ए सोब कम किओ थिउ।

इब्रानी 7:25

इस बझई जुए, जे मेह्‍णु यीशु बेलिए परमेश्वरे भेएड़ एन्ते, से तेन्हि बचाई बटता, किस कि से तेन्हि जे प्रार्थना दुआ करण जे हमेशा जीन्ता असा।

1 पतरस 3:20

त सुआ साल पेहले जपल नूह पाणि जहाज बणाण लगो थिआ, तपल मेह्‍णु परमेश्वर ना मानतेथ। सुआ लाह रख कइ परमेश्वर तेन्हि भाड़ बिशो थिआ, तोउं बि से तस केईं ना आए। तपल जहाज अन्तर बिश कइ सद कुछ मेह्‍णु मतलब अठ मेह्‍णु बाढ़े पाणि केईआं बचे। पता मसीहे परमेश्वर ना मानणे बाड़े तेन्हि मेह्‍णु के आत्माई केईं घेई कइ प्रचार किआ।

2 पतरस 3:15

होर तुस समझ घिए कि प्रभु तोउं लाह रखता, किस कि से चहन्ता कि सोब बच घिए। एसे बारे हें ट्यारे भाई पौलुसे बि तेस ज्ञाने हेसाब जुए, जे तेस मेआ, तुसी जे लिखो असु।

2 पतरस 3:9

त जीं केहि मेह्‍णु समझते कि प्रभु अपु जुबान पूरी करण चेरे लान्ता, से ठीक नेईं। से त तुं लिए लाह रखता। से न चहन्ता कि कोई खतम भो, पर ईं कि सोबी मन बदलणे मौका मेओ लौता।