1 तिमुथि 1:14 - Walangi

¹⁴ ओ हो! तोउं बि प्रभु कृपादृष्टि मोउं पुठ कति उचिल गई! होर विश्वास त परेम बि यीशु मसीहे बइ सुआ मेईंया।

1 तिमुथि 1:14 Iomraidhean Croise

मत्ती 20:9

जपल से, जे पंज बजे टेम कम जे गो थिए, अपु धिहाड़ी नेण जे आए त तेन्हि यक यक तोड़े चन्नी मेलकी मेई।

प्रतिनिधि 15:11

आं, हें ईं मनुण असु कि से त अस बि प्रभु यीशु कृपाई बेलिए ईं बच घेन्ते।”

रोमी 16:20

तोउं, शान्ति देणे बाड़ा परमेश्वर शैतान तुं खुरे बइ झठ ढचवाई छता। हें प्रभु यीशु मसीहे दाह दया त कृपादृष्टि हमेशा तुसी पुठ भुन्ति रिहे।

1 कुरिन्थ 15:10

तोउं बि, परमेश्वरे कृपादृष्टि कर कइ अउं अपु प्रतिनिधि बणा। मोउं पुठ तसे कृपादृष्टि जब्बर असर भुआ किस कि मेईं होरे सोब प्रतिनिधि केआं बि ज्यादा खुश खबरी लिए कष्ट किआ। ए मेईं अपु ताकते बेलि ना, बल्कि परमेश्वरे कृपादृष्टि बेलि किउ, जे मोउं पुठ भो असी।

1 कुरिन्थ 3:10

परमेश्वरे अपु बोके मेह्‍णु शिचालणे जे वर मेन्धे दुतो असा, तसे बेलि जीं अब्बल मिस्त्री खाई देन्ता तीं मेईं बि मेह्‍णु शिचाल कइ विश्वासे खाई दुतो असी। त होरा जेईं तेस पुठ चणाई करण लगो असा। पर हर यक मेह्‍णु चलाकी जुए बिशे, कि से तेस पुठ की चणाई कता।

2 कुरिन्थ 13:14

प्रभु यीशु मसीहे कृपादृष्टि, परमेश्वरे परेम त शुची आत्माई संग तुसी सोबी जोई भुन्ति रिहे। आमीन

2 कुरिन्थ 4:15

किस कि जे किछ बि भुण लगो असु, से सोब तुसी जे असु। इसे बेलि सुआ मेह्‍णु बुछ परमेश्वरे कृपा भुन्ति त सुआ जेईं परमेश्वरे महिमा करण जे तसे धन्यवाद कते।

2 कुरिन्थ 8:9

तुसी हें प्रभु यीशु मसीहे कृपाई बारे त पता असा। से कीं स्वर्ग अन्तर अमीर भोई कइ बि तुं लिए इस धरती पुठ गरीब बण कइ जमा, ताकि तसे गरीब बणणे बेलिए तुस अमीर बण घिए।

गलाती 1:13

तुसी सम्हाई त में पुराणि जिन्‍दगी बारे पता असा कि मोउं यहूदी धरम जोई कत लगाव थिआ। अउं त पूरे जोश जुए परमेश्वरे सतसंग भुंजान्‍ताथ त तस मुकाणे चहन्ताथ।

1 थेस्सलु 1:3

त हें परमपिता परमेश्वरे सम्हाणि तुस विश्वास अन्तर जे कम कते, परेम जुओई जे मेहनत कते त हें प्रभु यीशु मसीह पुठ जे तुं पक्की उम्मीद असी, तस याद कते।

1 थेस्सलु 5:8

पर अस त टगड़ियारी भिन्थ। त असी प्रभु यीशु पुठ विश्वास करणे त यकी होरी जोई परेम करणे कवच डब कइ त प्रभु यीशु जे असी बचान्ता, तेस बचणे उम्मीदे टोफ लाई कइ चौकाने बिश्ते।

1 तिमुथि 2:15

तोउं त परमेश्वरे तसे धे शुली के टेम चिड़ंग दिती। तोउं बि अगर जिल्हाणु धीरज जुए विश्वास कती रेहन्ती, परेम जोई सोबी जुए उरतती-बरतती, होर अपफ शुचे रखती त बच घेन्ति।

1 तिमुथि 4:12

तु परमेश्वरे वचन अन्तर, तें चाल चलण अन्तर, परेम त विश्वास अन्तर होर शुचे विचार अन्तर सम्हाई विश्वासी जे नमूना बण, ताकि तें कम उमरी बझई जुए कोई तें बोक अणशुणि ना करे, पर सोब पूरा मन लाई कइ शुणे।

1 तिमुथि 6:11

पर ए परमेश्वरे मनखा, तिमुथियुसा! तु इन्हि सोबी बोकी केआं दूरु बिश त धरम, भक्ति, विश्वास, परेम, धीरज त अपफ घटाई कइ बिशुण जे अपु पूरी ताकत ला।

2 तिमुथि 1:13

जे खरी खरी बोके तेईं मोउं केआं शुणो असी, तस मसीह यीशु अन्तर पूरे विश्वास त परेम जुए यक अब्बल शिक्षा समझ कइ पक्के बण बिश।

2 तिमुथि 2:22

तोउं त में कुआ, जे पापे कम जवान मेह्‍णु करण चहन्ते, तेस केआं दूर बिश त जे शुचे मन जुए परमेश्वरे सेवा कते, तेन्हि जुए मी कइ परमेश्वरे नजर अन्तर अब्बल जीणे, तसे यकीन लेएक भुणे त होरी जे परेमे करणे, होर उई मी कइ बिशुण जे जीं तीं कोशिश कर।

तीतुस 2:2

मतलब कि स्याणे मड़दी जे बोल कि से अपु चेता अन्तर, इज्जत जुए, समोझि कइ बिशे। होर अपु विश्वास, परेम त दुख सेहणे अन्तर होरी जे नमूना बणे।

1 पतरस 1:3

हें परमपिता परमेश्वरे त प्रभु यीशु मसीहे बोउए गुणगान लौता भो कि तेन असी पुठ सुआ दाह कर कइ यक नोउआं जनम दुतो असा, त यीशु मसीह मरो तेन्हि अन्तरा दुबारी जीआ। ई कर कइ तेन हेन्धे यक जीन्‍ती उम्मीद दुतो असी।

1 यूहन्ना 4:10

ई नेईं कि अस परमेश्वर जोई परेम कते, बल्कि परेम त तेन असी जोई किआ, होर हें पापी के फल भुगतुण जे अपु कुआ लंघा ताकि असी माफी मेई बटियेल।

प्र. बोके 22:21

प्रभु यीशु कृपादृष्टि सोबी पुठ भुन्ति रिहे। आमीन।