1 तिमुथि 1:12 - Walangi

¹² अउं, हें प्रभु यीशु मसीह जे धन्यवाद देन्ता किस कि अउं नालायक थिआ, तोउं बि तेन अउं यकीन लेएक समझ कइ अपु सेवा करण जे नियुक्त किआ त शक्ति दिती।

1 तिमुथि 1:12 Iomraidhean Croise

मत्ती 20:4

तेन तेन्हि जे बोलु, ‘तुस बि में बग घिए, त जे कुछ तुं बणतु अउं तुन्धे देन्ता।’ तोउं से बि गे।

यूहन्ना 5:23

ताकि सम्हाई मेह्‍णु जीं बोउए इज्जत कते, तीं कोईये बि इज्जत करे। जे कोईये इज्जत ना कता, से बोउए इज्जत ना कता, किस कि तेन कुआ लंघो असा।

प्रतिनिधि 16:15

होर जपल से अपु पूरे टब्बर जोई साते पुओणि अन्तर चुसिए, त तेन छने किउ, “अगर तुस मोउं सच्चे प्रभु विश्वासी समझते, त हंटे, दुई चोउर रोज में गी बिशे।” तोउं से असी मनाई कइ घिन गई।

प्रतिनिधि 9:15

पर प्रभु तेस जे बोलु, “तु घेण दे; किस कि से त में चुणो भो, ताकि से में नओएं गैर यहूदी, राजी त इस्राएली मेह्‍णु के सामणि प्रचार करियाल।

प्रतिनिधि 9:22

पर शाऊल हउ बि ताकती बइ प्रचार कते गा। त सोबी यीशु ईं मसीह भुणे साबित कर कइ दमिश्क शेहरे यहूदी मेह्‍णु के मुंह जीं मुरुड़ दी छउ।

1 कुरिन्थ 15:10

तोउं बि, परमेश्वरे कृपादृष्टि कर कइ अउं अपु प्रतिनिधि बणा। मोउं पुठ तसे कृपादृष्टि जब्बर असर भुआ किस कि मेईं होरे सोब प्रतिनिधि केआं बि ज्यादा खुश खबरी लिए कष्ट किआ। ए मेईं अपु ताकते बेलि ना, बल्कि परमेश्वरे कृपादृष्टि बेलि किउ, जे मोउं पुठ भो असी।

1 कुरिन्थ 3:5

मोउं बस बताण दिए कि अपोलुस कोउं भो? त पौलुस कोउं भो? से त बस सेवक भिन्थ। त जीं प्रभु ठीक किओ थिउ, तीं तेन्के बेलि तुसी मसीह पुठ विश्वास किआ।

1 कुरिन्थ 7:25

तोउं, छड़ी कुई के बारे प्रभु केआं बेशक मोउं कोई निआंग नेईं मेओ, तोउं बि प्रभु केआं मेओ दाह बेलि यकीन लेएक भुणे बझई जोई अउं ई सलाह देन्ता।

2 कुरिन्थ 4:1

किस कि अस परमेश्वरे कृपादृष्टि बेलिए ईं तस सेवा कते, त अस उम्मीद न छते।

गलाती 3:26

त जेन्हि बि मसीह यीशु पुठ विश्वास कर कइ तस जुए पुओणि अन्तर चुसिए असे, तेन्हि सम्हाई मसीहे दुतो नोउएं गुण झिणि के ईं डबो असे। इस बझई जुए तुस जे मसीह पुठ विश्वास कते सम्हाई अब परमेश्वरे गभुर बणि गो असे।

गलाती 3:28

तुं बुच अभेईं ना यहूदी, ना गैर यहूदी; ना गुलाम ना अजाद; होर ना जिल्हाणु नामड़द, कोई फरक नेईं; किस कि यीशु मसीह अन्तर तुस सम्हाई यक भोई गो असे।

फिलिप्पी 2:11

त होरी जे बोलियेल कि “सद यीशु मसीह प्रभु असा” जेसे बेलि परमपिता परमेश्वरे महिमा भुन्ति।

फिलिप्पी 4:13

जे मोउं ताकत देन्ता, से मसीह भो। तेसे बेलि अउं हर हाले सामणा कइ बटता।

कुलोसी 1:25

त परमेश्वरे खुश खबरी प्रचार करणे जिम्मा मेन्धे दी कइ तेन अउं सतसंगे सेवक बणा।

1 तिमुथि 1:1

ट्यारे तिमुथियुस, विश्वास अन्तर में सच्चा कुआ! अउं यीशु मसीहे प्रतिनिधि पौलुस इस चिट्ठि लिखुण लगो असा। अउं असी बचाणे बाड़ा परमेश्वर त हें उम्मीद यीशु मसीहे निआंगी बेलि तसे प्रतिनिधि बणो असा। परमपिता परमेश्वरे, त हें प्रभु यीशु मसीहे दाह, कृपादृष्टि त शान्ति तोउ पुठ भुन्ति रिहे। आमीन!

1 तिमुथि 1:11

ए शिक्षा तेस परमधन्य परमेश्वरे महिमा बाड़ी खुश खबरी हिसाब जुए असी, जेसे जिम्मेबारी मेन्धे दुतो असी।

1 तिमुथि 6:13

सोबी कें धे जिन्‍दगी देणे बाड़ा परमेश्वर, त राज्यपाल पुन्तियुस पिलातुसे सम्हाणि खरी हिम्मत जुए उगाही देणे बाड़ा यीशु मसीह उगाह रख कइ अउं तोउ जे ई निआंग देन्ता,

2 तिमुथि 2:2

त प्रभु यीशु बारे जे जे बोके तेईं सुआ मेह्‍णु के सम्हाणि मोउं केआं शुणो असी, तेन्हि बोकी तु ईं यकीन लेएक मेह्‍णु शिचाल, जे होरे मेह्‍णु शिचाल बटते।

2 तिमुथि 4:17

पर प्रभु मोउं जुए बिशा त मेन्धे अपु ताकत दिती, ताकि में बेलि खुश खबरी पूरा प्रचार भोल त सम्हाई गैर यहूदी तस शुणेल। त अउं मरुण केआं बच गा।

तीतुस 1:4

त ए तीतुसा! विश्वास अन्तर में सच्चा कुआ, तोउ जे ई लिखुण लगो असा। परमपिता परमेश्वरे त असी बचाणे बाड़ा यीशु मसीहे कृपादृष्टि त शान्ति तोउ पुठ भुन्ति रिहे। आमीन

फिलेमोन 1:9

तोउं बि मोउं स्याणा पौलुस परेम जुएई तें छनेअरे करण खरु लगु। एचेल अउं मसीह यीशु लिए जेहेल अन्तर असा।