1 तिमुथि 1:11 - Walangi

¹¹ ए शिक्षा तेस परमधन्य परमेश्वरे महिमा बाड़ी खुश खबरी हिसाब जुए असी, जेसे जिम्मेबारी मेन्धे दुतो असी।

1 तिमुथि 1:11 Iomraidhean Croise

लूका 2:14

“खड़िया अम्बर पुठ परमेश्वरे गुणगान लौतु भुओ, होर धरती पुठ जेन्हि हेर से खुश असा, तेन्हि शान्ति लौती मेओ।”

1 कुरिन्थ 9:17

किस कि अगर अउं अपु मर्जी जुए प्रचार कता त मोउं तढ़ि मजूरी मेती। पर में बजन मर्जी बि अगर परमेश्वरे ए कम मेन्धे दुतो असु त मोउं ए करुण एन्तु।

2 कुरिन्थ 4:4

तेन्हि से खुश खबरी टगड़ियार न केती, जे परमेश्वरे यकी दुई मसीहे रौनक भो, किस कि इस धरती जे देवता असा, तेन तेन्के मन अन्हारा कइ छो असा।

2 कुरिन्थ 4:6

किस कि, ए सेईंए परमेश्वर भो, जेन सृष्टि बणाणे टेम बोलु कि “अन्हारु केआं टगड़ियार चमके।” त परमेश्वरे ईं अपु टगड़ियार हें मन अन्तर चमकाओ असी ताकि अस परमेश्वरे तेस रौनक मसीह यीशु बेलि समझ बटते।

गलाती 2:7

पर तेन्हि मुखिये हेरे कि पतरसे बेलि जीं परमेश्वर बोडी ताकत जुए यहूदी मेह्‍णु बुच कम कता, तीं में बेलि बि गैर यहूदी बुच कम कता। त तेन्हि पता लग गा कि परमेश्वरे जीं पतरस जे यहूदी मेह्‍णु बुच खुश खबरी प्रचार करणे जे प्रतिनिधि बणो थिआ, तीं अउं बि गैर यहूदी मेह्‍णु बुच प्रचार करणे जे प्रतिनिधि बड़ो असा।

इफिसुस 1:12

जेसे बोडी दाहे बझई जोई हें बेलि तसे महिमा भोल, किस कि असी यहूदी सम्हाई केआं पेहलाई मसीह पुठ उम्मीद रखो थी।

इफिसुस 1:6

जेसे बेलि अस तसे तेस बोडी कृपादृष्टि महिमा कते, जे तेन यीशु मसीह अन्तर असी पुठ की।

इफिसुस 2:7

ताकि एण बाड़े मतोक अन्तर से हें बेलि हराल बटियाल कि यीशु मसीह अन्तर जे दाह असी जे असी, से कति बोडी असी।

इफिसुस 3:10

ताकि सतसंग बेलि परमेश्वरे हर यक ज्ञान अम्बरे मुखिया त अधिकारी अगर हरालियेल।

कुलोसी 1:25

त परमेश्वरे खुश खबरी प्रचार करणे जिम्मा मेन्धे दी कइ तेन अउं सतसंगे सेवक बणा।

1 थेस्सलु 2:4

पर अस ईं बतान्ते जीं परमेश्वर अस यकीन लेएक समझ कइ अपु खुश खबरी जिम्मेबारी दुतो असी। त हें मकसद मेह्‍णु खुश करण जे ना, बल्कि परमेश्वर खुश करण जे असा। किस कि सेईंए हें मने भियो परखता।

1 तिमुथि 2:7

अउं सच बोता कि इस बझई जुए ईं अउं प्रचारक, त यीशु मसीहे प्रतिनिधि बणो असा। परमेश्वरे अउं होरे जाति मेह्‍णु जे सच्चाई त विश्वासे शिक्षा देण जे नियुक्त किओ असा। ए बोक झूठ नेईं।

1 तिमुथि 6:15

परमेश्वर अपु ठीक किओ टेम पुठ प्रभु यीशु दुबारी लंघान्ता। किस कि से परमधन्य असा, सद यके राजा असा, सेईंए राजी के राजा, त प्रभु के प्रभु असा,

1 तिमुथि 6:20

त ए तिमुथियुसा! जे सच्चा वचन तेन्धे दुतो असे, तेन्हि सही सलामत रख कइ मेह्‍णु शिचालिण दे; त जे शिक्षा परमेश्वरे इच्छाई खिलाफ असी, तेस केआं त जुठी बोकी बेहेस केआं बि दूर बिश।

2 तिमुथि 1:11

त परमेश्वरे इसे प्रचार करण त मेह्‍णु शिचालण जे अउं प्रतिनिधि बणा।

2 तिमुथि 1:14

त जे शुची आत्मा हें अन्तर भुन्ति, तसे ताकती बेलि इस खुश खबरी रखवाली कर।

2 तिमुथि 2:2

त प्रभु यीशु बारे जे जे बोके तेईं सुआ मेह्‍णु के सम्हाणि मोउं केआं शुणो असी, तेन्हि बोकी तु ईं यकीन लेएक मेह्‍णु शिचाल, जे होरे मेह्‍णु शिचाल बटते।

तीतुस 1:3

अब ठीक टेम पुठ तेन अपु बोक मेह्‍णु के सामणि अण्हती, जेसे सम्हाई के अगर प्रचार करण जे परमेश्वरे मोउं जिम्मा दुतो असा।