1 तिमुथि 1:10 - Walangi

¹⁰ त जे गलत तरीके जुए जिसमे संमंध रखते, त जे अपु लिंगे मेह्‍णु जोई रिश्ता रखते, त जे मेह्‍णु गुलाम बड़ाई कइ बेचते, जे झूठ बोते, त जे झुठी सोह कते त इन्हि छड़ कइ जे खरी शिक्षाई खिलाफ भुन्ते।

1 तिमुथि 1:10 Iomraidhean Croise

यूहन्ना 8:44

तुसी सम्हाई के बोउ शैतान भो त तुस तसे इच्छाई मुताविक जीण पसंद कते। से त शुरुवात केआं ईं मेह्‍णुमार असा त तस कदी परमेश्वरे सच्चा वचन ट्यारे ना लगे, किस कि सच्चाई तस अन्तर नेईं। जपल से झूठ बोता, त अपु सभावे हिसाब जुए बोता किस कि से झूठा असा त झूठ बोलुणे बाड़ी के बोउ असा।

रोमी 1:26

तोउं त, परमेश्वरे से कुस्तुरी लालचे वश अन्तर छड़ दिते। तेन्के जिल्हाणु अपु अपु सभावे हेसाब जुए रिश्ता रखुंण छड़ दी कइ गलत रिश्ता रखण लगी।

1 तिमुथि 4:6

बे कोईया, अगर तु विश्वासी भाई भेणि जे इन्हि बोकी के चेता दिआन्ता रेहन्ता त तु यीशु मसीहे बधिआ सेवक बणता। त विश्वासे वचन त जे खरी शिक्षा तेईं अभेईं तकर मनो असी, तेन्हि बोकी बइ तें लालन-पालन भुन्ता रेहन्ता।

1 तिमुथि 6:3

हें प्रभु यीशु मसीहे बोके त शिक्षा परमेश्वरे इच्छाई हेसाब जुओई असी। त जे मेह्‍णु तस खरी शिक्षा छड़ दी कइ गलत शिक्षा देन्ता,

2 तिमुथि 1:13

जे खरी खरी बोके तेईं मोउं केआं शुणो असी, तस मसीह यीशु अन्तर पूरे विश्वास त परेम जुए यक अब्बल शिक्षा समझ कइ पक्के बण बिश।

2 तिमुथि 4:3

किस कि ईं टेम बि एन्ता जपल मेह्‍णु खरी शिक्षा ना मानते, पर अपु अपु पापे गुणे खातिर सद तिहांणि शिक्षा शिचालणे बाड़ी कठेरते, जे से शुणुण पसंद कते।

तीतुस 1:13

ए बोक सच्ची असी। तोउं त तेन्हि खरे समझाण दिए ताकि तेन्के विश्वास सुसुर रिहे।

तीतुस 1:9

होर से जे यकीन लेएक वचने शिक्षा असी केआं शिचो असी, से तेन्हि सुसुर मानते ताकि से खरे प्रवचन दी बटियेल त जे खिलाफ असे तेन्हि चुप कराई बटियेल।

इब्रानी 13:4

ब्याहे सोबी इज्जत करीण चहिए। त ब्याहे बछाण शुचु रखे, किस कि परमेश्वर नाजायज रिश्ता रखणे बाड़ी त गलत तरीके जुए जिसमे संमंध रखणे बाड़ी के पंची कता।

यहूदा 1:7

तिहांणि सदोम, अमोरा त तसे औत-कोती बइ शेहरे मेह्‍णु बि सुआ बुरा बर्ताव किआ त मड़द मड़द बुछ त जिल्हाणु जिल्हाणु बुछ नाजायज रिश्ते रख कइ लूचियाम किउ। तेन्हि बि परमेश्वरे अमर आगी सज्जा दिती कि से सोबी जे यक नमूना बणियेल।

प्र. बोके 18:13

होर से दालचीनी, मसाले, गुगुल, मुश्कदार तेल, खुशबुदार गुगुल, अराख, जैतुने तेल, मैदा, गिहुं, गुओरु, ढडुड़ बकरी, घोड़े, रथ त मेह्‍णु बि गुलाम बणाई कइ बेचतेथ।”

प्र. बोके 21:27

पर तेस अन्तर कोई बि जुठी चीज घेई ना सकती। होर ना तेस अन्तर कोई नलाज्जे कम करणे बाड़ा, या झूठ बोलुणे बाड़ा घेई सकता। पर तेस अन्तर सद से मेह्‍णु घेई सकते, जेन्के नओं किएऊ जीवने कताब अन्तर लिखो असु।

प्र. बोके 21:8

पर डरपोकी, अविश्वासी, बुराई करणे बाड़े, मेह्‍णुमार, गलत तरीके जुए जिसमे संमंध रखणे बाड़े, जादू टौणा करणे बाड़े, मुर्तिपुजा करणे बाड़े त सोब झूठे तेस टह्‌नु अन्तर घेन्ते, जे हमेशा आग त गन्धके बेलि जाओरा रेहन्ता। एईएं दोकु मरुण भो।”

प्र. बोके 22:15

पर जुठे मेह्‍णु जीं कि जादू टौणा करणे बाड़े, गलत तरीके जुए जिसमे संमंध रखणे बाड़े, मेह्‍णुमार त मुर्तिपुजा करणे बाड़े त झूठ बणाणे बाड़ा त झूठे साथ देणे बाड़े शेहरे बाहरे ईं रेहन्ते।”