1 तिमुथि 1:1 - Walangi

^1-2 ट्यारे तिमुथियुस, विश्वास अन्तर में सच्चा कुआ! अउं यीशु मसीहे प्रतिनिधि पौलुस इस चिट्ठि लिखुण लगो असा। अउं असी बचाणे बाड़ा परमेश्वर त हें उम्मीद यीशु मसीहे निआंगी बेलि तसे प्रतिनिधि बणो असा। परमपिता परमेश्वरे, त हें प्रभु यीशु मसीहे दाह, कृपादृष्टि त शान्ति तोउ पुठ भुन्ति रिहे। आमीन!

1 तिमुथि 1:1 Iomraidhean Croise

लूका 1:47

में आत्मा में बचाणे बाड़ा परमेश्वर केआं खुश भुई।

लूका 2:11

आज दाऊद राजे ग्रां, बैतलहम अन्तर तुं लिए यक बचाणे बाड़ा जमो असा त सेईंए मसीह प्रभु भो।

प्रतिनिधि 9:15

पर प्रभु तेस जे बोलु, “तु घेण दे; किस कि से त में चुणो भो, ताकि से में नओएं गैर यहूदी, राजी त इस्राएली मेह्‍णु के सामणि प्रचार करियाल।

रोमी 1:1

में ट्यारे रोम शेहरे विश्वासी भाई त भेणिओं! अउं पौलुस, यीशु मसीहे सेवक तुसी जे नमस्कार कता। परमेश्वरे अउं मसीहे प्रतिनिधि बणण जे भिहो असा, त तसे खुश खबरी प्रचार करण जे बखरे किओ असा।

1 कुरिन्थ 1:1

ए ट्यारे कुरिन्थुस शेहरे परमेश्वरे सतसंग! अउं पौलुस त हें भाई सोस्थेनुस तुसी सम्हाई जे नमस्ते कते। परमेश्वरे अउं अपु इच्छाई बेलि यीशु मसीहे प्रतिनिधि बणो असा। त परमेश्वरे तुस सम्हाई जेईं जे यीशु मसीह पुठ विश्वास कर कइ शुचे भुण जे भिहो असे त शुचे किओ असे। सद तुसे ना, बल्कि से सम्हाई जेईं बि तेन भिहो असे, जे हें प्रभु यीशु मसीह नओं पुठ विश्वास कर कइ प्रार्थना कते।

1 कुरिन्थ 9:17

किस कि अगर अउं अपु मर्जी जुए प्रचार कता त मोउं तढ़ि मजूरी मेती। पर में बजन मर्जी बि अगर परमेश्वरे ए कम मेन्धे दुतो असु त मोउं ए करुण एन्तु।

2 कुरिन्थ 1:1

ट्यारे कुरिन्थुस शेहरे परमेश्वरे सतसंग त पूरे अखया राज्य परमेश्वरे चुणो मेह्‍णुओ! अउं पौलुस, जे परमेश्वरे इच्छाई बेलि मसीह यीशु प्रतिनिधि असा त हें भाई तिमुथियुस, तुसी जे नमस्ते कते।

गलाती 1:1

ट्यारे गलाती इलाके यीशु मसीहे सतसंगे, सोबी भाईओ त भेणिओं! अउं पौलुस, त में सम्हाई साथी तुसी जे नमस्कार कते। अउं यीशु मसीहे यक प्रतिनिधि भो। अउं मेह्‍णु केआं मेओ हके बेलि नेईं, बल्कि यीशु मसीहे त तस मुओ मेह्‍णु केआं दुबारी जीआणे बाड़ा परमपिता परमेश्वरे दुतो हके बेलि प्रतिनिधि बणो असा।

गलाती 1:11

में ट्यारे भाई त भेणिओं! अउं तुसी बताण चहन्ता कि जे खुश खबरी मेईं तुसी शुणाई, से मेह्‍णु के बड़ाओ नेओथ।

कुलोसी 1:27

तेन चहु कि शुचे मेह्‍णु ई पता लगो लौता कि तसे खुश खबरी अन्तर जे नियको बोक असी, से सम्हाई मेह्‍णु जे कती बोडी फायदा बाड़ी असी। से बोक ई असी कि मसीह हें अन्तर बिश्ता त तसे बेलि ईं अस सम्हाई परमेश्वरे हकदार बणो असे।

2 थेस्सलु 2:16

अभेईं, हें प्रभु यीशु मसीह अपफ, त हें परमपिता परमेश्वर, जेन असी जोई परेम किओ असा त अपु दाह जुए हें धे कदी ना मुकुणे बाड़ा अराम त खरी उम्मीद दुतो असी,

1 तिमुथि 1:12

अउं, हें प्रभु यीशु मसीह जे धन्यवाद देन्ता किस कि अउं नालायक थिआ, तोउं बि तेन अउं यकीन लेएक समझ कइ अपु सेवा करण जे नियुक्त किआ त शक्ति दिती।

1 तिमुथि 2:3

ईं हें बचाणे बाड़ा परमेश्वर जे खरु लगतु त तस सुआ पसंद कता।

1 तिमुथि 2:7

अउं सच बोता कि इस बझई जुए ईं अउं प्रचारक, त यीशु मसीहे प्रतिनिधि बणो असा। परमेश्वरे अउं होरे जाति मेह्‍णु जे सच्चाई त विश्वासे शिक्षा देण जे नियुक्त किओ असा। ए बोक झूठ नेईं।

1 तिमुथि 4:10

अस तोउं मेहनत त कष्ट कते, किस कि हें विश्वास तेस जीन्ता परमेश्वर पुठ असा, जे सम्हाई मेह्‍णु, खास कर विश्वासी मेह्‍णु बचाणे बाड़ा असा।

तीतुस 1:3

अब ठीक टेम पुठ तेन अपु बोक मेह्‍णु के सामणि अण्हती, जेसे सम्हाई के अगर प्रचार करण जे परमेश्वरे मोउं जिम्मा दुतो असा।

तीतुस 2:10

चोरुण नउ; पर अपफ जे पूरा यकीन लेएक त खरा हराले ताकि असी बचाणे बाड़ा परमेश्वरे वचने शिक्षाई इज्जत बधियेल।

तीतुस 2:13

त अपु से बोडे उम्मीद, मतलब हें बोडा परमेश्वर त बचाणे बाड़ा यीशु मसीह दुबारी एणे भाड़ बिशे।

तीतुस 3:4

पर जपल हें बचाणे बाड़ा परमेश्वर अपु दाह त परेम हराला,

तीतुस 3:6

से आत्मा तेन असी बचाणे बाड़ा यीशु मसीहे बेलि असी पुठ रज्जि दुतो असी।

1 पतरस 1:21

तसे बेलिए तुस तेस परमेश्वर पुठ विश्वास कते, जेन से मरो तेन्हि अन्तरा जीआ त सुआ इज्जत दिती, ताकि तुं विश्वास त उम्मीद परमेश्वर पुठ भो।

1 पतरस 1:3

हें परमपिता परमेश्वरे त प्रभु यीशु मसीहे बोउए गुणगान लौता भो कि तेन असी पुठ सुआ दाह कर कइ यक नोउआं जनम दुतो असा, त यीशु मसीह मरो तेन्हि अन्तरा दुबारी जीआ। ई कर कइ तेन हेन्धे यक जीन्‍ती उम्मीद दुतो असी।

2 पतरस 1:1

ए ट्यारे भाई त भेणिओं! जेन्हि हें ईं मसीह पुठ विश्वास करणे मौका मेओ असा, अउं शमौन पतरस, यीशु मसीहे नौखर त प्रतिनिधि, तुसी सोबी जे नमस्ते कता। हें परमेश्वरे त बचाणे बाड़ा यीशु मसीहे भलाई बेलि ईं असी ए कीमति विश्वास मेओ असा।

1 यूहन्ना 4:14

असी हेर छोउ त उगाह बि देन्ते कि बोउए अपु कुआ मनख बचाणे बाड़ा बणाई कइ लंघो असा।