1 थेस्सलु 4:8 - Walangi

⁸ त जे इन्हि बोकी ना मानते, से असी मेह्‍णु ना, बल्कि जे परमेश्वरे तुं धे अपु शुची आत्मा देन्ता तस ना मानते।

1 थेस्सलु 4:8 Iomraidhean Croise

लूका 10:16

तोउं यीशु तेन्हि मेह्‍णु जे बोलु, “जे तुं शुणता, से जीं में शुणता; होर जे तुसी ना मानता, से मोउं बि ना मानता। होर जे मोउं ना मानता, से में लंघाणे बाड़े बि ना मानता।”

यूहन्ना 12:48

जे मोउं रोशुणीन्ते, त में बोक ना मानते, तेन्हि पुठ दोष लाणे बाड़ा त यक असा, मतलब में बोक भो, जे मेईं बोलो असी। सेईंए, परमेश्वरे न्याय करणे रोज तेन्के पंची कर कइ तेन्हि पुठ दोष लान्ता।

प्रतिनिधि 13:41

‘ए बुराई त हसाड़ करणे बाड़िओ, हेरे! हैरान भुए, होर खतम भोई घिए; किस कि इन्हि दिनि अन्तर अउं से कम करणे बाड़ा असा, जेसे बारे अगर कोउं तुसी जोई बोक करियाल, तोउं बि तुस कदी विश्वास न करियेल।’”

रोमी 5:5

तेस पुठ हें उम्मीद असी कदी लजेरती नउ। किस कि से अपु दुतो शुची आत्माई बेलि हें मन अपु परेम जुए भर छता।

1 कुरिन्थ 2:10

ए सोब नियोको बोक परमेश्वरे अपु आत्माई बेलि असी जे बतो असी, किस कि तसे आत्मा सम्हाई कुछ तोपती। से त परमेश्वरे मने भियो बि पता लान्ती।

1 कुरिन्थ 7:40

पर से जीं असी अगर तिहांणि छड़ी बिशियेल, त मोउं लगतु कि से सुआ खुश रेहन्ती। अउं समझता कि परमेश्वरे आत्मा मोउं अन्तर बि असी।

2 कुरिन्थ 1:22

असी पुठ अपु मुहर लाई कइ तेन अस नियुक्त किओ असे। अपु आत्मा निशाणी तौर पुठ हें अन्तर छोओ असी।

गलाती 4:6

त किस कि अस तसे गभुर भोई गो असे, त तेन अपु कोईये आत्मा असी केईं लंघो असी, ताकि अस बि तस “बोउ” बोल कइ हक दियेल।

1 पतरस 1:12

अभेईं जे बोक स्वर्ग केईआं लंघो शुची आत्माई बेलि खुश खबरी शुणाणे बाड़े तुसी शुणाई छो असी, से परमेश्वरे तेन्हि भविष्य वक्ती हरालो थी कि तेन्हि ए सोब बोके अपफ जे ना बल्कि तुं लिए बोलो थी। होर इन्हि बोकी के स्वर्गेदूत बि ध्यान जोई हेरणे लाछ कते।

2 पतरस 1:21

किस कि कोई बि भविष्य वाणि मेह्‍णु के मर्जी जुए कदी न भुन्ति, पर परमेश्वरे भक्त, शुची आत्माई बेलिए परमेश्वरे कनारा बोतेथ।

1 यूहन्ना 3:24

त जे तसे निआंग मानता, से परमेश्वर जुए होर परमेश्वर तस जुए जुड़ कइ बिश्ता। से शुची आत्मा जे परमेश्वरे हेन्धे दुतो असी, तेस केआं असी पता लगता कि से असी जुए जुड़ कइ बिश्ता।

यहूदा 1:8

तसे रीत जुएई ईं ए मेह्‍णु अपु अपु जिसम पुठ गन्दे गन्दे कम कते त बोते “असी दर्शण भो थिए।” से प्रभु हेर बि ना डरते त अपफ केईआं बोडे इज्जतदारी स्वर्गेदूती जे भलु बुरु बोलुण केआं बि ना डरते।