1 थेस्सलु 4:5 - Walangi

⁵ तुस तेन्हि होरे जाति मेह्‍णु के ईं मौज मस्ती अन्तर ना बिशे, जे परमेश्वर ना जाणते।

1 थेस्सलु 4:5 Iomraidhean Croise

मत्ती 6:32

किस कि अविश्वासी मेह्‍णु ईं अस चीजी तलाश अन्तर रेहन्ते। पर तुं स्वर्गे बोउ जाणता कि तुसी इन्हि सोब चीजी के जरूरत असी।

लूका 12:30

किस कि मतोके अविश्वासी मेह्‍णु ईं अस चीजी तलाश अन्तर रेहन्ते। पर तुं बोउ जाणता कि तुसी इन्हि सोब चीजी के जरूरत असी।

प्रतिनिधि 17:23

अउं हंटते हंटते जिखेईं तुं पूजा करणे चीज हेरण लगो थिआ, त मोउं यक ईं वेदी बि मेई, जेस पुठ लिखो थिउ, ‘अणजाणे ईश्‍वरे लिए।’ तुस बगैर जाणणे जेसे पूजा कते, अउं तसे बारे तुसी शुणान्ता।”

रोमी 1:24

एस बझई जोई परमेश्वरे से छड़ दुतो असे, ताकि से तेन्के मने इच्छाई हेसाब जुए गलत कम करियेल त अपफ बुच छना परदा न करियेल।

रोमी 1:26

तोउं त, परमेश्वरे से कुस्तुरी लालचे वश अन्तर छड़ दिते। तेन्के जिल्हाणु अपु अपु सभावे हेसाब जुए रिश्ता रखुंण छड़ दी कइ गलत रिश्ता रखण लगी।

रोमी 1:28

होर किस कि तेन्हि परमेश्वर मनण बेकार लगा, त परमेश्वरे बि से तेन्के नकम्मे मने वश अन्तर कइ छड़े, ताकि से हउ बि खरे-खोटे कम करियेल।

1 कुरिन्थ 1:21

किस कि परमेश्वर अपु बुद्धि बेलिए ठीक किउ कि मेह्‍णु अपु अक्ली बेलि तसे बारे पता ना लगियाल, बल्कि तेस ई खरु लगु कि हें खुश खबरी प्रचार पुठ जेन्हि विश्वास किआ, तेन से बचा। केहि मेह्‍णु समझते कि अस इरुह अपु शंकरेड़ शुखाड़ण लगो असे।

1 कुरिन्थ 15:34

सुधरीण दिए त पाप करण छड़ दिए, किस कि तुं बुछ केहि केहि असे जे ना परमेश्वर जाणते, होर ना परमेश्वरे वचन जाणते। अउं तुसी लजेरण जे ई सोब बोता, किस कि होश करीण तुं लिए खरु असु।

गलाती 4:8

ए ट्यारेओ, तुस पेहले परमेश्वर न जाणतेथ। तुस नौखर ईं बण कइ तेन्के सेवा कतेथ जे सच्चे बि परमेश्वर नेओथ।

इफिसुस 2:12

तुस इस्राएली टज केआं बखिए थिए। तुसी जे परमेश्वरे जुबान नेओथ। तुस नराश त बजन ईश्‍वरे थिए, त तपल मसीह केआं दूर थिए।

कुलोसी 3:5

तोउं त अपु जिसमे बुरी इच्छाई बेलि जीण छड़ दिए त नाजायज रिश्ता रखुंण, बेशर्मे कम करण, बेख्याल जीण, सद अपु इच्छाई मोह अन्तर बिशुण त लालच करण जे कि मुर्तिपुजा करणे ईं असी, इन्हि सम्हाई बुरे कम केआं दूर बिशे।

2 थेस्सलु 1:8

होर से तेन्हि मेह्‍णु सज्जा देन्ता, जे परमेश्वर ना जाणते त हें प्रभु यीशु मसीहे खुश खबरी ना मानते।

1 पतरस 4:3

किस कि तुसी परमेश्वर ना मानणे बाड़े मेह्‍णु के ईं अपु इच्छाई हेसाब जुए जीण अन्तर जीं कि बुगड़ो मत अन्तर, बुरी इच्छाई अन्तर, प्याकड़पन अन्तर, मौज मस्ती अन्तर, मस्त मलंग त कुस्तुरी मुर्तिपुजा कर कइ पेहलाई सुआ टेम बरबाद कइ छो असा।