1 थेस्सलु 4:3 - Walangi

³ किस कि परमेश्वरे इच्छा ई भो कि तुस शुचे बणे: मतलब कि नाजायज रिश्ता रखण केआं अपफ बचाई रखे।

1 थेस्सलु 4:3 Iomraidhean Croise

मत्ती 12:50

किस कि जे कोउं में स्वर्गे बोउए इच्छा पुठ चलते, सेईंए में ई, भाई त भेण भिन्थ।”

मत्ती 15:19

किस कि बुरे विचार, मेह्‍णु मारण, नाजायज रिश्ता रखुंण, चोरुण, झुठी उगाह देण त मेह्‍णु के बुराई करीण, ई सोब मेह्‍णु मन केआं निस्तु।

मत्ती 5:32

पर अउं तुसी जे बोता कि तुस अपु जुएली सिर्फ यक बझई जोई छड़ सकते, से भो नाजायज रिश्ता रखुंण। एस बझई छड़ दी कइ अगर कोउं केसे होरी बझई जोई अपु जुएली छड़ देन्ता त से अपु अपफ तस नाजायज रिश्ता रखुंण जे मजबूर कता। त जे कोउं तेस छड़ो जिल्हाणु जोई ब्याह कता से बि नाजायज रिश्ता रखता।”

मत्ती 7:21

जे मोउं जे “ए प्रभु, ए प्रभु!” कते तेन्हि अन्तरा हर कोई स्वर्गे राज्य अन्तर न एई बटते। पर सेईंए एई बटते जे में स्वर्गे बोउए इच्छाई पुठ चलते।

मरकुस 3:35

किस कि जे कोउं परमेश्वरे इच्छा मान कइ जीन्ता, सेईंए में सच्चे भाई, भेण त ई भो।”

यूहन्ना 4:34

पर यीशु तेन्हि जे बोलु, “मोउं खांजे खाणे बेलि ना, बल्कि परमेश्वरे इच्छा मानणे बेलि त तसे कम पूरा करणे बेलि ताकत मेती।

यूहन्ना 7:17

अगर कोई तसे इच्छा जुए जीण चहन्ता, त तस में शिक्षा बारे पता लगाल कि ए परमेश्वर केआं असी, ना अउं अपफ एस बणाई कइ बोलुण लगो असा।

प्रतिनिधि 15:20

पर अस तेन्हि जे चिट्ठि लिख कइ ई चोउर नियम मनण जे बोते। मुर्ति केआं जुठा भुण केआं अपफ बचाई रखे, लछबन भुण केआं बचुण, कियाड़ी केआं घोप कइ मरो जानवरी के मासुं ना खाण, त लहु ना खाण पीण।”

प्रतिनिधि 15:29

तुस मुर्ति केईं भकत चढ़ो जानवरी के मासुं ना खाए, लहु ना खाए, ना पिए, कियाड़ी केआं घोप कइ मरो जानवरी के मासुं ना खाए त लछबन भुण केआं दूर बिशे। अन्हि केआं दूर बिशियेल त तुं भलु भुन्तु। तुसी शान्ति मेती रिहे।”

प्रतिनिधि 20:32

“अब अउं तुसी परमेश्वरे त तसे कृपाई वचने हवाले कता; जे तुं सुहलियत कइ सकता त जे सोब शुचे किओ मेह्‍णु जुओई तुन्धे बि विरासत दी सकता।

प्रतिनिधि 26:18

तोउं तें बेलि अउं तेन्के टीर उघाड़ुं कि से अन्हारे केआं टगड़ियारी त शैताने वश केआं परमेश्वरे कना जे अपु मन खिरकाल, होर तेन्हि अपु पापी के माफी मेईंयेल। होर तेन्हि से विरासत मेईंयेल, जे मोउं पुठ विश्वास करणे बाड़ी जे परमेश्वरे रखो असी।’”

रोमी 1:29

तोउं त से सोब किस्मे अधर्मी, त दुष्ट कम कते। तेन्के जीण लालच त बैरभाव जुए भरी गो असु। से होरी हेर जड़ते, मेह्‍णु मारते, झगड़ीन्‍ते, त छल कपट कते त हर बोकी बुराई कते। से चाथि कते।

रोमी 12:2

इस मतोके मेह्‍णु के ईं न बणे। पर तुं मन बदलीणे हेसाब जोई परमेश्वर तुं चाल चलण बि बदलण दिए, जेसे बेलिए तुस परमेश्वरे खरी, तस खुश करणे बाड़ी त हर कनारी बइ सिद्ध इच्छा बिझियेल।

रोमी 6:22

पर अब पाप केआं अजाद भोई कइ त परमेश्वरे गुलाम बण कइ तुसी जे फायदा भो असा, तसे बेलिए तुस शुचे भुन्ते, त अखिर अन्तर अमर जीवन मेता।

1 कुरिन्थ 1:30

परमेश्वरे ई तुस यीशु मसीह पुठ विश्वास करणे बझई जुए जीन्ते किओ असे, किस कि मसीहे बेलि परमेश्वरे तुन्धे बुद्धि दुतो असी; तेन तुस अपफ जुए मिओ असे, अपफ जे तुस शुचे किओ असे त तुस पापे शंकीड़ी केआं छुड़को असे।

1 कुरिन्थ 7:2

पर अउं बोता कि हर यक मड़दे जुएली त हर यक जिल्हाणु अपु धाणि लौता, ताकि तुस नाजायज रिश्ता रखण केआं बच बटियेल।

2 कुरिन्थ 12:21

मोउं डर असा कि, जपल फि अउं तुसी जोई मीण जे एऊं, त तुं तेन्हि पापी के बझई जोई मोउं परमेश्वरे सामणि लजीण एईयेल। होर तुं नाजायज रिश्ता रखणे त लूचा लफंगे कम त होरे बुरे बुरे कमी के पछतावा ना करणे बझई जुए मोउं ती दुख लगाल।

गलाती 5:19

तुसी त पता असा कि जे जिसमे इच्छाई वश अन्तर रेहन्ता, से की की कता। से नाजायज रिश्ता रखता, बेशर्मी कम कता त लूचपन अन्तर बिश्ता।

इफिसुस 5:17

तोउं त परमेश्वरे इच्छा की असी, तस सुसुर समझीण दिए ताकि मुर्ख ना बणियेल।

इफिसुस 6:6

सद तेन्के टीर अगर ना, बल्कि परमेश्वरे इच्छाई हेसाब जुए मसीहे गुलामे ईं हर बेले तेन्हि खुश करणे कोशिश करे।

कुलोसी 1:9

त जिखेईं केआं असी इ शुणो असु, तुसी जे प्रार्थना करण केआं अस नेईं रुको। अस विनती कते कि तुसी शुची आत्माई बेलि सम्हाई बुद्धि त ज्ञान जुए परमेश्वरे इच्छाई ठीक ठाक पता लगो लौता।

कुलोसी 3:5

तोउं त अपु जिसमे बुरी इच्छाई बेलि जीण छड़ दिए त नाजायज रिश्ता रखुंण, बेशर्मे कम करण, बेख्याल जीण, सद अपु इच्छाई मोह अन्तर बिशुण त लालच करण जे कि मुर्तिपुजा करणे ईं असी, इन्हि सम्हाई बुरे कम केआं दूर बिशे।

कुलोसी 4:12

मसीह यीशु सेवक इपफ्रास बि तुसी जे नमस्कार कता। से तुं अठियाणि भो त हमेशा तुसी जे प्रार्थना कता रेहन्ता कि तुस विश्वास अन्तर सिद्ध भोई कइ परमेश्वरे इच्छा पुठ बस घियेल।

1 थेस्सलु 4:2

किस कि तुसी पता असा की प्रभु यीशु कनारा असी तुसी जे की की निआंग दुतो असी।

1 थेस्सलु 4:4

त ईं पता लाए कि कीं कइ अपु जिसम शुचा त इज्जत जुए रखते।

1 थेस्सलु 5:18

हर बोक पुठ धन्यवाद करे: किस कि यीशु मसीह अन्तर परमेश्वर चहन्ता कि तुस इहांणि करे।

1 थेस्सलु 5:23

त अभेईं, जे परमेश्वर शान्ति देन्ता, से अपफ तुसी पूरा शुचा करे; त तुं आत्मा, प्राण, त तुं जिसम हें प्रभु यीशु मसीह दुबारी एण तकर बजन कोई दोषे त बचाई रखे।

2 थेस्सलु 2:13

पर ए भाई त भेणिओं, त प्रभु यीशु ट्यारे मेह्‍णुओ! असी हर बेले तुं लिए परमेश्वरे धन्यवाद करुण बारा, किस कि शुरुवात केआं प्रभु तुसी चुणो असे, ताकि तुस शुची आत्माई बइ शुचे भोई कइ त सच्चाई पुठ विश्वास कर कइ बच बटियेल।

तीतुस 2:14

तेन अपु जिन्‍दगी हें लिए भकत दिती, ताकि अस सम्हाई पाप केआं छुड़कियेल त शुचे भोई कइ तसे यक टज बणियेल जे खरे खरे कम करण जे तेयार असे।

इब्रानी 10:36

तुसी लाह रखण जरूरी असा ताकि तुस परमेश्वरे इच्छा पूरी कर बटियेल त तुसी तसे जुबानी फल मेईंयाल।

इब्रानी 12:16

खबरदार बिशे कि तुसी बुचा कोई बि ना गलत तरीके जुए जिसमे संमंध रखियेल, होर ना अधर्मी बणियेल जीं एसाव थिआ। तेन त अपु हकदार भुणे हक बि यक डंगे खाण जे बेच छो थिआ।

इब्रानी 13:21

होर से तुसी तसे इच्छा पूरी करणे लिए सोबी भली गुणी बइ भर छड़े। जे किछ तस खरु लगतु, से यीशु मसीहे बेलिए तुं अन्तर घिए। तसे महिमा जुग जुग तकर भुन्ति रिहे। आमीन!

इब्रानी 13:4

ब्याहे सोबी इज्जत करीण चहिए। त ब्याहे बछाण शुचु रखे, किस कि परमेश्वर नाजायज रिश्ता रखणे बाड़ी त गलत तरीके जुए जिसमे संमंध रखणे बाड़ी के पंची कता।

1 पतरस 4:2

ताकि तुस मतोक अन्तर तुं बचो जिन्‍दगी अपु जिसमे इच्छाई हेसाब जुए ना, बल्कि परमेश्वरे इच्छाई हेसाब जुए जीएल।

1 यूहन्ना 2:17

मतोक त तसे बुरे लालच दुहे खतम भोई घेन्ते, पर जे परमेश्वरे इच्छा पुठ हंटता से हमेशा रेहन्ता।

प्र. बोके 21:8

पर डरपोकी, अविश्वासी, बुराई करणे बाड़े, मेह्‍णुमार, गलत तरीके जुए जिसमे संमंध रखणे बाड़े, जादू टौणा करणे बाड़े, मुर्तिपुजा करणे बाड़े त सोब झूठे तेस टह्‌नु अन्तर घेन्ते, जे हमेशा आग त गन्धके बेलि जाओरा रेहन्ता। एईएं दोकु मरुण भो।”

प्र. बोके 22:15

पर जुठे मेह्‍णु जीं कि जादू टौणा करणे बाड़े, गलत तरीके जुए जिसमे संमंध रखणे बाड़े, मेह्‍णुमार त मुर्तिपुजा करणे बाड़े त झूठ बणाणे बाड़ा त झूठे साथ देणे बाड़े शेहरे बाहरे ईं रेहन्ते।”