1 थेस्सलु 4:10 - Walangi

¹⁰ तोउं त तुस मकिदुनिया इलाके सोबी भाई भेणि जुओई बि तीं परेम जुएई बिश्ते। पर ए भाई भेणिओं! अस तुं छनेअरे कते कि तुस परेम अन्तर हउ बि बधते रिहे।

1 थेस्सलु 4:10 Iomraidhean Croise

रोमी 15:26

किस कि मकिदुनिया त अखया राज्ये विश्वासी मेह्‍णु ईं खरु लगु कि यरुशलेम शेहरे यहूदी विश्वासी मेह्‍णु अन्तर जे गरीब असे, तेन्हि जे कुछ चन्ना कठेरुं।

इफिसुस 1:15

मेईं प्रभु यीशु पुठ तुं विश्वास त विश्वासी मेह्‍णु जुए तुं परेमे बारे शुणो असु।

फिलिप्पी 1:9

अउं परमेश्वर जे प्रार्थना कता कि से तुसी बुच भाईचारा बधाल त तुसी सुआ बुद्धि त अक्ल दिआल।

1 थेस्सलु 1:7

अब त तुस ईं बण गो असे कि पूरे मकिदुनिया त अखया इलाके अन्तर जे विश्वासी असे से सोब तुं ईं बणुण चहन्ते।

1 थेस्सलु 3:12

त प्रभु ईं कराल कि जीं अस तुसी जोई परेम कते, तीं तुस बि ना सद अपफ जुओई, बल्कि होरी जोई बि परेम करे त परेम अन्तर बधते घिए।

1 थेस्सलु 4:1

त ए भाई त भेणिओं! अस तुसी जे हथ जोड़ कइ प्रभु यीशु अन्तर समझाण लगो असे कि परमेश्वर खुश करण जे त तेस लेएक जीण जे जीं तुसी असी केआं शिचो असु, होर अभेईं करण लग गो असे, तेस हउ बि कते रिहे।

2 थेस्सलु 1:3

ए भाई त भेणिओं! असी हर वकत तुं लिए परमेश्वरे धन्यवाद करण चहिए, किस कि तुं विश्वास सुसुर बधण लगोरा असा त तुं सम्हाई के अपफ बीची परेम बि सुआ पक्का भुणे लगोरा असा। त असी परमेश्वरे धन्यवाद करण बणता।

2 थेस्सलु 3:4

तुं बारे प्रभु पुठ हें पक्का भरोसा असा कि जे जे निआंग अस तुसी जे देन्ते तस तुस मानते त अगर बि मानते रेहन्ते।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।