1 थेस्सलु 4:1 - Walangi

¹ त ए भाई त भेणिओं! अस तुसी जे हथ जोड़ कइ प्रभु यीशु अन्तर समझाण लगो असे कि परमेश्वर खुश करण जे त तेस लेएक जीण जे जीं तुसी असी केआं शिचो असु, होर अभेईं करण लग गो असे, तेस हउ बि कते रिहे।

1 थेस्सलु 4:1 Iomraidhean Croise

यूहन्ना 15:2

में से सोब डा जे फल ना देन्ते, तस से काट छता त जे फल देन्ते, तेन्हि से छांटता ताकि तठि हउ बि सुआ फल लगियेल।

प्रतिनिधि 20:27

किस कि मेईं परमेश्वरे पूरी योजना तुसी शुणाण केआं कदी झिझक न की।

रोमी 8:8

होर जे जिसमे वश अन्तर असे, से परमेश्वर खुश ना कइ सकते।

1 कुरिन्थ 11:23

किस कि मेईं तुसी सेईंया शिक्षा दिती, जे मोउं प्रभु केआं मेओ थी। से ई थी कि, जेस रोज ब्यादि प्रभु यीशु दुश्माणी के हतेउ टोवेई गा, तेस रोज तेन रौठि टाती।

1 कुरिन्थ 15:1

ए ट्यारेओ! अब अउं फि तुसी यीशु मसीहे तसे खुश खबरी याद दिआन्ता, जे पेहले शुणाई छओ असी। से खुश खबरी तुसी मनो बि थी त तेस अन्तर तुस मजबूत भोई कइ बिशो बि असे।

1 कुरिन्थ 15:58

तोउं त, ए में ट्यारेओ, मसीह पुठ विश्वास अन्तर मजबूत रेह त परमेश्वरे दुतो कम कते रिहे, किस कि तुसी पता असा कि प्रभु जे तुं कोई बि कम बेकार ना भुन्तु।

2 कुरिन्थ 10:1

अउं पौलुस अपु कनारा तुं छनेअरे कता। में बारे सुआ जेईं बोते कि मुंह सामणे भोल त डरोरा, होर दूर भोल त सक्त। अउं पौलुस मसीहे ईं नरम बण कइ तुसी जे बोता

2 कुरिन्थ 13:11

अब ए ट्यारेओ! यके मन भोई कइ, त उई मी कइ बिशे। खुश रिहे त हिम्मत रख कइ विश्वास अन्तर बस घिए। होर परेम त शान्ति देणे बाड़ा परमेश्वर तुसी जोई साते रेहन्ता।

2 कुरिन्थ 5:9

त हें इच्छा ई असी कि चहे अस साते भोल या दूर भोल, अस तस खुश भुणे कम कते रिहे।

2 कुरिन्थ 6:1

परमेश्वर जुए साते कम करणे बझई जुए अस तुं छने कते कि परमेश्वरे जे कृपादृष्टि तुसी पुठ किओ असी, तस बेकार न भुण दिए।

गलाती 6:1

ए भाई त भेणिओं! फि बि अगर तुसी बुचा कोउं जेईं केस पाप अन्तर फसी गो असे त तुस जे नोउएं गुणे बेलि जीन्ते, तस बोडे अराम जुए समझाई कइ दुबारी विश्वासे जीण अन्तर मजबूत करे। तुस सद तसे ध्यान ना रखे, बल्कि अपु बि ध्यान रखे, ना त तुस बि तेस जाल अन्तर फस घेन्ते।

इफिसुस 4:1

ए ट्यारे भाई त भेणिओं! ई सोब बोक नजर अन्तर रख कइ अउं, जे प्रभु कैदी असा, तुसी जे हथ जोड़ता कि जेस बझई जोई परमेश्वरे तुस भिहो असे, तसे हेसाब जुए तुस अपु जीवन जीण दिए।

इफिसुस 4:20

पर तुस अलग ईं असे, किस कि तुसी मसीह केआं तीं नेईं शिचो।

इफिसुस 5:17

तोउं त परमेश्वरे इच्छा की असी, तस सुसुर समझीण दिए ताकि मुर्ख ना बणियेल।

फिलिप्पी 1:27

पर जीं बि भोल, तुस तीं जीण दिए जीं मसीहे खुश खबरी मानणे बाड़े जीन्ते। तोउं चहे अउं एई कइ तुसी जोई मिआल या तुसी केईं दूर भोई घियाल, अउं तु बारे ईं शुणता कि तुस विश्वास अन्तर बसी कइ, यक मन भोई कइ जे खुश खबरी विरोध कते तेन्हि जे तेसे सच्चाई उगाह देन्ते, जेस पुठ अस विश्वास कते।

फिलिप्पी 1:9

अउं परमेश्वर जे प्रार्थना कता कि से तुसी बुच भाईचारा बधाल त तुसी सुआ बुद्धि त अक्ल दिआल।

फिलिप्पी 3:14

अउं यक खिलाड़ी ईं निशाणी पतूं दौड़ुण लगो असा, ताकि मोउं से ईनाम मेईंयाल जे परमेश्वर मेन्धे देन्ता। से ईनाम स्वर्ग अन्तर अमर जीवन असा। तस देण जे तेन अउं भिहो असा, किस कि अउं यीशु मसीह पुठ विश्वास कता।

कुलोसी 1:10

ताकि तुस प्रभु खुश भुणे लेएक जीवन जी बटियेल, त हर यक अब्बल अब्बल कमी के फले बेलि परमेश्वर खुश कइ बटियेल त तसे ज्ञान अन्तर हउ बि बधियेल।

कुलोसी 2:6

त जीं तुसी यीशु मसीह अपु प्रभु मान कइ तसे पता घेणे ठीक किओ असु, तीं तुस कते रिहे।

1 थेस्सलु 3:12

त प्रभु ईं कराल कि जीं अस तुसी जोई परेम कते, तीं तुस बि ना सद अपफ जुओई, बल्कि होरी जोई बि परेम करे त परेम अन्तर बधते घिए।

1 थेस्सलु 4:2

किस कि तुसी पता असा की प्रभु यीशु कनारा असी तुसी जे की की निआंग दुतो असी।

1 थेस्सलु 5:12

त ए भाई त भेणिओं! अस तुसी जे हथ जोड़ते कि जे तुसी बुच कम कते, त प्रभु यीशु अन्तर तुसी बधान्ते, त तुसी शिचालते, तेन्के इज्जत करे।

2 थेस्सलु 1:3

ए भाई त भेणिओं! असी हर वकत तुं लिए परमेश्वरे धन्यवाद करण चहिए, किस कि तुं विश्वास सुसुर बधण लगोरा असा त तुं सम्हाई के अपफ बीची परेम बि सुआ पक्का भुणे लगोरा असा। त असी परमेश्वरे धन्यवाद करण बणता।

2 थेस्सलु 2:1

ए भाई त भेणिओं! अब हें प्रभु यीशु मसीह दुबारी एणे त तस जुए हें मीणे बारे तुसी जे छनेअरे कते,

2 थेस्सलु 3:1

ए भाई त भेणिओं! अखिर अन्तर अस छनेअरे कते कि असी जे प्रार्थना करे। प्रभु बारे समाचार जीं तुसी बुच फैलो थिआ, तीं झटपट चोहरो कना फैलो लौता त तसे महिमा भुओ लौती।

2 थेस्सलु 3:13

पर ए भाई त भेणिओं! तुस भलाई कते-कुते थकी बि घियेल, त तोउं बि भलाई करण छड़ ना देण।

1 तिमुथि 5:21

अउं यीशु मसीह, परमेश्वर त तसे चुणो स्वर्गेदूती उगाह बड़ाई कइ तोउ जे निआंग देन्ता कि एन्हि सोबी बोकी पूरा मन जोई मनीण दिए। त केसे बि कम अन्तर केहर-बेहर ना करे।

2 तिमुथि 4:1

ए तिमुथियुसा! जे जीन्ता त मुओरी के पंची कते, जेन्के दुबारी पंची करणे टेम त राज करणे टेम नीड़ा असा, अउं तेस परमेश्वर त यीशु मसीह उगाह रख कइ, तोउ चेता दिआई कइ ई निआंग देन्ता कि

इब्रानी 11:6

किस कि विश्वास करण छड़ दी कइ कोई बि कदी परमेश्वर खुश कइ न बटता। जे कोउं परमेश्वरे भेएड़ एण चहन्ता, तस पेहलाई विश्वास करण कि परमेश्वर असा। होर से तेन्हि मेह्‍णु के भलाई कता, जेन्के ध्यान तस पुठ असा।

इब्रानी 13:16

होरी के भलाई करण त तेन्के जरूरते चीजे देण न बिसरीण, किस कि परमेश्वर एसे ईं भकती बेलिए खुश भुन्ता।

इब्रानी 13:22

ए ट्यारेओ! अउं तुं छनेअरे कता कि तुस में उपदेश लाह जोई शुणिण दिए, किस कि मेईं तुसी जे चिट्ठि अन्तर थोड़ु भइ लिखो असु।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।

1 यूहन्ना 3:22

होर जे कुछ बि अस मगते से असी तेस केआं मेतु, किस कि अस तसे निआंग मानते त जे तेस खरु लगतु तेस अस कते।