1 थेस्सलु 3:6 - Walangi

⁶ पर अभेईं तिमुथियुस, जे तुं भेएड़ केआं वापिस अओ असा, तेन तुं विश्वास त परेम बारे बधिआ खबर शुणाई। होर तेन असी जे ईं बोक बि लाई कि तुस असी बोडे परेम जुए याद कते त जीं अस तुसी जोई मीण चहन्ते, तीं तुस बि असी जोई मीण चहन्ते।

1 थेस्सलु 3:6 Iomraidhean Croise

प्रतिनिधि 16:1

तोउं पौलुस, त सीलास देरबे त लुस्त्रा शेहर पूज गे। तठि तिमुथियुस नओएं यक विश्वासी भाई थिआ। तसे बोउ यूनानी थिआ त ई यहूदण थी, पर मसीह पुठ विश्वास कतीथ।

प्रतिनिधि 18:1

तढ़िया पता पौलुस एथेन्स शेहर छड़ दी कइ कुरिन्थुस शेहर आ।

प्रतिनिधि 18:5

जपल सीलास त तिमुथियुस मकिदुनिया राज्य केआं आए, त पौलुस डेरा बणाणे धन्‍दा छड़ दी कइ पूरे टेम खुश खबरी शुणाण लगा त यहूदी मेह्‍णु जे उगाह देण लगा कि यीशु ईं मसीह भो।

1 कुरिन्थ 11:2

त ए ट्यारेओ! अउं तुं शबाशि कता कि तुस हर चीजी अन्तर मोउं याद कते त जे शिक्षा मेईं दुतो थी तस मानते।

1 कुरिन्थ 13:13

परमेश्वर पुठ विश्वास, तसे वादे पुठ उम्मीद त होरी जोई परेम करण ए टाहो हमेशा रेहन्ते। पर अन्हि टाहोई अन्तर परेम सोबी केआं बोडा असा जे असी होरी जोई करण।

गलाती 5:6

किस कि जपल कोई मसीह यीशु पुठ विश्वास कता त तस खतना भुणे या ना भुणे कोई मुल नेईं। सद विश्वासे मुल असा जे परेमे बेलि अपफ हरालता।

फिलिप्पी 1:8

जीं यीशु मसीह तुसी जुए परेम कता, अउं बि तुसी जुए परेम कता। त मोउं तुं कत हप्पड़ लगता, तसे बारे उगाह परमेश्वर असा।

कुलोसी 4:18

अउं पौलुस अपु हथे बइ ए नमस्ते लिखुण लगो असा। याद रखे कि अउं मसीहे बझई जोई कैदी असा। परमेश्वरे कृपादृष्टि तुसी सम्हाई पुठ भुन्ति रिहे।

1 थेस्सलु 1:3

त हें परमपिता परमेश्वरे सम्हाणि तुस विश्वास अन्तर जे कम कते, परेम जुओई जे मेहनत कते त हें प्रभु यीशु मसीह पुठ जे तुं पक्की उम्मीद असी, तस याद कते।

1 थेस्सलु 2:17

ए भाई त भेणिओं! जपल अस तुसी केआं थोड़े देरे लिए दूर भोई गो थिए, हांलाकि नजर केआं, मन केआं ना त तुं तीं हप्पड़ लगा त तुसी जोई मीण जे असी हउ बि सुआ कोशिश की।

1 थेस्सलु 2:9

तुसी हें कम त कष्टे बारे याद कते कि अस कीं भ्यागे ब्यादि कम कतेथ, ताकि परमेश्वरे खुश खबरी प्रचार कते टेम केसे गरका ना लौते लगो।

1 थेस्सलु 3:7

तोउं त ए भाई त भेणिओं! तुं ईं विश्वासे बझई जुए असी एत दुख त कष्ट अन्तर बि शान्ति मेओ असी।

2 थेस्सलु 1:3

ए भाई त भेणिओं! असी हर वकत तुं लिए परमेश्वरे धन्यवाद करण चहिए, किस कि तुं विश्वास सुसुर बधण लगोरा असा त तुं सम्हाई के अपफ बीची परेम बि सुआ पक्का भुणे लगोरा असा। त असी परमेश्वरे धन्यवाद करण बणता।

1 तिमुथि 1:5

इस निआंग देणे मकसद परेम असा, जे शुचे मन, साफ अन्तरात्मा त सच्चे विश्वास जुए एन्ती।

2 तिमुथि 1:3

ए तिमुथियुसा, जेस परमेश्वरे सेवा अउं अपु पुरखी के ईं रीति रिवाज जुए त साफ अन्तरात्माई जुए कता, तेस धन्यवाद कता कि अउं रोज ब्यागे ब्यादि अपु प्रार्थना अन्तर तोउ याद कता।

फिलेमोन 1:5

किस कि अउं प्रभु यीशु मसीह पुठ तें विश्वासे बारे त तु कीं सोब शुचे मेह्‍णु जुए परेम कता, तसे बारे शुणता रेहन्ता।

इब्रानी 13:3

तेन्हि कैदी विश्वासी के ईं ख्याल रखे, जीं तुस अपफ बि तेन्हि जोई साते जेहेल अन्तर असे। होर जे भुंजाओ असे, तेन्के बि ईं समझ कइ ख्याल रखे कि जीं तुसे भुंजाण लोओ असे।

इब्रानी 13:7

जेन्हि तुसी परमेश्वरे वचन शुणाओ थिए, अपु तेन्हि खुश खबरी सेवकी याद करे; त विश्वासे लिए तेन्के जीण त कमे फल हेर कइ तेन्के ईं विश्वास करणे कोशिश करे।

1 यूहन्ना 3:23

तसे निआंग ई भो कि असी तसे कुआ यीशु मसीह पुठ विश्वास करण, होर जीं तेन हेन्धे निआंग दुतो असी तिहांणि अपफ बुच परेम रखण।